صورة مروعة : حادث بالخيسه البارحه !!

[ولد البدر]

بالأساس ليش الواحد يعرض نفسه للموت

ويقطع شارع عمومي وشارع خطر وشارع رئيسي

الله يرحمه ان كان مسلم

والله يحفظنا من هؤلاء الناس
الي يعبرون الشارع ويسببون لنا الربكه

بس الريال - الله يرحمه - ماقطع الشارع إلا محتاج للعبور مثلا الواحد في منطقة مدينة خليفة الشمالية ويبي يروح الجوازات والطريق سريع يعني مايروح ؟ وخاصة اذا كان على قد حاله وماعنده وسيلة مواصلات وشايف ان المسافة ما تستاهل سيارة
انا ما اعرف وين صار الحادث بس على سبيل المثال ، بس المفروض تكون فيه جسور مشاه او انفاق علشان تحل جزء كبير من المشكلة
الله يرحمه وقدر الله وما شاء فعل

[ودي أكون]

ياليتي ما دخلت اقرا الردود ..
شكلي مو ماكله سندويشتي وبنطر لين الغدى يمكن انسى

الله يرحمنا برحمته .. خفوا السرعه اللي يهديكم

[بومحمد المطاوعه]

بس الريال - الله يرحمه - ماقطع الشارع إلا محتاج للعبور مثلا الواحد في منطقة مدينة خليفة الشمالية ويبي يروح الجوازات والطريق سريع يعني مايروح ؟ وخاصة اذا كان على قد حاله وماعنده وسيلة مواصلات وشايف ان المسافة ما تستاهل سيارة
انا ما اعرف وين صار الحادث بس على سبيل المثال ، بس المفروض تكون فيه جسور مشاه او انفاق علشان تحل جزء كبير من المشكلة
الله يرحمه وقدر الله وما شاء فعل

في شي باص بوريالين مال كروه

انا معاك المفروض فيه جسور

الحين شالفايده قطع الشارع وتقطع

الله تعالى عطانا عقل

انا مب قاط نفسي في هالتهلكه

شارع للسيارات مايحق لي اقطعه وانا امشي


الله اعلم اذا المشايخ ما افتو وقالو هذا انتحار

[بومحمد المطاوعه]

اتفق مع اخوي بو محمد

بس السؤال هو كم كانت سرعة البورش الي ادت انقطاع جسد المتوفي

اخوي مهما كانت السرعه
هناك اشياء ثانيه تعاقبه مثل الرادار
او اي شي

اما شخص يمشي في شارع للسيارات

الله يهديهم


اكبر خطأ

[منابر خالده]

ردود غريبة كانكم متعاطفين مع راعي البورش
واضح ان سرعته كانت جنونية ادت الى قطع المتوفي
وتقولون المفروض مايقطع الشارع المفروض يعبر عن طريق الجسر!!
الله ينور بس
شويه عقل ياجماعة

[نوار قطر]

اخوي كان من ضمن الي احضرو التحقيق في الحادث يقول الشاب مواليد 94 وقمة الاستهتار لدرجة ان عادي ولاهمه ويتكلم بطريقه مستفزه اقول له يمكن من الخوف يقول والله لو ماتعوذت من الشيطان جان حكيته بكف ... سرعته مب اقل من 180 ويو سألوه يقول انا ماتعديت ال110 .. الريال مقصوص نصين وكل جزء في صوب .. والي دعمه يقول انه لاعب اءا ماخاب ظنه

[نمر بن عدوان]

اتمنى قبل اي احد يرد يحط حد من عياله او اخوانه مكان المدعوم لاقدر الله هل بيدافع عن راعي البورش وبيدور له عذر او بيلعن ويسب ويطالب باعدامه.

[qatari 111]

الله يرحمه ان كان مسلم

فالدول الاجنبيه اذا السايق دعم عابر الطريق في مكان مب مخصص للمشاه او عبر الشارع والاشاره حمرا يتحملها عابر الطريق مب السواق .

الله يستر علينا من هالاشكال .. مره دعمت هندي كان يسوق سيكل نط قدام سيارتي فاكر نفسه راكب سبورت بس الحمد لله كنت مب مسرع وربنا سلمه بس السيكل تعور وعطيته قيمة السيكل ولو انه مايستاهل

[نوار قطر]

اتمنى قبل اي احد يرد يحط حد من عياله او اخوانه مكان المدعوم لاقدر الله هل بيدافع عن راعي البورش وبيدور له عذر او بيلعن ويسب ويطالب باعدامه.

كلامك صح الكل يدافع عن راعي البورش جنه الا داعم له قطو .. والله حتى القطو ببعورك قلبك عليه .. كل ذي لانه هندي وماله سند ولا له حد اهني . لو كان المدعوم قطري جان قامت الدنيا وشوف الكلام الي بيطلع .. لو الهندي غلطان بعد مايعفي راعي البورش كونه مسرع يعني لو كان يمشي بسرعه عاديه جان ماانقسم نصين ... كلمة حق وقولوها لاتدافعون عن واحد الغلط راكبه من ساسه لي راسه

[نمر بن عدوان]

كلامك صح الكل يدافع عن راعي البورش جنه الا داعم له قطو .. والله حتى القطو ببعورك قلبك عليه .. كل ذي لانه هندي وماله سند ولا له حد اهني . لو كان المدعوم قطري جان قامت الدنيا وشوف الكلام الي بيطلع .. لو الهندي غلطان بعد مايعفي راعي البورش كونه مسرع يعني لو كان يمشي بسرعه عاديه جان ماانقسم نصين ... كلمة حق وقولوها لاتدافعون عن واحد الغلط راكبه من ساسه لي راسه

اتفق معاج ونحط احتمال ثاني لو الي قاطع الشارع قطري وراعي البورش اجنبي شنهي ردت الفعل وهل بتكون الردود نفسها ؟

راعي البورش غلطان ولو كان ماشي بحدود السرعه كان ممكن يتفادى الهندي او على الاقل الاصابه بسيطه او لاقدر الله ومات ماشوهه ونتف جسمه الله يرحمه ويصبر هله الي بيشوفون ولدهم ميت بهالطريقه .