* تصـاميـــم مجـالـــــس مــودرن و كـلاسيـــــك *

[الجـــوديّ]

عودة مع مجموعة تصاميم إن شاءالله تعجبكم


* تصاميم كلاسيكية حديثة "


من مجالس أهل قطر ... تبارك الرحمن ..











عجبني تناسق وتناغم بين الالوان والاضاءة الصناعية والطبيعية

بالاضافة الى زخارف ونقوش البراويز مع باقي وحدات الديكور ... الستائر والثريات

حبيت النوافذ الطويلة .. والممتدة مع امتداد الستائر



:

ايضاً مجلس آخر من مجالس أهل قطر .. الله يبارك

[معماري قطري]

عودة موفقة وتشكيلات حلوة .. وبديت اقتنع أَكثر بالبهرجة في مجالس الرجال كنوع من التغيير المحبوب

عندي شوية صور لتصاميم باستئذن صاحبهم في تنزيلهم .. ويسويهم محل ديكور لأَحد الأَقرباء والله يوفقه في البزنس الجديد

[مضارب دوسري]

* مجالــس أرضيـــــة *






نلاحظ الفخامة الممزوجة بروح العصر في الالوان السادة وخاصة الأبيض

والمواد مثل الباركيه والزجاج والإضاءة الليد

والخطوط المنحنية في الجبس وورق الديكور

واللوحات ذات طابع حديث وجزء لا يتجزأ من التصميم.



























الارتفاع العالي للسقف مع الستايل الإسلامي رهيييييب




أتمنى تعجبكم

يعطيج العافيه
الصوره الثالثه يتم تطبيقها بحذافيرها عندي فالمجلس خخخخ
بس سويت اضافه بدل ما تكون ارضيه تكون كراسي تفصيل نفس الصوره كوبي وان شاء الله ينفذها صح
والجبس بورد سواه بالضبط نفس الصوره

[الجـــوديّ]

عودة موفقة وتشكيلات حلوة .. وبديت اقتنع أَكثر بالبهرجة في مجالس الرجال كنوع من التغيير المحبوب

عندي شوية صور لتصاميم باستئذن صاحبهم في تنزيلهم .. ويسويهم محل ديكور لأَحد الأَقرباء والله يوفقه في البزنس الجديد

هلا بمهندسنا ..

مثلك أنا

أشوف صارت في المجالس معاني .. كل صاحب بيت ممكن يوصلها بالتصميم المتبع في مجلسه ..

هو بطريقته شلون يرحب ويتجمل في ضيوفه برحابة وجمال التصميم .


ننتظر صورك .. وكل من عنده تصاميم يحب يشاركنا فيها.. ،،

[الجـــوديّ]

يعطيج العافيه
الصوره الثالثه يتم تطبيقها بحذافيرها عندي فالمجلس خخخخ
بس سويت اضافه بدل ما تكون ارضيه تكون كراسي تفصيل نفس الصوره كوبي وان شاء الله ينفذها صح
والجبس بورد سواه بالضبط نفس الصوره

يعافيك أخوي .. منزل مبارك مقدماً ..

عاد نبي نشوف المجلس شلون صار بعد التنفيذ .. إذا ماعندك مانع
أكيد راح يكون فيه لمساتك الخاصة .. مثل اللوحات .. منظرها جمالي ووجودها بالاضاءة مسوي جو ومخلي التصميم ستايل
لو ما حطيتهم بتخلي المجلس رسمي شوي
وفي كل الاحوال هو حلو خاصة الوانه مب دارجة وايد

... بالتوفيق إن شاءالله ،،

[الجـــوديّ]

* تصميم حديث *

لغة جديدة في التصميم الداخلي بين حديث مطرز بنقوش اسلامية و سقف مرتفع
يخلط بين الأسلوب العملي والاسلامي العريق

لا أراه موفق جداً في نوع الكراسي المختار ..
ولكن أعجبني الأبيض والأسود في انعكاس الالوان والنقوش.

[الجـــوديّ]

تصميم اسلامي حديث آخر ...

أعجبني التنفيذ والاضاءة الخافتة

[الجـــوديّ]

حبيت .. هالمجلس بالتصميم الاسلامي الحديث

فيه عناصر التصميم متكاملة نوعاً ما ... ومافيها تضارب أو نشاز .

[الجـــوديّ]

تبارك الرحمن ... شياكة ملكية وكأنه مجلس الوفود الرسمية


مجلس في السعودية





مراعاة لأدق التفاصيل حتى لون زهور التيوليب على الطاولة !

[معماري قطري]

بعض المجالس طويلة وضيقة وفي الواقع ما تكون بهالشكل الا قليل .. لأَن كمبدأَ تصميمي لمساحات المجالس لازم تكون موازنة بين الطول والعرض وفي رايي لو الطول يكون 1.5 العرض يكون زين .. يعني مجلس 6 يكون طوله 9 أَو أَقل يكون أَحلى .. والباب يكون في وسط الضلع الطويل .. وطبعاً المجلس المربع يطلع بعد شرح وقعدته شبه متساوية .. ولا ننسى هناك الدائري واللي يميزه إِنه يكون متقارب والكل مكانه تقريباً متساوي.

بالنسبة لبعض الصور صعب ويمكن مستحيل تنفيذها بنفس الدقة خصوصاً مع الأَرضيات الرخامية اللي تبين كأَنها قطعة وحدة .. عندي صديق قديم لي سنوات طويلة ما شفته والتقيت به مره طلع مسوي شركة لاستيراد أَنواع الرخام مقصوص ويتركب في الموقع حسب تصميم وترقيم لكل قطعة .. ويسوي تشكيلات غير اعتيادية .. بس شغله كثير غالي يعني 5000 وفوق للمتر المربع وطبعاً كثير مربح له.