المشاركة الأصلية كتبت بواسطة غايه الطواش
والله يا خوي الكريم ترددت كثير في المشاركه في موضوعك , هناك اختلاف بين الدلع والترف والرفاهيه , والي البعض منها ينتج عنه مفسده فالاخلاق والاطباق ,والكثير منها يدعوا الى الاتكاليه وعدم الاعتماد ع النفس , الدلوع , شخص طلباته تنقذ اوامره يجب ان تطاع ومايحس بالتعب او شقى غيره للوصول الى الرفاهيه الى هو فيها , هذا ينتج عنها انسان عديم المسوؤليه انسان روح الملامبالاه عنده عاليه جدا, مالم يكن هناك سقف للدلع .
راح اقولك تجربه مريت فيها شخصيا نولدت بفرق عمر بيني وبين خواني ونولدت على مرض , ادرى الى ان هلي دللوني دلال كثير طلباتي مجابه , لحد يقولها لحد يسوي لها , لدرجه ان اغلب صوري مشيوله عمري خمس سنين والكل يشيل فيني ,العابي غير العابي بروحي , ماطلع العب في الشارع حتى المدارس غير, , كان في اهتمام بحكم المرض, والفوكس زياده حبتين , بس مانكر هالشي انعكس نوعا ما بطريقه سئيه علي , كثير من الامور الممنوعه على خواتي مباحه لي الشي الي ابيه يصير لو شنو , وهاذي خصله فيني مستاءه منها ,صار فيه صارا وعزيمه اذا ابي الشي بحصل عليها وماعلى من ردود الفعل, اخاطب نفسي واقول بهاوشوني خمس دقايق وخلاص , واقنع نفسي بالفكره واسويها , حتى في هالسن والي احسن ان شخصيتي تغيرت مازلت لما اصر على شي اسويه واشياء كثيره اسويها وحطهم امام الامر الواقع , تغاظيهم عن اخطائي وانا صغيره استمر معاي وانا كبيره ليش مادري هل هو طبع ام تطبع .!!! وشي مهم اذا غلط تاو سويت شي مايرضونه الهوشه تروح حق اختي الكبيره وانا جني ماسويت شي!!
نفس البجاحه ( والسموحه على الكلمه ) الي كنت فيها وانا صغيره اشوفها في بنت اختي مع ان انولدنا في ضروف غير تصرفات طريقه كلام اسلوب , تظن اني بهاوشها او اظربها اذا شفت منها شي غلط؟؟ ماقدرت اطالعها واحس اني اضرب نفي اعاقب نفسي حتى امها تنصدم من رده فعلي تجاه صرفات بنتها او اطالع جنه مقرى علي وعقب ادبر وجنه ماصار شي ,,...اشوف شريط ذكرياتي يمر جدامي بنفس التصرفات بس اشخاص مختلفين
حتى تقصص ثياب امي بالمقص اذا مانفذت اوامرري لقيته فيها!!
حاولت اتخلص من تصرفات سببها الدلا قردت في اشياء وماقدرت في امور غيرها لان في فتره المراهقه حسيت ببعد خواني وخواني عني لامن تصرفاتي ولا من فرق العمر ....
بس الحمدالله .....دام حس المسوؤليه عالي عندي ارد واقول الحمدالله على كل حال