الله يرحمه ويصبر اهله
|
الله يرحمه ويصبر اهله
اللهم ارحم أبي و أمي وجدتي و أختي واغفر لهم واجعل قبرهم روضة من رياض الجنة لا حفرة من حفر النار
اللهم اجزهم عن الإحسان إحسانا وعن الإساءة عفواً وغفراناً
اخوي دعم باكستاني كان طالع من الدوار مشي قاطعه لان كان يستظل بالشير الي فالدوار ومقيل تحتهم ويوم شبع قام وشقح الدوار
في ذمتكم هنيه من الغلطان ؟؟؟
طبعا بما اني دعم ادمي طلع اخوي الغلطان
يعني عادي تعبر دوار مشي !! بس لي اندعمت انت منت بغلطان
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
اللهم امينالمشاركة الأصلية كتبت بواسطة basma222
اختي الله عطانا عقل
الغلط اصلن راكب الباكستاني غصبآ عن الكل
بس القانون يقول ان الغلط على السايق
هني المشكله
مب سالفه هذي برقد فالدوار
اصلن اول شي وجوده فالدوار هاي اكبر غلط
وعقب ان بشقح الشارع وبخلي الغلط على السايق
لا طبعآ
الغلط على الي يعبر الشارع
الشارع مخصص للسيارات مب للهمج الي يعبرون الشارع
لو في مكان لعبور المشاه انا بوقف وبخليه يعبر
اما مكان مافيه عبور والرصيف شكبره يشقحه
عسى ماشر
وين قاعدين احنا
الله يهديهم ويستر عليهم ويحفظنا من هالناس
يازييين قانون ابوظبي في هالموضوع
مب كفو شخص يعبر الشارع الحين
لأن عليها مخالفه على العابر واذا اندعم يتحمل تصليح السياره والمخالفه والغلط على العابر
الا في خط عبور المشاه الغلط يكون على السائق
والله انه محد يقهر الا هالبتان اليوم فشارع حمد اثنين ويتمشون ولا هامهم لا وبعد الخان يعطيني بالنظره اللي لو فيك خير ادعمني بالله هذول شنسوي فيهم الهندي بيشقح ويراكض على غباء بس عيال خان اللي ما همهم شي يتمخطرون
احنا كسائقين شذنبنا نبتلش فيهم فرضا مشينا 80 حتى هالسرعه ممكن يروحون فيها يوميا كنت اعاني منهم من الدوار المايل لحد المرور الجديد اكون على اعصابي من الاضاءه التعبانه بالليل حطوا شبك ولا فيه فايده
عندنا مشاكل نفسيه مع جسور المشاه وضروري الجماعه يتعالجون منها نبغي حلول عاجله تراهم ارواح من الدوار للدوار ما في اي معبر لهم وين يروحون واحنا شذنبنا تطيح على راسنا مبلغ وقدره وسجن وخرابيط غير الحاله النفسيه من الروح اللي راحت
ليته بس يكون عندنا مثل هالقانون بو محمد والله ان الطرفين بيرتاحون
اي والله ياخوي نتمنى
قسم بالله تعبنا
اليوم واحد واقف ف نص الشارع على الخط الابيض متوهق وين يروح
حسبي الله عليه
الله يرحم العامل المسكين ويصبر اهله انا لله وانا اليه لراجعون
انا كنت ماشي بالصناعيه وجدامي سيارات بالهبل ويوم حاولت اتجاوز من اليسار طلع في وجهي باكستاني شيبه يعدي الشارع فجأه !!!!
واضرب البريك وارفع الهندبريك واخفف السرعه من الجير عشان انزل السرعه وكان الجير بينكسر لانه اوتو لكن ينكسر الجير ولاادعم انسان ..
والحملله عدى الشايب وركض وكنت على بعد سنتيمترات من اني اطيره !
ولما عدى بسلام اشوفه معصب ويصارخ واقف يصابع لي ويشتم كلام وصخ وبذئ ويسب ابوي وامي عاد انا نزلت الدريشه وقلته انا اسف حجي انشاء الله ماتعورت ..
انا عذرته بسبب كبر سنه شكله فوق 60 وقالي كلمه هزت كياني !!
قال انت مفكر نفسك قطري يعني عادي تتدوس علينا ثم راح فخنقتني العبره !!
هالمساكين حاسين بمعاملة القطريين السيئه لهم وانا لما نزلت الدريشه كنت ابعتذر له لكن كان رده عنيف والله يسامحه
التعديل الأخير تم بواسطة راعي الكورفت ; 25-09-2014 الساعة 07:38 AM
لا حول ولا قوة إلا بالله ... إنا لله وإنا إليه راجعون
ضوابط المشاركة
رد مع اقتباس
