التجارة في الانستقرام <<< و سعر المندوب !!!!!

[قطريه ماركه]

نعم صحيح .. بالنسبه لي اقل مبلغ ادفعه للمندوب 50 ريال والاكثريه 80 و100 ..

تطلبين شغله ماتجي سعرها مثلاً 300 تدفعين عليها 100 للمندوب .. ثلث المبلغ راح بس جي !!

ولا حبيبتي القهر يوم تبين تطلبين شيء مو متوفر الا بالطلب .. تعالي دفعي للمندوب عشان يستلم العربون .. ويوم يجيب لج الطلب دفعي له مره ثانيه !!

نصب واحتيال وغش .. اتمنى يكون في رادع من جهة مختصه بمتابعة هالتاجرات ومناديبهم !

صح صح هالنقطه كنت باكتبها و نسيت انه ايي و ياخذ المقدم و بعدين يوم اييب الطلب بعد ياخذ
الله المستعااان

[قطريه ماركه]

خلي الناس تترزق قطع الاعناق ولاقطع الارزاق

تترزق بالسعر المناسب مب بهالاسعار المبالغ فيها

[قطريه ماركه]

عفوا شنو (كافي المشروم) ؟؟

كافي على شكل مشروم

[بريق الحق]

تترزق بالسعر المناسب مب بهالاسعار المبالغ فيها

سوال هل انتي مجبوره تشترين من عندهم ؟

[قطريه ماركه]

دام راضين ما لكم حق تعترضون اذا ما عجبكم لا تشترون

كلامك صحيح و مية مية بس شنسوي في اشياء مش متوفره الا عندهم لازم ما يستغلوننا

لانهم بعد ربحانين و يبون يبيعوون

[نتفـه]

صراحه اغلب المناديب اللي جوني .. اما دريول التاجره أو اخوها او ولدها او بنتها .. او التاجرهه بكبرها وياخذون اجرة التوصيل !!
صراحه لا تعليق
وفعلا 50 ريال وااااااااايد اوفر .. امس دفعت خمسين حق تاجره احس ان بيتها جنب بيتنا وحياتكم ان تقول طلع الطلب 5 دقايق الا هو عند بيتنا .. والتوصيل كالعاده ب 50 !!!
لا تعليق

[قطريه ماركه]

لا مب شرط ادريولها تعاملت مع تاجرات مندوبينها عرب مصري ولا سوري يترزق الله و فانستقرام حسابات لهالناس اللي توصل الطلبات

بعدين عيب ناخذ الشغله و نخليها توصلها بيتنا و ما نعطيهم حق التوصيل هذا حق العامل تعبه ودوارته على مكان البيت و سعر البترول اللي وصله لين بيتج

صح في ناس عندهم مندوب عربي مب لازم دريول بس انا اطلب واااايد و مروا علي وااايد و ف الاونه الاخيره اكثرهم هنوود
صح بنعطيهم بس سعر زهيد لانه سياراتهم ال 20 ريال تفوول لهم السياره !!

[قطريه ماركه]

وعليج و رحمة الله ..

بغض النظر عن الجنسية ..

إن كان برضى جميع الأطراف و مافي مانع شرعي

فنخليهم يترزقون ..


أما إن كانت هناك زيادة واضحة في اجرة المندوب ، فلا بد من إيجاد حل ..

أو ان الشخص لا يشتري عن طريقهم و يريح باله ..

مع التحية ..

اي هالمشكلة انه الطمع ذبحهم و صار السعر مرتفع !!
و نفس ما ذكرت انه البضاعه تكون عندهم مرغوبه

[قطريه ماركه]

في طريقة زينة احسن من المندوبين الي هي التوصيل عن طريق البريد المسجل الوصول ثاني يوم و التكلفة اقل من 20 ريال الا اذا يبون الطلب مستعجل يوصلون و يدفعون للمندوب!!!

و اذا عن الدفع و العربون يا تجار افتحوا حسابات بنكية بكل البنوك و خلوا الزباين يحولون بالتلفون او الانترنت بانك و خلصنا

و الله طريقة ممتازه بس يبي لها تطبيق
و شوفي السعر 20 ريال !!!!

[قطريه ماركه]

خلك في صلب الموضوع اخوي

شكراً