* تصـاميـــم مجـالـــــس مــودرن و كـلاسيـــــك *

[الجـــوديّ]

هلا بأديبنا بن هود

فيه شركات تنفذ على مستوى عالي من الجودة لكن تحتاج شركات كبيرة والفنشنغ عندهم يكون دقيق ونظيف

[معماري قطري]

تصاميم فنية حلوة عجبني المجلس الأَخير

واصلي جاكلين

[معماري قطري]

ابداع الى اخر درجة

لكن السؤال : هل تستطيع الشركات المصممة تقديم هذا المستوى

ام انها مجرد تصاميم

إِخوي بن هود أَي تصميم تشوفه صورة لازم وراه رسومات تفصيلية ومواصفات وعينات من المواد وشرح مفصل لطريقة التركيب والصبغ وغيره .. التقليد بالصورة يعرض الكثيرين لغش كبير من الشركات وما يكون عمل هندسي صحيح .. يعني يوعدك المقاول شفهياً لكن في راسه فكرة معينة للصبغ وللنوافذ مثلاً تختلف عن لو كانت موصوفه وصف هندسي دقيق بتفاصيل ورسوم متقنة .. وتحصل المقاول يحاول يسوي شيء من راسه ويوفر على نفسه الكثير.

لتقليد بعض التصاميم تقدر انت بنفسك تسوي شيء مقارب بتنفيذ العمل وتنسيقه جزء جزء مع عدة مقاولين أَو مقاول فاهم يعطيك عينات وتفاصيل للشغل اللي بيسويه وعقد واضح.

[الجـــوديّ]

تصاميم فنية حلوة عجبني المجلس الأَخير

واصلي جاكلين

شكراً لحضورك ...

مواصلة ان شاءالله ...

وارجو تواصلك وافادتنا بملاحظاتك القيمة

[معماري قطري]

ملاحظتي على الدفعة الأُولى من الصور بأَن نمط التصميم تقريباً واحد وشبه مكرر بالنسبة للأَرضيات كمواد وللأَسقف .. وممكن لمجالس نسائية التصاميم تكون مقبولة أَما لرجالية فتبين مبالغ فيها والبساطة تكون أَحلى

ممكن يكون مشروع تصميم واحد ويبين عدة مناطق من مفتوحة من منزل واحد

بالنسبة لأَطقم الكراسي العملية والمريحة وايد أَحلى ولو كل كرسي مفرد يجون أَريح وأَحلى

[نور الحور]

تسلمين جاكلين على الاختيارات الجميلة

أشوف اغلبها يميل للنيوكلاسيك

ومن ملاحظاتي على المجالس عموما في قطر ألاحظ عليها شغلتين :

1. الستايل في الغالب كلاسيك او نيوكلاسيك

2. الألوان مكررة وما فيها جرأة التجديد ..

بالنسبة لي في بالي عدة أفكار غير عادية للمجلس بالذات

لكن للأسف ماعرف ارسم بالا وتوكاد ولا كان صممت ونزلت

وهي كلها أفكار تعبر عن ذوقي الخاص كأشكال وتصاميم وبألوان ما شفت لحد الان من استخدمها او دمجها للمجالس

متابعة بشغف جاكلين .. واصلي

[معماري قطري]

إِختي نور الحور هذي برامج تصميمية أَغلبها ثري دي ماكس وفوتو شوب وغيرهم .. الأُوتوكاد هو البرنامج الهندسي للأَبعاد والخطوط وفيه ثري دي بس ما يطلع مثل الصور لازم بعدين يتحول على ثري دي ماكس أَو غير من البرامج .. وبعضها سهلة بسرعة تتعلمينها من كتاب وتتابعين كم مثال.

[الجـــوديّ]

ملاحظتي على الدفعة الأُولى من الصور بأَن نمط التصميم تقريباً واحد وشبه مكرر بالنسبة للأَرضيات كمواد وللأَسقف .. وممكن لمجالس نسائية التصاميم تكون مقبولة أَما لرجالية فتبين مبالغ فيها والبساطة تكون أَحلى

ممكن يكون مشروع تصميم واحد ويبين عدة مناطق من مفتوحة من منزل واحد

بالنسبة لأَطقم الكراسي العملية والمريحة وايد أَحلى ولو كل كرسي مفرد يجون أَريح وأَحلى

شكراً مهندسنا على ملاحظاتك القيمة ..

