مطلعي ازدان

[غريب الدّار]

السلام عليكم

ادري العنوان بيشد نص المنتدى من اللي تعلقوا في ازدان

المهم

اليوم المطلعين باعوا بيع غير طبيعي
والسهم طالع!!!!

يعني المطلعين اذا باعوا ونزل السهم قلنا بسبة المطلعين
واذا باعوا وارتفع السهم هل بسبة المطلعين بعد؟

انا لازلت اشوف ان سبب نزول السهم مب بيع المطلعين بصراحة

قد يكون السبب فني

لكن هذا شي انا شفته بنفسي ومايبي له تحليل
اليوم باعوا فوق ال 10 ملايين سهم والسهم طالع

هذا الدليل الأول

الدليل الثاني :
المطلعين يبيعون في كل الشركات
مزايا لما كانت تطلع من فترة قصيرة بشكل قوي ماشاء الله المطلعين باعوا فيها كميات ضخمة ومع هذا السهم صعد وبقوة


هاذي وجهة نظر يمكن أكون غلطان فيها

[نمر بن عدوان]

اخوي غريب سؤال كم العائد على السهم نهاية الربع الثاني ؟

[كبير المتداولين]

2.6 مليار سهم

شيل منهم 600 مليون المحجوزين

المتبقي عندهم 2 مليار سهم

هذا الي يخرعني من بيع مطلعين ازدان

كل ماحط شراء اتذكر هالرقم والغي الطلب

مانعرف كم يبيعون ووين يبيعون

[كبير المتداولين]

اخوي غريب سؤال كم العائد على السهم نهاية الربع الثاني ؟

0.27 درهم تقريبا

ولاكن ازدان في تخارج مستمر من بعض عقاراتها ممكن يرتفع العائد بالسنوات القادمه
ممكن توصل ارباحهم 3.6 مليار والعائد يكون 1.3 هاي توقعاتك البعيده للمستثمرين

الي مستثمر ماعليه خوف

اما انا ادور حفاظات لليهال وحليب وصك الشاشه

[qews]

اذا انت مقتنع بالسهم اشتر ولا عليك بالبيع المطلعين وغيره ولا انت تنتظر شغل بسيطه منه وتنساه

[نمر بن عدوان]

0.27 عيل السهم يتداول بمكرر فوق 40مره وسعره للمستثمر الان فيه رسك. انسوا سالفة السهم طلع فوق خمسين المهم هل يستحق السهم السعر او لا .انا اتكلم عن المستثمر هل السهم مرغوب له او في بديل افضل اما المضارب فربما تضرب معاه ويرتفع السهم وممكن العكس

[العساس]

قلنا لكم نمر من ريحة الطيبين.

جاوبكم بالسهل الممتنع.


اسجل لك اعجابي اخ نمر ونتمى استمراريتك في هذا الصرح.

[مقيم]

لم ارى اذكى من مطلعي ازدان في التعامل مع بيعهم , حتى ان السوق اعترف لهم بذكائهم وادخلو ازدان في المؤشر
جعلو السهم مرغوبا وحديث المتداولين

[مضارب لحظي]

0.27 درهم تقريبا

ولاكن ازدان في تخارج مستمر من بعض عقاراتها ممكن يرتفع العائد بالسنوات القادمه
ممكن توصل ارباحهم 3.6 مليار والعائد يكون 1.3 هاي توقعاتك البعيده للمستثمرين

الي مستثمر ماعليه خوف

اما انا ادور حفاظات لليهال وحليب وصك الشاشه

من الواضح انه في مفاجاات في ارباح الربعين الثالث والرابع بسبب عمليات بيع للعقارات والفلل في الوكرة الثاني والاهم زيادة القيم الايجارية وافتتاح محلات تجزأة مؤجرة ل ازدان السهم سينهي العام بارباح الريال للسهم على الاقل والله اعلم

[مضارب لحظي]

بالتوفيق للجميع الانتظار حتى الأسبوع المقبل