خلع النقاب ؟!! <<< رايك يهمنا !!

[QATAR 77]

مذهب قطر المذهب الحنبلي و لا يجيز كشف الوجه

[زمن الغربة]

حتى بالسعوديه الي مذهبهم حنبلي كانت الهيئة ان شافت وحده كاشفه وييها قالو لها تغطي يا مره
الحين شوف اشكثر الكاشفات بالسعوديه !! والهيئة ماعادت تفرض عليهم غطاء الوجه
شوي شوي الامور تتدرج خاصة بهالمسألة

القول على الله من اكبر الكبائر.... والدين دليل من القرآن والسنة ومب الهيئة والسعودية!!!

اقرأ الادلة بروحك وريح ضميرك يا كلاسيك قطر

http://islamqa.info/ar/11774

وهنا جواب سؤالك تحديدا

http://islamqa.info/ar/176738

واللي يكابر عقب الادله فالله حسيبه

[كلاسيك قطر]

الله يزاك خير يالغالي وعساك ع القوه

[MAZEN37]

نسبه اللي مهب متنقبات الان اشوفها اكثر وهي الغالبيه العظمى
والمراه بنفسها اتركت النقاب واللي لابسينه البعض مجبورين عليه
فقط
لو ترك لهم الحريه كان شفت لا يذكرالنقاب عندنا

كل وقت وله لبسه ياكلاسيك مثل ماجاني في الثمانينيات وتلاشي الحين
وجايك شي لا نقاب ولا شيله

مانقول الكل علشان محد يزعل على صراحتي اقول الاغالبيه الساحقه

اوف بوز يابوعلي
كلامك صحيح والزمن تغير مادري ليش تضايقت
شكل عقليتي قديمه

[نتفـه]

انا منقبه .. ولا يمكن اشيل نقابي علشان دوام مختلط !!

[بوحارب]

مرحبا كلاسيك قطر .... رايي الشخصي مستحيل ومن رابع المستحيلات ارضى ان وحده من اهلي تخلع نقابهها في الشغل انا ترى مالزم اهلي يلبسون نقاب في الحياه اليوميه غشوه تفي بلغرض بس الشغل مكان مختلط والحذر واجب وسالفه تكشف ومن غير غشوه ماقبل فيها والرزق ع الله .

جزاك الله خير نفس الرد بالمللللي

انا منقبه .. ولا يمكن اشيل نقابي علشان دوام مختلط !!

الله يثبتك اختي نتفه



بالنسبة اخوي كلاسيك لايوجد هناك أجمل وأطهر وارقى
من البنت المحتشمة سواء في العمل او غيره

انا حاليا في لندن وكثيييير بنات يتمشون ويتسوقون وهن منقبات
والكل يقدرهم وللاسف عندنا صاروا العكس !!

[ودي أكون]

الســـــلام عليـــكم ورحمة الله وبركاته

من زمان ماكتبت شي

المهم

النقاب مسأله تعارض فيها الناس من زمان ... من ناحية وجوبه او عدم وجوبه

السؤال الي يسدح نفسه

أذا رحتي مقابلة عمل .. وكان الطلب الوحيد عشان يقبلونج انج تخلعين النقاب داخل مكان هالمؤسسه لأسباب امنيه فرضا

البنات ... هل بتفصخينه او بتقولين الله يعوضني افضل من هالوظيفه ؟؟
الشباب ... هل ترضونها لحريمكم وبناتكم انه يخلعونه بعد لبسه ؟؟

شنو رايكم في هالمسأله ؟!!

نعم رفضت وظيفه كانت تحتاج تعامل مع الجمهور وعدم لبس النقاب .. والرفض جاا مني رغم حاجتي كانت للوظيفه.. يعني لا امي ولا ابوي الله يرحمه ولا اخواني كان لهم اي دخل في رفضي للوظيفه..
وما كملت بعدها شهر او اكثر بشوي .. الا انقبلت ف وظيفه الحمدلله واشكره ليل ونهار على هالوظيفه وهالمكان وهالقسم وهالمدير وهالموظفات البنات..

الحمدلله ..

[Qt.1]

طبعا عن نفسي مستحيل اوافق واصلا انا رافض فكرة الشغل بكبرها من الااساس ! , نرجع لمحور الموضوع النقاب راحه لي ولاهلي ووجه المره عوره خاصه اذا حاطه مكياج , وفي النهايه كل شخص حر وعقله في راسه .

[R 7 A L]

النقاب من الاحتشام

[رهج السنابك]

استغرب من هالمنتدى : )
في اي موضوع القى اجوبه تخالف الواقع
عيل هالي نشوفهم بنات من؟! كل واحد يقول ما ارضى انزين النسبه العظمى في قطر تكشف هذيلا منو بناته
ماعلينا

بريق الحق مادري اي تبرج تشوفه وتتكلم عنه بخصوص ترتيب البنت لوجهها !! ماتكلم عن المكياج

وطبعا معروف شروط كشف الوجه لا مكياج ولا قذيلة
مافيها نقاش