هل 16 قيقا للايفون تكفي ولا لا

[qwerty]

السلام عليكم
انا ناوي احول من الجالكسي للايفون
بس في شي محتار فيه
وهو حجم الذاكرة بالسامسونغ ماكنت اهتم فيها لان في مدخل للبطاقة الميموري تقدر تضيف حتى 64 قيقا
بس الحين بالايفون الامور مختلفة
ابي اعرف من مستخدمي الايفون هل 16 قيقا تكفي
لاني مو من النوع الي ينزل برامج كثيرة مجرد البرامج المهمة مثل واتس اب ..الخ
وتصويري قليل
فهل ينفع 16 قيقا ولا لازم 64
لان بالسابق الناس كله تشتري 16 قيقا اما الحين الكل حول على 64 بسبب فرق السعر البسيط
بس انا مو مشكلة عندي السعر او 400 الزيادة بس اذا شي ممكن ما استفيد منه فليش ادفع فلوسة !

[Zanzoon]

اخوي والله انا انصحك بال 64 والفرق بس 400 ريال
انا اول مره الحين اشتري اي فون...كنت اتصور ان 16 جيجا كافي
بيسحب منك 5 جيجا عالسوفت ويير..بيتبقى لك 11
انا صراحه تحسفت ...توكل ع الله وخذ ال 64

[الخيالة]

علي حسب استخدامك
انا العابي كله علي ايباد عندي بس كم لعبة في الايفون و برامج التصوير مانزل وايد برامج و يكفي بلنسبة لي

[للصبر اخر]

خذ ال64 جيجاا
لان اي ابدييت بتنزله للايفون يحتاج سعه اكبر وبال16 بتتوهق

[Aaziz]

اشوف 16 قليله جدا جدا
64 اعتبره هو المقاس المتوسط لاني اكره اني احذف صور او افلام او اتعطل بهذا الخصوص .

[برشلوني قطر]

انا خذت 16 وابتلشت..مع ان كان عندي ايفون 5 و 16 غيغا ولكن بعد مانزلت اي كلاود نزل البرامج بس ماكمل

وكل ما ادخل واغير خطة التخزين تطلع لي شاشة سوده

نصيحه خذ 64

[وليف الشوق]

حسب مافهمت من كلامك انك مستخدم لبرامج كثيرة وماكان عندك مشكله في الجلاكسي والنوت لان اعتمادها على ذاكره ( memory ) الموموري كارت .
ومااعتقد عندج مشكله اذا وفرت 16 او 32 او 64 غيغا في الجلاكسي لان اعتماد الجلاكسي والنوت على المومري وهناك احجام واشكال وشركات متعدده في توفير الكثير الكثير من المومري وفي متناول الجميع ،، وبما انك غيرت على الايفون في هذي الحالة راح يتغير الوضع ويبقى الاعتماد على الجهاز نفسه مش على المومري كارت وبالنسبه للايفون هناك 16 و32 و64 غيغا في الجهاز واختيارك لحجم ذاكرة الجهاز يعتمد على عدد البرامج التي تقوم بأستخدامها وحسب مافهمته من كلامك ان استخدامك للبرامج كثيرة ونفس الوقت اللي فهمته من كلامك ان السعر هو اللي تدقق عليه لكن ممكن انك في الوقت الحالي تستخدم ( ايفون فايف / 32 غيغا ) واعتقد انه مناسب لك .

[لبيبة]

مساحة 16 ابدا ما تكفي

ومساحة 64 اعتقد بتناسبك

[Charisma]

مرحبا اخوي ..

ولاتفكر حتى بالـ 16 جيجا .. التحديث بروحه بيشفط 2 جيجا بعض البرامج اللي تجي مع النظام مثل النمبرز مساحتهم فوق الـ 500 ميجا .. غير الواتس اللي راح يبلع 5 جيجا بالراحه اذا انت من النوع اللي توصلك فيديوهات وصور من قروبات وغيره عالواتس .. الخيار الافضل 64 .. والـ 128 فوق الحاجه بكثير ولاعتقد بتستخدم اكثر من 64

[ضوى]

بالنسبة لي جدا يكفي 16 واخر تحديث طلب مني تحرير الذاكرة فنقلت الصور والفيديوهات على الهاردديسك واوكي اموري