شكلك ماتعرف من هو الوكيل شخصيا انا تعاملت معاهم في اكثر من سياره وهو الوكيل لكل من دوج وفورد وبيجو وجيب وكراسير مع كل هالوكالات ماعنده الا كراج واحد في الصناعيه وتوهم بعد سنوات فتح فرع صوب الاند بختصار هو مايهمه السريفس كثر مايهمه البيع عكس المناعي والفردان.المشاركة الأصلية كتبت بواسطة amaf535
يعني حماية المستهلك مايقدرون يسون شي.
رتب شكوى مفصلة باللغة الانجليزية وروح على موقع خدمات الزبائن في موقع فورد الأمريكي وإشتكي هناك، وطرش نفس الشكوى لكل ايميل تلقاه من شركة فورد، وهدد الموظف اللي تعامل وياك إن وظيفته ستكون ضريبة لهذا التصرف، إيديهم اللي توجع هناك، مو هنا، من تجربة.
من سنين الناس تشتكي علي هالوكيل لانه من اتعس خدمات مابعد البيع علي مستوي العالم يمكن بعد والله حرام لو هالوكالات كانت عند الفردان او المناعي او اي حد ثاني جان جفنا شلون لكن الله كريم انا اتمني انه الوكاله الام تسحب منه الوكاله وتعطيها واحد يهتم في الصيانه
الله يعينك عليهم يا خوي
الافضل انك تسوي رسالة رسمية الى الادارة بالشركة موجهة باسم بدر المانع
وتذكر فيها الوقائع اللي صارت معاك وتذكر اسم الموظف اللي سوى المعاملة
وتطلب فيها اصلاح جميع العيوب واعطائك سيارة بديلة خلال مدة التصليح.
انتظر أسبوع اذا ما ردوا عليك خذ نسخة الرسالة وودها إدارة حماية المستهلك
واطلب منهم التدخل لحل الخلاف مع الشركة.
للأسف سبب كل هذه الخدمات السيئة لمعظم شركات السيارات هو الاحتكار
لو المجال مفتوح لدخول منافسين جدد في السوق لتوريد السيارات بانوعها وقطع الغيار
وفتح ورش صيانة كان تغير الحال.
يُخَاطِبني السَّفيهُ بِكُلِّ قُبْحٍ ******* فأكرهُ أن أكونَ له مجيبا
يزيدُ سفاهة ً فأزيدُ حلماً ******* كعودٍ زادهُ الإحراقُ طيبا
الحل عند المحاامي هو راح ياخذ حقك منهم لا رسيال ولا اميلات.
من حقك تسترد فلوسك او يعطونك سياره بديله .
http://www.50d.org اضغط من فضلك
أنا على يقين تام ان اصحاب الوكالات لا يسمحون بهذا المستوى المنحط من الخدمات التي تحمل أسمهم. ولكن المشكلة ان المدراء والموظفين الذين يتعاملون مع الزبون لا يخافون ولا يستحون, ومرتبين الأمور بحيث المسؤولين الكبار ما يوصلوهم خبر.
لا تطلب أقل من سيارة جديدة بدل السيارة هذي, أنت دفعت لسيارة جديدة, لش تقبل سيارة غير.
أملأ هذي الأستمارة بالعربي والتي تصل الى شركة فورد الأم , قسم الشرق الأوسط, يحتاجون رقم هيكل السيارة, وحط أختيار البيع والتسويق من القائمة, لأن الموضوع غش وخداع.
https://www.secure.me.ford.com/ar/qat/contact-us
لا تنسى أن تكتب أنك اذا لا تستلم الرد بسرعة فسوف تضطر الى الأتصال بمدراء الشركة هاتفيا للتبليغ, من الضروري أن ترجف الموظفين الصغار حتى تنحل مشكلتك. المدراء الكبار لا يقبلون بهذا, لو يعلمون.
اخوي مالك غير ترفع دعوى عليهم.
انا صار معي مثلك، طلعت سيارة من عندهم وبعد ما الاستلام لاحظت صوت عند التواير الأمامية بعد ما تعدي مطب. رجعت عليهم وقالو ال(shock absorbers) إلى على اليميين في مشكلة وبدلوه بعد الهواش معاهم واستلمت السيارة ولاحظت المشكله موجودة ما نحلت ومن يومك أود السيارة ويشتغلون فيها وما نحلت المشكلة.
لا حماية المستهلك ولا موقعهم للأم بسوون شوي بعد ما جربتهم.
روح كار ماكس افحص السيارة وطلع تقرير بالعيوب وروح عليهم ولو ما تصلح ارفع دعوى.
التعديل الأخير تم بواسطة Banker079 ; 06-10-2014 الساعة 11:37 AM
الله يعوض عليك
لاتوديها.فحص ولا شي
روح بدل السياره اذا فيها كل هالعيوب…
لاني اخبر واحد من اعضاء المنتدى صارت له مثل هالحاله ..
كلم حماية المستهلك… وكلم الشركة الام…
ولاتستلم السياره…
لو ماخذ سياره مستعمله مابتكون فيها كل.هالبلاوي…
مثل ماقلت لك لاتوديها فحص ولا شي ..
رجع السياره وخذ غيرها .. ولا رجع فلوسك واشتك من كل.الجهات
اعتقد ان موضوعك واضح و بسيط .. و نصيحتي روح حماية المستهلك بأسرع ما يمكن .. و راح يجيبون لك حقك بإذن الله ..
و نصيحتي للي يستلمون سيارة من الوكالة انهم يلفون لفة حواليها يشيكون عالصبغ و الصطابات و يبطل الموتر و يشيك عالسيتات و الديكورات و يشوف طبلونها كم ماشية.. ثم يبطل البانة و يلقي نضرة عالمكينة .. هل فيه آيل يليك؟ .. و يشوف مستوى الزيوت و ماي الراديتر .. كل هذا قبل لا يوقع عالاستلام و يركب الرقم.. و ما يحتاج انه يسوي هالاشياء بيده .. بل يطلب من الموضف اللي يسلمه السيارة انه يبطل له البانه و يشيك له عالزيت جدام عيونه الخ.. و يفضل عند الذهاب لاستلام سيارة جديدة توخي ان يكون الاستلام قبل مغيب الشمس لانه في الليل ماراح تقدر تفحص الموتر عدل .. و سلامتكم.
التعديل الأخير تم بواسطة مواقف النجادة ; 06-10-2014 الساعة 04:10 PM
الحياة.. مواقف
ضوابط المشاركة
رد مع اقتباس
