مع القرار وتنفيذه بأسرع وقت، اللى ما عاش تجربه انه يكون محاصر بسيارات من كل جانب وجيران في بيت كانت تسكنه عائلة وحده مع أطفالها ،والآن فيه اكثر من 6 عائلات وصاحب الملك ينوى أضافه بورت كابن لعائلات اخرى ،أرجو ان يكون هناك حملات تفتيشيه ورقم هاتف يمكن الاتصال عليه للبلاغ عن مثل هذي المخالفات
الي يتكلمون عن الاسعار اكثرهم ماعندهم درايه بالسوق او مستفيدين ويبون يغطون على الحقائق .. فرق السعر بين الشقق والبيوت المقسمه ما يتجاوز 500 الى 1000 ريال ويمكن 2000 لو كانت شقه كبيرة 3 او 4 غرف ، هذا اذا راعي البيوت المقسمه غشيمم وحسب جولاتي في سوق العقارات وزيارتي لكثير من البيوت والعقارات المقسمة اقولكم اكثرها فرق 500 لين 1000 فقط !! .. والي يبي يلاقي شقق بسعر جيد لازم يدور وبيلاقي بسهولة .. وانا بنفسي توني ملاقي شقه لشخص بـ 4700 غرفتين وحمامين ومطبخ وصاله مع موقف سيارات مظلل في المطار القديم ..
وفي شقق رخيصة تابعه لازدان او بروة ومتوفرة بكثرة وبإتصال واحد تقدر تسكن فيها بس هم ما يبون يسكنون في الوكير او يمشون على نظام وشيكات ضمان وقوانين تنظم سكنهم .. وما يبون المناطق الي فيها شقق كثيرة لصعوبة المواقف وكثرة الناس والسيارات في الفترة الصباحية او المسائية وقلة الخدمات بالمقارنه بعدد الافراد .
بعض المناطق صاير فيها فوضه كبيرة والشوارع صارت مسار واحد من كثر السيارات الي واقفة على الطرفين ! .. وانا اعرف واحد متأذي وما يحصل موقف له ولاخوانه جدام بيتهم وهم عندهم 8 سيارات ، حط لافتات ممنوع الوقوف مافي فايدة .. وزع ورقه على الفلل الي حولة مافي فايده .. حط اوراق على السيارات مافي فايده .. اخر شي وزع درامات صبغ ترسها رمل على الرصيف علشان محد يصف عند بيته وصار لا هو يصف هناك ولا هم ! .
حتى مواقف المساجد احتلوها وتلاقونها مليانه مواتر طول اليوم !! .
تبرع لصندق الزكاة بإرسال رسالة على الرقم 92438 مع وضع الرمز كما هو مبين بالصورة
اسعار الإيجارات بيتغير
يا بيرتفع او ينزل
اعتقد هالشي سبب من الأسباب
لصالح من ؟ الله أعلم
ارتقوا فإن القاع مزدحم
شدخل قطع الارزاق الحين ؟ محد قالهم يتركوا البلد ! احنا نقول خل يروحون شقق على قدهم وبيحصلون شقق رخيصه مب ام سبع الاف ! في شقق اسعارها معقوله واللي يدور بيلاقي ولا يعني لازم تكون فلته جنب شغله حتى يوفر بالبترول وقاعد في فيلا مقسمه مافي عداد ماي ولاكهرب يحاسبه ! ، اشمعنى المواطن اللي تطلعله ارض بالمناطق الشماليه وشغله يكون بالدوحه مثلا يحمدربه مع انه المكان بعيد بس يرضى !!
انا مب ضد اي احد لكن انا مع الترتيب وضد العشوائيه والهمجيه
اللهم إني أعوذ بك من العجز والكسل والجبن والبخل والهرم ، وعذاب القبر . اللهم أتي نفسي تقواها وزكها أنت خير من زكَّها ، أنت وليها ومولاها .
اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها .
اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .
اللهم إني أعوذ بك من غلبة الدَّين ، وغلبة العدوِّ ، وشمائة الأعداء
اللهم إني أعوذ بك من العجز والكسل والجبن والبخل والهرم ، وعذاب القبر . اللهم أتي نفسي تقواها وزكها أنت خير من زكَّها ، أنت وليها ومولاها .
اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها .
اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .
اللهم إني أعوذ بك من غلبة الدَّين ، وغلبة العدوِّ ، وشمائة الأعداء
انا من اكثر الاشخاص الذين يعانون من مشكلة تقسيم الفلل.
بعد رحيل جيراني القطريين من الجهتين (يمين و يسار) مسكني، تم تقسيمها و سكنو عوائل اسيوية. بعض المشاكل التي و اجهتها:
1) مشكلة مواقف السيارات، و تسكير المدخل علينا.
2) زادت معدلات انقطاع الكهرباء في الفريج، بسبب الضغط العالي.
3) جنوننا عيالهم بسبب كرة الكركت، كل ساعه تطيح عندنا في الحوش، و ما شاء الله من كثرهم كله قاعدين في السكة، شفتات، لان زحمة في البيت، غير الصريخ المزعج.
4) ريحة طباخ الاكل و البهارات‘ داخلة البيت عندنا، لان الصالة محولينها مطبخ، و مراوح الشفط عندهم تدف. و الله اول ما سكنو و شفت تمديدات البيبات طالعه من صالتهم العلوية، ظنيت ان المالك اجر البيت على شركة مطابخ.
5) 3 مرات رياييل اسيويين داخلين بيتنا بالغلط، صرت ما اقدر اخلي باب الحوش مفتوح، حتى اذا بروح اصلي المغرب 5 دقايق.
6) صندوق الزبالة اللي عند بيتنا صاير يفيض من الكشرة.
الحق يقال، ما صار طفح للمجاري لحد الان و لله الحمد.
ادعو لي ان المقاول يخلص بيتي بسرعة عشان اشد و ارتاح، الخوف ان نفس المشكلة تنتقل للمنطقة الجديدة اللي بيروح لها.
من حسن إسلام المرء تركة ما لا يعنيه
ياليت المستأجرين في الفلل المقسمة يبينون لنا
الشي الي يخليهم يفضلون الفلل المقسمة مع مخاطرها علي العمارات
أنا كنت أظن السعر هو الشي الرئيسي
بس لما شفت عائد العماير الشهري استغربت من الأسعار !!
الله يعين المتضررين من الصوبين !
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
الله يعينك يا بوراشد و يتمم لك علي خير
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
مشكورين البلديه على هالقرار بيض الله وجهم ونتمنى التطبيق صارو ازعاج للساكنين .. والتاجر وصاحب الموضوع يفكر في مصلحته بس مايفكر بالضرر على الساكنين لو انت بيتك قدام بيت مستأجر على 20 شخص وخلو بيتك مواقف لسياراتهم غير الازعاج والخوف على عيالك واهلك كان باركت هالقرار وفرحت له