العازل

[$الملياردير$]

السلام عليكم ورحمة الله و بركاته .... حبيت استفسر بخصوص العوازل هل في مواصفات و الا هي واحده في كل الشركات ... وثانيا رأيت بعض البيوت في السعودية تكون الأسطح مبلطة و فيها فواصل تمدد فوق العازل هل هي جيدة كفكرة تبليط السطح فوق العازل ... الشركات المسند و تدمر و نهاريا هم الأفضل و الا شرايكم .....جزاكم الله خير

[الحـ قطر ــب]

المسند رقم 1 / سعر + سرعه فالانجاز

لو بتستخدم السطح للقعدات بلطه

اما لو التبليط عشان حمايه بس فمايحتاج اتخسر لان فوق العازل بيصبون كنكريت وبيضبطون لك السلووب

[$الملياردير$]

شكرًا اخوي قطر الحب ....على ردك

[معماري قطري]

بالنسبة للعزل المائي والحراري فوق السطح فهناك عدة تفاصيل ولكل تفصيل طريقة ومواصفات وسعر حسب المناقصة والتسعير

مثال فيه طريقة عزل بعمل سكريد خرسانة خفيفة بميلان معين وبسمك من الأَطراف لا يقل عن 4 سم حتى ما يكون هش ويتكسر من دوس الأَرجل .. وثم يجي فوقه صبغ بتومين وعازل بتومين رول بمواصفات معينة ويلصق بالنار .. وفوقه غشاء خاص بعد بمواصفات معينة .. وفوق يجي العازل الحراري بسمك ومواصفات معينة وأَخيراً تجي صبية اسمنت ( screed ) وتكون بفواصل خاصة وبسمك معين.

وهناك بالطبع طرق عزل أُخرى تختلف من شركة لشركة .. والشركة الجيدة هي اللي تعطيك تفاصيل الشغل صح برسومات ومواصفات واضحة وتعطيك ضمان على شغلها.

بالنسبة للتبليط ببلاط شعبي بسعر معقول أَحياناً يكون مقارب لسعر السكريد الخفيف ويكون أَضمن لفترات طويلة ويكون في نفس الوقت عاكس للشمس وأَنظف .. وفي بعض الدول يستخدم البتومين كحماية من الرطوبة ويركب فوقه البلاط بميلان بسيط وبدون عازل حراري وبدون العازل الرول .. بس طريقة تركيب البلاط تكون بالبتومين وبفواصل بتومين بسيطة ثم تغطى بطبقة بسيطة من روبة عادية فإِذا اخترقت المياه طبقة الروبة التي تحمي طبقة البتومين من التشقق بعد تعرضها للشمس تتصدى لها طبقة البتومين ويكون النظام فعال.

عارف موضوع العزل موضوع متشعب وطويل وعندنا خطأَ كبير في مواصفات بيوتنا بوجود العازل الحراري فوق السطح فقط وعدم وجوده في الجدران وهذا يتسبب في تكدس الحرارة قرب السقف بسبب خاصية ارتفاع الهواء الحار وعدم خروجها من السقف بسهولة بسبب وجود العازل وثم تأَثيرها السلبي في حرارة الحيز الداخلي .. إِضافةً للحرارة الداخلة من الجدران الغير معزولة .. والصحيح العزل الكامل للسقف والجدران والنوافذ والأَبواب .. ولمزيد من التفاصيل يرجى قراءَة موضوع العزل الحراري الموجود في توقيعي.

[$الملياردير$]

تسلم يمناك لا عدمناك ..... معماري قطر دائماً متألق بردودك

[معماري قطري]

تسلم يمناك لا عدمناك ..... معماري قطر دائماً متألق بردودك

يسلم راسك .. ما ادري أَحس اني ما وضحت الصورة صح والموضوع مثل ما ذكرت معقد شوي .. تدمر والمسند خبراء وعندهم تفاصيل ورسومات وعينات لكل نظام والتبليط تقدر تخليه بعدين كحماية اضافية .. بس نظام السلوبين تقدر لو صار فيه خلل تحط البتومين الرول فوقه المقاوم للشمس