أنا اتفق معاك في الراي ..

لكن اشوف مجالس قطر صار لها نقلة نوعية .. وصارت مجالس الرجال يعتنون فيها عناية خاصة

شفت مرتين بالتلفزيون مجلس رجال تقول قصر فرساي ماشاءالله من كثر التذهيب والمرايا والنقش والديكور الفكتوري

وقلت يمكن حالة شاذة .. لكن ايدوه الاخوان فوق ...ان الاهتمامات تغيرت الحين...

لأني صرت اشوف مباني مجالس كبيرة منفصلة عن البيوت ... تكون عبارة مجلس وملحقاته ...

التغيير في الاذواق أكيد وارد مع مرور الوقت ..

يعطيك العافية أخوي معماري قطري

keep in zone

[الجـــوديّ]

تسلمين جاكلين على الاختيارات الجميلة

أشوف اغلبها يميل للنيوكلاسيك

ومن ملاحظاتي على المجالس عموما في قطر ألاحظ عليها شغلتين :

1. الستايل في الغالب كلاسيك او نيوكلاسيك

2. الألوان مكررة وما فيها جرأة التجديد ..

بالنسبة لي في بالي عدة أفكار غير عادية للمجلس بالذات

لكن للأسف ماعرف ارسم بالا وتوكاد ولا كان صممت ونزلت

وهي كلها أفكار تعبر عن ذوقي الخاص كأشكال وتصاميم وبألوان ما شفت لحد الان من استخدمها او دمجها للمجالس

متابعة بشغف جاكلين .. واصلي

بنت حلال يا نور الحور ..

كنت أقول بخاطري وينها نور الحور .. ودي اعرف رايها


مثل ما تفضلتي ..

الالوان المفضلة اللي تعبر عن بيئتنا وحتى طبيعتنا والمتوفرة بكثرة ... البيج بدرجاته الى البني

والعنابي .. الزيتي ... واذا شذت المجالس اختاروا السماوي والرمادي والاسود


شوقتينا لتصاميمج ..... شنو الحل




اقترح ترسمين بيدج وتلونين بالخشب واحنا قابلين

أو توصفين المواد والالوان والستايل وبنكون لج من الشاكرين

اتوقع اضافة مبتكرة منج .. ونشوف راي الاعضاء

وشكراً على المشاركة الطيبة


انتظرج بششششغف

[معماري قطري]

شكراً مهندسنا على ملاحظاتك القيمة ..

أنا اتفق معاك في الراي ..

لكن اشوف مجالس قطر صار لها نقلة نوعية .. وصارت مجالس الرجال يعتنون فيها عناية خاصة

شفت مرتين بالتلفزيون مجلس رجال تقول قصر فرساي ماشاءالله من كثر التذهيب والمرايا والنقش والديكور الفكتوري

وقلت يمكن حالة شاذة .. لكن ايدوه الاخوان فوق ...ان الاهتمامات تغيرت الحين...

لأني صرت اشوف مباني مجالس كبيرة منفصلة عن البيوت ... تكون عبارة مجلس وملحقاته ...

التغيير في الاذواق أكيد وارد مع مرور الوقت ..

يعطيك العافية أخوي معماري قطري

keep in zone

أَكيد كلامج فيه الكثير من الصح

عندي مهم الضوء الطبيعي وإِن يكون المجلس منور والتزيين بحدود معقولة يعطي المجلس وأَي مبنى وقار وجمال دائم ما يتغير .. أَما التجميل الزايد وكثرة القماش وكراسي كبار كأَنها أَسرة للنوم وعليها طعش طعش مخدة والواحد أَما يتربع فوق الكرسي من زود عرضه .. أَو يقعد متطرف وظهره بعيد عن المسند فهذي الأُمور انصح بالابتعاد عنها .. الجمال العملي مرغوب والمتكلف منبوذ.

إِحنا كرجال يفترض في مجالسنا تكون مثل لباسنا صعب نتخيل رجال قطري ثوبه أَبيض يلمع ومطرز بذهبي وعقاله وردي مثلاً .. لكن لمجالس نسائية لازم يترك الذوق للنساء وساعتها نبتعد احنا.