جامعات الأردن المعترف بها

[ذيب ازغوى]

السلام عليكم
يالربع تعبت مع موقع المجلس الأعلى للتعليم
عشان اعرف الجامعات المعترف بها وما حصلت اي نتيجته
فاللي عنده خلفيه عن الجامعات المعترف فيها وتكون سهله الدراسه فيها
انتظر معلوماتكم يالربع

[ممنوع اللمس]

انصحكً بمصر وبقوه
عن تجربه .. حاليا ادرس هناك

والله يوفقك ويوفق الجميع ان شاء الله ...

[Ro7ee]

السلام عليكم ...

انا تخرجت من الاردن سنه 2009 وكانت الجامعات المعترف فيها هي :

جامعه البتراء
جامعه العلوم التطبيقيه
جامعه الاسراء (( تخرجت منها ))
جامعه فيلادلفيا
جامعه الزيتونه
جامعه اربد (( طب ))
الجامعه الامريكيه
هاذي الجامعات المعترف فيها

[راعي الكورفت]

شمال الاطلنطي افضل كليه وانصحك فيها بقوه انا تخرجت من عندهم هندسه اتصالات دبلوم عالي ..
ثم رحت سنه بريطانيا واخذت البكالوريس ..
واترك عنك الجامعات العربيه فما منهم فايده ..
المجلس الاعلى مايعترف فيهم لان بالبخشيش تقدر تطلع منهم الشهاده ..


الله يوفقك ..

[ahmed1111]

صدقت ياراعي الكورفت ماعني ماحب الكورفت

خلك من جامعات العربية لا تستفيد منهم ولا شي والموضوع مب شهاده الموضوع منفعة ... وخلك من مصر ابروحهم الي فيهم كافيهم ... روح أوربا امريكا تخرج وتعال علا حله

[مبتدئ]

الاردن غاليه من ناحية المعيشة على الطالب و فيه طلاب واجد و الجامعات مثل ما اذكروا الربع فوق
أما مصر الاحداث اللي فيها يخليك دايما ً مرتبط بالسفاره و بعض الشعب صار عنصري الى درجة تأجير الشقق
بعضهم الله يهديه يرفض التأجير " للقطريين " وهذي عن تجربة شخصية 2 ارفضوا مباشرة و واحد عند توقيع العقد
و قلنا قطريين قال بزيد شوي في السعر و من الكذب يعطيك و غيره من الامثله

[سهم ماينزل]

السلام عليكم ...

انا تخرجت من الاردن سنه 2009 وكانت الجامعات المعترف فيها هي :

جامعه البتراء
جامعه العلوم التطبيقيه
جامعه الاسراء (( تخرجت منها ))
جامعه فيلادلفيا
جامعه الزيتونه
جامعه اربد (( طب ))
الجامعه الامريكيه
هاذي الجامعات المعترف فيها

الآن المعترف فيها فقط الأردنية

[Al Basha]

عزيزي المجلس الأعلى للتعليم يعترف بالجامعات الأردنية ببعض التخصصات فقط .. يعني في كم جامعة وكل وحدة من هالجامعات معترفين بكم تخصص فيها فقط..
أغلب جامعات الأردن بالذات الحكومية معترف فيها عالمياً، وحتى الجامعات الخاصة، لها إعتراف عالمي، جامعات الأردن مستواها جيد جداً، المشكلة عدم الإعتراف فيها فقط..
أفضل إنك تزور المجلس الأعلى وتسأل، أعتقد لستة الجامعات عندهم تتحدث بشكل أسرع من الموجودة في الموقع..