هل يمكن للزوجين أن يعيشا سعيدين دون اطفال..؟

[بومحمد المطاوعه]

السلام عليكم ورحمه الله وبركاته ..

شخباركم يا اعضاء المنتدى الغالي

حبيت اشاركم في موضوع مهم
والصراحه هذا الأمر من شخص قريب مني
والله لم يرزقه بطفل والحمدلله على كل حال



هل يمكن للزوجين أن يعيشا سعيدين دون اطفال..؟
قال تعالى {المال والبنون زينة الحياة الدنيا}
الأطفال رمز البراءة والجمال ..وهم الإمتداد الطبيعي لوالديهم ..


بهم تستمر الحياة ..وبوجودهم تزدان الأيام بالبهجة والسعادة ..ويصبح للرجل والمرأة هدف رائع في الحياة (التنشئة السليمة) ..


لكن البعض حرم من هذه النعمة العظيمة ..

فهل يا ترى يمكن للمتزوج أو المتزوجة العيش بسعادة دون أطفال ..؟

اسأل الله ان يرزق كل شخص محروم من الاطفال

دعواتكم ياجماعه

[w.qatar]

ما اظن

الله يرزق كل محرووم

[همر]

كلا ..

[بومحمد المطاوعه]

ما اظن

الله يرزق كل محرووم

ليش .؟

اعرف شخص 10 سنين بدون اطفال ومستمتع ولله الحمد

[بومحمد المطاوعه]

كلا ..

ليش
عطني سبب

[حسن]

الحين احنا يابومحمد نبي نزيد الشعب وانته تقول بدون عيال

لا لا لا

والف لا

بالنسبه لي ممستحيل امبسيبل الا اذا كان فيني عيب خلقي
هذا شي ثاني
يسير في حاله وحده اذاعندي عيال من المره الاولى والثانيه ابيها لا بدون عيال

مجرد شريك وياك حق السفرات وغيرها
ونتصرف لها بدل تمثل في ههذه الحاله اوافق


الله يستر

[بومحمد المطاوعه]

الحين احنا يابومحمد نبي نزيد الشعب وانته تقول بدون عيال

لا لا لا

والف لا

بالنسبه لي ممستحيل امبسيبل الا اذا كان فيني عيب خلقي
هذا شي ثاني
يسير في حاله وحده اذاعندي عيال من المره الاولى والثانيه ابيها لا بدون عيال

مجرد شريك وياك حق السفرات وغيرها
ونتصرف لها بدل تمثل في ههذه الحاله اوافق


الله يستر

لا ياخي مايصير جذي

ارضي بأمر الله

ليش ماترضى بقضاء الله وقدره

يعني لو الرجال فيه عيب يرضى بس المرأه مايرضى صح .؟

انزين اهي بشر وهاي امر الله ليش نوقف ضد امر الله

اوكي بتزوج عليها بس مابطلقها
بخليها زوجتي حتى لو مافيها عيال

انا اعرف حاله من الربع ان المرض فالزوجه ولا تزوج عليها وزوجته تحن عليه تزوج نبي نشوف عيالك

والحاله الثانيه العكس الرجال مافيه عيال وطلق زوجته وتزوجت ولله الحمد وجابت العيال

الحين يدور على زوجه مافيها عيال يبي يتزوجها علشان يستقر
والحمدلله على امر الله

[R 7 A L]

يا جماعة بو محمد
ذكر في الموضوع ان ( الله لم يكتب ولم يرزقة )
ليش موب راضين تفهمون خاصة انت ياحسن



نرجع للموضوع
صحيح ان الكل يتمنى ان يرزقة الله بالاطفال حتى في البلدان التي يعاني شعبها من فقر المعيشة

ولكن
اذا ربي مارزقة لحكمة
فنعم يستطيع ان يعيش هو وزوجتة حياة سعيدة

[ضوى]

الْمَالُ وَالْبَنُونَ زِينَةُ الْحَيَاةِ الدُّنْيَا – وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا 46 الكهف


(لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ)

من رضى فله الرضا ومن سخط فله السخط

لا يوجد ابلغ من كلام الله في الاجابة على سؤالك اخي الفاضل

[حسن]

لا ياخي مايصير جذي

ارضي بأمر الله

ليش ماترضى بقضاء الله وقدره

يعني لو الرجال فيه عيب يرضى بس المرأه مايرضى صح .؟

انزين اهي بشر وهاي امر الله ليش نوقف ضد امر الله

اوكي بتزوج عليها بس مابطلقها
بخليها زوجتي حتى لو مافيها عيال

انا اعرف حاله من الربع ان المرض فالزوجه ولا تزوج عليها وزوجته تحن عليه تزوج نبي نشوف عيالك

والحاله الثانيه العكس الرجال مافيه عيال وطلق زوجته وتزوجت ولله الحمد وجابت العيال

الحين يدور على زوجه مافيها عيال يبي يتزوجها علشان يستقر
والحمدلله على امر الله

لولا اختلاف الاذواق لبارت السلع يابومحمد



العقد شريعه المتعاقدين والقانون لا يحمي مغفلين

يعني الزواج على حسب الاتفاق بين الاثنين وشرط الايجاب والقبول وشهاده الشهود
وموافقه ولي الامر

يعني الحين انا عندي عيال الحمدلله وعندي زوجتي الاوليه وومع الظروف وكبر العيال
وهذا زوجتي لاتعمل

فما في مانع ان اتزوج وحده مابي منها عيال وهذا حصلت كثيرا
وهذا من حقي

فمابالك باللي زوجته تعمل الحين وين تفضى له هذا لازم ياخذ اربع دفعه وحده


ولكم