◄ ساعـه اوميقـا Omega Seamaster ستيـل × ذهـب

[ubobandar]

حياكــم الله بالمتجــر عالانستجــرام
Ubobandar@

-----------

الســلام عليكــم

كمـا هـو معلـن,
◄ للبيـع ساعـة اوميغـا Omega Seamaster سـي ماستـر ستيـل بذهـب

الساعـة كمـا هـي امامكـم شـد الوكالـه وموديلهـا قديـم ونـادر, بحالـه ممتـازه وتـو معمـول لهـا سيرفـس, قصتهـا مميزه مشابهة للرولكس وهالموديـل نـزل بعـدد قليـل جـدا وانقطـع مـن الثمانينـات, الطـوق ذهـب صافـي والمينـا لونـه ذهبـي وصنقلهـا ستيـل × ذهـب "مطلـي طبعـا" , وشـرط الفحـص بالوكالـه.


الصنـاعة: سويسريـة.
اللـون: ستيـل × ذهـبي.
المينـا: ذهبـي.
الطـوق: ذهـب صافـي عيـار 18.
المكينـة: اوميقـا والفحـص بالوكيـل.
الصنقـل: طولـه 7 ونـص انـش.
الحجـم: 36 ملي, كبـر الرولكـس.
السيريـال نمبـر: محفـور عليـها "حفـاظا للخصوصيـة".
المرفقـات: العلبـه.



لكــم الصـــور,,,














للإستفســــار عبـر برامـج التواصـل الإجتماعـي أو الإتصال على

965-99992584+
بـوبنــدر

[ubobandar]

مستمريـن بـاذن الله,,,

[قطري سهم]

اخوي اسمح لي مواضيعك حلوووه لاكن تفتقد للشفافية

اتمنى تحط السعر بالريال القطري للعامة من عجبة السعر وحب يتواصل معاك رقمك موجود والي موعاجبة السعر مالة داعي يضيفك واتساب عالفاضي ويمكن السعر مايناسبة

وجهه نظر (( سلبية ))

[ubobandar]

السلام عليكم
اخوي قطري سهم حياك الله

اولا اشكرك جزيل الشكر على طرح رأيك في مواضيعي.
وكلامك ان المواضيع جميله,,, شهاده اعتز فيها.


ولكن:
ياريتك اخترت اي كلمه غير كلمه الشفافيه, لاني من ناحيه الشفافيه انا اراهنك ومن طرف واحد عشان يصير الرهن حلال:

كوصف:
ان المصنع مال القطعه نفسه ما يحط بيانات وتفاصيل بكثري
وتجار كثير عندنا فالكويت انتهجوا طريقتي فالعرض وقامو ينسخون الكلام نسخ ما يبون يقيسون بجهاز دقيق للملي متر او يعور راسه في استذكار مواصفات السلعه او ما يبي يكتب او يفتد المعلومه ولقاها,,,,, الخ

كتصوير:
اراهنك ايضا مافي تاجر بالمنتديات العربيه بلا استثناء يصور لك القطعه بهالطريقه ومن اكثر من زاويه ((( اخليك تحس نفسك ماسك حلالك قبل لا تشتري ))).

كشحن عالمي:
ايضا ارسل فديو للزباين قبل لا يشترون عالواتساب,,, وارسل جميع تفاصيل الشحن لخارج الكويت بالصور والارقام والمواقع عالاون لاين لمتابعه الشحنه.


كلمه الشفافيه صعبه يغالي,,, كأنك تطعن في امانه او مصداقيه الشخص.


نورت الموضوع,,,

[ubobandar]

مستمريـن بـاذن الله,,,

[قطري سهم]

انا اسف اذا فهمتني غلط انا ماقصد شفافية المواصفات والسلة / اقصد مافي شفافية فالسعر للعامة بحيث الي حب يشتري يعرف قيمتها قبل لايتواصل معاك لتفادي الاحراج لسمح الله

[لعريق]

دايما مميز يا بوبندر بكل ما تطرح

بس يا ليت لو تحط السعر عشان يكون الزبون على علم


موفق ان شاء الله ولك مني اجمل تحيه

[ubobandar]

السلام عليكم

تقبل الله طاعتكم جميعا اخواني رواد المنتدى وزوار الموضوع
وعيدكم مبارك

يا هلا بك اخوي قطري سهم حياك الله,
يا هلا بك اخوي لعريق نورت الموضوع.


اخوي قطري سهم,,,
الله يعلم اني قلت الي في قلبي لك لكن ايضا الله يعلم ما شلت بخاطري من كلامك.

وجهة نظر لابد احترامها,,, كثير اخوان شرواك انتقدو بعض الاخطاء في عروضي سابقا وقمت بتعديلها.

الا السعر هو الشي الوحيد الي ما اقدر اعدله او احطه في الموضوع.


عدم ذكري للاسعار هو لاسباب عده ومنها:
زبون متصل علي يبي نظاره وقتله السعر 110 قال غاليه وقالي انت عارض اختها وبايعها ب 70

لما سألته من وين جبت هالكلام ((من يقول,,, وشدراك))),,, قالي من موضوع لقيته في Google
قتله ممكن تقرالي تاريخ الموضوع,,, اكتشف الاخ ان التاريخ قبل ثلاث سنوات من وقت الاتصال

السعر عالاغراض الاصليه مو ثابت
في اغراض كل ما طال الزمن وندر تحصيلها تغلى وفي شغلات ترخص,,, ايضا يعتمد عالنظافه فالقطع مو كلها متساويه, واللهي ذايق المر من سالف السعر من باب التجربه

مافي احد يبيع ويذكر اسعار,,, فيما عدا:
1 - شخص عادي ويبي يبيع ساعته او نظارته,,, الخ
2 - تجار الجمله وهذول ما يبيعونك اقل من 10 حبات.
3 - تجار التقليد (((الله يرزقهم))) لان سعر القطع موحد عندم وهذا يعود لان البضاعه مالتهم كلها من تاجر واحد وبنفس السعر,,, على عكس تجار الاصلي كل قطعه نشتريها من مكان مختلف ومن شخص مختلف وكل قطعه بسعر مختلف.


الله يعلم ما عمري بررت وذكرت هالاسباب وشرحت شرح ممل كما فعلت الآن وكل ما اتعرض لهالكلام ما ارد,,, مش تقصير في حقوق الناس ولكن لو برد على كل شخص يسال ما راح اقابل تجارتي (((شايف كثير ولو اسولف لك تموت ظحك ويشيب راسك))).

الي خلاني اشرح هو كلامكم وردودكم الراقيه,
واتمنى منك ومن رواد المنتدى تفهم هالشي سواء تجاهي او تجاه اي تاجر آخر يشتغل بالقديم والنوادر والمميزات.


كـــل الـــود,,,

[ubobandar]

ولعيونكم

هالساعه ب 120 دينار شامل الشحن لجميع دول الخليج (عيديـه).


مستمريـن بـاذن الله,,,

[ubobandar]

مستمريـن بـاذن الله,,,