السلام عليكم ورحمة الله
اتمنى لو احد فيكم مر بموقف مثل موقفي هذا ان يرشدني للحل او نصيحة اعمل بها
انا عندي ولدي الصغير توة رايح صف اول لكن المشكلة كل ما اذهب بة يبكي ويخاف من اي شخص غريب كان طفل او بالغ لدرجة اني احزن لمنظرة وهو يبكي والان اقول لة يا بابا انت شاطر نام علشان باكر اوديك المدرسة من يسمع اسم مدرسة يبكي ويتم يترجاني ما يبي يروح والله انا محتار شسوي معة محتار شسوي بصراحة موقف جدا صعب .
اخوي الله يحفظ ولدكم ، هو مافيه اي شي غير انه ماتعود ينترك في مكان جديد ومع اشخاص جدد غير الاب والام وباقي افراد اسرته ماتعود يبعد عن محيط اسرته بمعنى اخر..
الحل انك تثق في المدرسه والمدرسين انهم بيقدرون يدمجونه ويعودونه يلعب مع باقي الاطفال.. ولكن هذا الموضوع ممكن ياخذله وقت من اسبوع الى ثلاثه اسابيع.. والبكاء امر طبيعي جدا فلا تقلق..
اللهم إني أعوذ بك من العجز والكسل والجبن والبخل والهرم ، وعذاب القبر . اللهم أتي نفسي تقواها وزكها أنت خير من زكَّها ، أنت وليها ومولاها .
اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها .
اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .
اللهم إني أعوذ بك من غلبة الدَّين ، وغلبة العدوِّ ، وشمائة الأعداء
اكيد يعاني
انصحك تأخذ اجازة وتكون قريب منه
فرغ نفسك له و وص عليه في ادارة المدرسة
ولا غير المدرسة
ارتقوا فإن القاع مزدحم
جزاك الله خير اتمنى والله يتغيرالمشاركة الأصلية كتبت بواسطة طبيب قطري
جزاك الله خير هو انا كلة معة طول اليوم اكون جالس معة او اخذة معاي لما اطلع وقليل اطلع بحكم عملي ارجع متاخر لكن اذا قصدك اخذ اجازة علشان اروح معة المدرسة و اجلس معة طول اليوم ما يصير بس اسلمة المدرسة و اروح و امة تمر تاخذة الظهر لني اكون بالدوام ما اطلع الا مع العصر الله يعين والله الواحد ودة يكون جنبهم على طول بس صعبة الحياة الحمدلله على كل حال وجزاك الله خير على النصيحة
ياخوك عادي عيالي نفس الشي وخصوصا في اول مرحله
خل امه توديه وتقعد معاه شوي شوي وبعيدن بتخليه ويلها مع الطفال
بس هل يوم كان في الروضه نفس الشي ولا تغير
ولا تشوف اخصائيه اطفال مادري عاد عندنا هني ولا لا
وبشرنا
كلنا مرينا بهالشيء يوم كنا يهال بصف اول ابتدائي..
الله يحفظه ياارب ويطلع من الأوائل المتفوقين
اخوي انت اخطات جزاك خير كان لازم قبلها بسنه تعودده
اذكر الوالده كانت كل كم يوم تودي اختي الصغيره الروضه وتقولها شوفي يلعبون ويرسمون ويلونون لين ماتاقلمت وصارت تبي تروح
وعلى طول سجلتها السنه اللي بعدها
حاول انك تمشي معاه باسلوب الهدايا
يعني قوله بكره ان شاء الله اوديك المدرسه وعقبها لو انت ماصحت نروح نشتري هديه لك ومن هالقبيل
حببه وحاول تزرع فيه انه يحب المدرسه
انا بنت
بالعكس اذا سوى هالشي صعب عليه يتركه وبيتعلق فيه زياده وبيروح المدرسه لان ابوه معاه وفعلا هو بيسكت بس مرد الابو يروح عنه ف بيرجع يصيح ولابيستفيد من قعدته معاه ،،، نصيحه من اخت ياخوي نزله ووص عليه المدرسات واطلع عنه خله بيصيح مره مرتين اسبوع وبيسكت ،، حببه فالمدرسه كافأه باشياء يحبها لي خذته مثلا وده ياخذ له لعبه او شي يحبه بس طبعا مب كل يوم عشان مايربط روحته حق المدرسه بالهدايا ،، انا كنت انزل بنتي واسمعها تصيح والله اني اركب السياره وانهد من الصياح عليها ،، بس عشان مصلحتها،،
دوس على قلبك وخله ومرده بيتعلم
حسبي الله لا اله الا هو عليه توكلت وهو رب العرش العظيم
غير جو الولد وخله يحتك مع العالم اكثر فالمسجد والاماكن العامه
ضوابط المشاركة
رد مع اقتباس
