استفسار ،، للرجال فقط ،،

[حمد 2002]

السلام عليكم ورحمه الله وبركاته

استفسار ،، للرجال فقط ،،


مع قرب العيد ،،

اي محل اتفصل فيه ثيابك للعيد ؟ ومن وين تشتري نعال ونتوا بكرامه ؟ والمستلزمات الاخرى طبعا ؟

ولا تلبس انعالك ونتوا بكرامه مالت عيد الفطر ؟ ونفس الشيء للثياب ؟


وشكرا ،،

[R 7 A L]

هالعيد بسوي مثلك
بشتري طاقه وبفصل في سوق العلي بــ 40 ريال
وبشتري نعال فانتينو 2 حبتين
وعطور من سوق العلي والاشياء الاخرى من سوق واقف
الله الله

[بو الجوري]

أنا فصلت ثوبين من إسبوعين .. من محل في محطة بوهامور
الثوب بـ 220 ريال

و النعال وإنتوا بكرامه ماخذت للحين .. يمكـن أشتري من فانتينو بوحبتين أو ألتيما ..

و الصراويل والفنايل عندي للحين كميه غير مستعمله بأكياسها ..


وباقي الأشياء مثل الساعه و القلم والإزرار ، ماراح أشتري حاليا
لأنه ماد ريولي على قد لحافي .. و الميزانيه خرباااانه


وأصلا يمكـن تجيني سفره فالعيد 4 ليالي ( محمول مكفول ) ننتظر الفرج

[ودي أكون]

السلام عليكم ورحمه الله وبركاته

استفسار ،، للرجال فقط ،،


مع قرب العيد ،،

اي محل اتفصل فيه ثيابك للعيد ؟ ومن وين تشتري نعال ونتوا بكرامه ؟ والمستلزمات الاخرى طبعا ؟

ولا تلبس انعالك ونتوا بكرامه مالت عيد الفطر ؟ ونفس الشيء للثياب ؟


وشكرا ،،

اذا انعالتك مالت العيد مخشوشه ولا استهلكتها .. خلها للعيد ..
والثياب كذلك .. لان انتو بالاساس ماينعرف جديدكم من قديمكم





^داشه متنقه

[بريق الحق]

اذا انعالتك مالت العيد مخشوشه ولا استهلكتها .. خلها للعيد ..
والثياب كذلك .. لان انتو بالاساس ماينعرف جديدكم من قديمكم





^داشه متنقه

هذا الصح

[بونووف]

من العيد الي طاف مفصل لي 9 ثياب استعمل 6 باقي 3 خذت خلق من سوق واقف ومن خياط لكزس وتحسف اني خيطت عنده لانه خياطته تعباانه والكلر من ثاني غسله الا تنفخ وبين قديم

النعال بشوف لي تميمه
باقي المستلزمات اشوف من دنهل ولا مون بلانك

[الوسيط العقاري]

الثياب من خياط سيليني

تكرمون النعل من كاريتي

[بوعلاوي]

انا ما احتاج افصل ثياب ولا اشتري نعال ( الله يعزكم )
في العيد كله راقد وعزوبي ما عندي شي

واذا ابي اطلع بطلع في الليل البس ثوب مال عيد الفطر والنعال بعد عندي فانتينو قديم
ما احتاج اكشخ

[Charisma]

انا ماحب اتشرا وقت العيد او كل فتره .. اخذ اغراضي دفعه وحده حق سنه وشوي واريح مخي
الثياب افصل كميه في سيليني او قباء والقماش ( المملكه لايعلى عليه ) واستخدمهم فوق السنه
والنعل تكرمون اخذهم من تميمه ويعمرون معاي اكثر من سنتين
والغتر والعقل والقحافي والصراويل والفنايل من سوق العلي ( سليمان او انور )
( اخذ كراتين منهم بالجمله ) وسوالف الاطقم بصراحه مب متولع فيها وعندي اللي يكفيني
والعطور<< غرامي من الاسواق الحره

اما ان كل عيد ولا مناسبه اروح افصل واخذ نعال واشتري طقم .. عوار مخ

[بونووف]

انا ماحب اتشرا وقت العيد او كل فتره .. اخذ اغراضي دفعه وحده حق سنه وشوي واريح مخي
الثياب افصل كميه في سيليني او قباء والقماش ( المملكه لايعلى عليه ) واستخدمهم فوق السنه
والنعل تكرمون اخذهم من تميمه ويعمرون معاي اكثر من سنتين
والغتر والعقل والقحافي والصراويل والفنايل من سوق العلي ( سليمان او انور )
( اخذ كراتين منهم بالجمله ) وسوالف الاطقم بصراحه مب متولع فيها وعندي اللي يكفيني
والعطور<< غرامي من الاسواق الحره

اما ان كل عيد ولا مناسبه اروح افصل واخذ نعال واشتري طقم .. عوار مخ

من وين تاخذ قماش المملكه ..؟