ابي اناقشكم موضوع عن الاعراس .. سابقا الكثير من العائلات يجهزون في البيوت يركبون ليتات ملونه ويزينون البيت وكراسي وطاولات سواء كانت اعراس للرجال او للنساء اغلبها في البيوت
اما الان في الفنادق والخيم بالفرجان او الانديه .. وفي بعض العائلات عندهم مجالس كبيره يسوون فيه العرس
موضوعي - رايكم في شركات تجهيز الافراح هل تقوم بعملها على اكمل وجه من خدمات التخييم والضيافه ؟؟
_ والموضوع الثاني عن العمال الاسيوييين والافارقه والعرب يجون الاعراس بدون دعوه .. وملابسهم غير نظيفه ولا مناسبه يجلسون خارج الخيمه .. عند تقديم العشاء نشوفهم يهجمون على الاكل بطريقه غير حضاريه البعض منهم يسحب اللحم من امامك ويحطه في كيس ويسرق علب البيبسي
ونشوف في بعض الاحيان تصير بين العمال هواش على قطعه لحم وتصل بينهم الضرب مما يسبب الاحراج لاهل المعرس وشركه تجهيز الافراح
وفي بعض الاعراس نشوف اهل المعرس يمعونهم من الدخول .. الى ان ينتهوا المعازيم ويقومون .. وبعدين يدخلون العمال بشكل غير منظم ويتصارعون
قد لا نرى هذه المظاهر في الفنادق والانديه .. فقط نشوفهم في خيم الفرجان
رايكم في هذه الظاهره .. وما الحل من وجهه نظركم
انا مب ضد حضورهم .. حياهم الله الاكل يزيد نعطيهم يستاهلون افضل من نرميه في القمامه . لكن نبي شي منظم بحيث لا نظلمهم ولا يسببون لنا احراج