التجارة في الانستقرام <<< و سعر المندوب !!!!!

[قطريه ماركه]

جربتي تشتكين؟ اذا اشتكيتي قولي لي شسولج

الحمد لله كل طلباتي تمااام التماااام

[قطريه ماركه]

اقصد ردود صاحبة الموضوع

ردودي ما فيها شي
انت شووف ردودك

و نفس ما قالت الاخت رد اقرا الموضوع مره ثانيه

و الا شكلك طلعت تاجر في الانستقرام لانك وااااااايد تفاعلت

[غير البشر]

مرحبا اختي قطريه ماركه
لاهنتي على الموضوع الي الكل يعاني منه

مهب بس المندوب حتى اشوف الناس تشتكي من اسعارهم المبالغه فيها
ويقولون ماعندهم ايجار محل ولا شي المفروض يكون السعر ارخص

طبعا انا مالي سوالف شراء من الانستغرام بس هذا الي نسمعه


وصح كلامج الدوحه صغيره حتى لو يبي يترزق محد يقدر يقطع زقه لان الرزاق في السما سبحانه وتعالى
لكن ممكن ناس يستاهلون ومحتاجين هالمبلغ وكلن ياخذ حق بدون مبالغه

اما بخصوص ان هذا دريولها مانقدر نظلمها
اما لو صج بتكون كاارثه


بس بما ان اسعارهم غاليه والمندوب غالي
تأكدي ان شغلهم ماشي وامورهم طيبه وناس راضيه بهالوضع

الله يرزق الجميع الرزق الحلال

[غير البشر]

مايخلونكم تدلون البيت لانه ممكن حد يبلغ عليهم هذي تجاره بدون ترخيص مخالفه للقانون من جذي يعطونكم اسم وهمي وحلقه التواصل هو المندوب

هاااا
يعني تجارتهم ممنوعه وعندهم طرق للتخفي
خوفي يجي يوم ويتاجرون با الاعضاء البشريه هههههه

صادقه الاستقراطيه
لاني سمعت حتى انهم خارج نطاق البلديه بخصوص مستوى النظافه وغيره وماعليهم رقابه
لانهم بدون تراخيص وشغلهم داخل البيت


لو صاحبه الانستغرام يكون شغلها يدها بنقول معقوله
لكن اتوقع خدم يعني ماسوينا شي

انا كنت مؤيد ومشجع لهم كثير للي با الانستغرام
لان احس في ناس فعلا يشتغلون بتعبهم ويبغون يعتاشون منها
لكن الحين اشوف كثر عليهم الكلام


الاستقراطيه شنو شريتي اخر شي من عندهم
وبكم
ومستوى المنتج شلون
وكم خذ المندوب وغيره هههههههههههههه

[قطريه ماركه]

مرحبا اختي قطريه ماركه
لاهنتي على الموضوع الي الكل يعاني منه

مهب بس المندوب حتى اشوف الناس تشتكي من اسعارهم المبالغه فيها
ويقولون ماعندهم ايجار محل ولا شي المفروض يكون السعر ارخص

طبعا انا مالي سوالف شراء من الانستغرام بس هذا الي نسمعه


وصح كلامج الدوحه صغيره حتى لو يبي يترزق محد يقدر يقطع زقه لان الرزاق في السما سبحانه وتعالى
لكن ممكن ناس يستاهلون ومحتاجين هالمبلغ وكلن ياخذ حق بدون مبالغه

اما بخصوص ان هذا دريولها مانقدر نظلمها
اما لو صج بتكون كاارثه


بس بما ان اسعارهم غاليه والمندوب غالي
تأكدي ان شغلهم ماشي وامورهم طيبه وناس راضيه بهالوضع

الله يرزق الجميع الرزق الحلال

من ردك واضح انك فهمت قصدي من الموضوع
الله يوفقهم ان شااااء الله
بس النقطه اللي تحررر في الموضوع
اجرة المندوب اللي كل شوي تزيد

شكرا للمرور اخوي غير البشر

[مابدل العادات]

انزين ليه تشترون إذا غالي ؟؟؟

هاي شي معروف في كل التجار على مستوى دوله قطر كل كمن شهر يرفع الأسعار وللحين الناس تشتري ليش ينزل ؟؟؟

اكيد مابينزل وبيتم يرفع
ا
المشكله الناس تشتكي من ارتفاع الأسعار ويروحون يشترون وياريت عاد اشياء اساسيه ومحتاجينها ضروري ألا كمالايت و كوافي

[ANONYMOUS]

خوش تجاره للمبتدئين

اذا المدخول 6000 ريال.. اذا دريول معاشه الف وسياره قسطها الف و 4000 ارباح

6 دريوليه = 24 الف

وشغل 16 ساعه يوميا

يالله .. فكره مجانيه

[alsoq]

دام انج او انك راضي
خل الناس ترزق بالحلال شنو يعني 50 ريال وهو في ها الزحمة وانت او انتي متكي في البيت وجيك الغرض لباب البيت

[المحقق كونان]

نصب واحتيال باسم المندوب ... وهو يمكن دريول

إرسال سلعة وزنها 1.5 كيلو بالبريد الممتاز لأمريكا يكلف 100 ريال

شريت سلعة من حياة بلازا ب 99 ريال وحصلت نفسها بالضبط عند تاجر في الإنستجرام ب 200ريال و50ريال للمندوب

[دايموند]

لا تشترون منهم وخل بضايعهم تطيح بجبدهم ذيك الساعه بصير سعر المندوب 30 ريال او 20 ريال

والي ماتبينا ندل بيتها فهاذي مشكلتها
عندي سياره واطلب مندوب اشحقه !!!!