"القطري يقدر" ؟؟

[دانوو]

السلام عليكم ورحمه الله

من زمان وهالفكره تدور في راسي

احنا ما فكرنا بكره اذا خلص البترول والغاز

ورجعوا الطبقه الفقيره "العمال" لبلادهم كيف بنعيش !

واحنا ابسط اعمال الصيانه المنزليه نحتاجهم فيهم لقله خبرتنا فيها

الاعمال الكهربائيه - الهدم والبناء - عمال النظافه - الديكور والاثاث - الخدم والدريوليه ...الخ

شلون حياتنا بتمشي اذا راحوا وخلونا وخبرتنا 0% في ابسط امور الحياه العمليه ؟

=======

اقتراحي للمجلس الاعلى

يجبر طلاب الثانويه على اتمام ساعات معينه في هالأعمال عشان الجيل المستقبلي يكون على علم بهالامور

(( ما اقصد انهم يكرفون الطلاب بس على الاقل الطالب يوقف مع العمال ويشوفهم كيف يشتغلون ويتعلم منهم ))

او

تقوم الدوله بعمل مسابقه سنويه تحت شعار "القطري يقدر" وتكفل كل قطري مشارك في المسابقه بأحدى هالاعمال والجوائز تحددها الدوله

===========

الفكره اكبر من انها تكون مسابقه او تطوع يجماعه حياتنا بتكون في خطر
اذا المجتمع كله عايش في مستوى مرتاح والجنسيات الاخرى متكفله بأبسط أمور حياتنا

عطونا رايكم بدون تعصب اللي مب عاجبته الفكره يذكر الاسباب والنقاط

[شموخ دائم]

,

,


مرحبا

موضوع طيب وفكره اطيب

لو يكون هناك معهد متخصص يكون افضل


حبيت اطمنك ان لو خلص البترول ان شاء الله ( الغاز ) بفضل من الله عمره طويل تطمن
من هذي النقطه

تصدق ان في السبعينيات كان في معهد اسمه
( التدريب المهني ) في مدينه خليفه
الي مايقدر يخلص الدراسه ويطلع من الابتدائيه او الاعداديه يروح هناك
سنتين يدربونه على

الكهرباء
البيب فيتر
البناء
النجاره
الحداده

ويطلع من عندهم جاهز لسوق العمل
وشفت قطريين يشتغلون في ( صيانه ) المدارس
بعضهم يشتغل بيده وبعدها صار خبره وصار مسئول على المكان وتحته عمال من كل الجنسيات
وشغلتهم عمل الصيانه بجميع مدارس قطر
وبراتب جيد ورقم وظيفه بالتربيه والتعليم

ويشتغلون في شركات البترول


تخيل ان في السبعينيات كان الوضع والتفكير ممتاز جدا لهذه الدرجه وهي نفس فكرتك

الان اختلف الوضع لان الجيل الحالي ما يحب هذه الاعمال
ويفضل ينتقل الى ( العسكريه ) لان الرواتب افضل والوضع الاجتماعي ايضا افضل والتشجيع عليها اكبر من الاعمال ( المهنيه )

نحتاج الى اعاده التفكير !!

ام الوضع الاجتماعي ( فرض علينا ) نوع معين من الحياه ونمط معيشي

وعدم الاقبال على التدريب المهني

اجبرهم الى اغلاق المعهد

احنا بوقت العسكريه هي الخيار المفضل للكثيرين من ابناء البلد ونحييهم على هذا الخيار

وهذا ليس خطاء ولكن التنوع مطلوب ايضا لخدمه هذه البلد بكل المجالات

شكرا على الموضوع

,

,


اخوك


شموخ دائم

[للصبر اخر]

ليش معهد
حصه بالاسبوع او حصتيين تكفي
يعني مثل الاقتصاد المنزلي
كان اسبوع طبخ واسبوع خياطه
نفس الفكره تطبق للشباب
تغير جو من المناهج ويتعلم شي يستفيد منه

[تفآصيل]

يعطيك العافية

[Charisma]

,

,


مرحبا

موضوع طيب وفكره اطيب

لو يكون هناك معهد متخصص يكون افضل


حبيت اطمنك ان لو خلص البترول ان شاء الله ( الغاز ) بفضل من الله عمره طويل تطمن
من هذي النقطه

تصدق ان في السبعينيات كان في معهد اسمه
( التدريب المهني ) في مدينه خليفه
الي مايقدر يخلص الدراسه ويطلع من الابتدائيه او الاعداديه يروح هناك
سنتين يدربونه على

الكهرباء
البيب فيتر
البناء
النجاره
الحداده

ويطلع من عندهم جاهز لسوق العمل
وشفت قطريين يشتغلون في ( صيانه ) المدارس
بعضهم يشتغل بيده وبعدها صار خبره وصار مسئول على المكان وتحته عمال من كل الجنسيات
وشغلتهم عمل الصيانه بجميع مدارس قطر
وبراتب جيد ورقم وظيفه بالتربيه والتعليم

ويشتغلون في شركات البترول


تخيل ان في السبعينيات كان الوضع والتفكير ممتاز جدا لهذه الدرجه وهي نفس فكرتك

الان اختلف الوضع لان الجيل الحالي ما يحب هذه الاعمال
ويفضل ينتقل الى ( العسكريه ) لان الرواتب افضل والوضع الاجتماعي ايضا افضل والتشجيع عليها اكبر من الاعمال ( المهنيه )

نحتاج الى اعاده التفكير !!

ام الوضع الاجتماعي ( فرض علينا ) نوع معين من الحياه ونمط معيشي

وعدم الاقبال على التدريب المهني

اجبرهم الى اغلاق المعهد

احنا بوقت العسكريه هي الخيار المفضل للكثيرين من ابناء البلد ونحييهم على هذا الخيار

وهذا ليس خطاء ولكن التنوع مطلوب ايضا لخدمه هذه البلد بكل المجالات

شكرا على الموضوع

,

,


اخوك


شموخ دائم

اتفق مع اخوي شموخ .. وكل الشكر للاخت على الطرح .

[alsoq]

مثل ما مشت حياة اجدادنا واجدادهم
كل شخص يتاقلم بالحياه المحيطه به حتى لو بعد فتره

[R 7 A L]

نعم يقدرون

[حليتان*]

مش غلط والله

[فاهم وساكت]

الحين ليش ماتتكلمين عن الحاضر بدال ماتشوفين المستقبل بنظره سوده..

باقي الدول قاعده تجهز حق ذاك اليوم وقاعدين يخترعون اشياء تمشي بالطاقه الشمسيه وغيره وغيره ... المفروض تسالين ليش احنا ماندور طاقه بديله بالفلوس الي موجوده الحين؟

الحين الدول الي تشتري منا البترول هم يشترونه لان عندهم اكثر من مصدر دخل واحد .. ولين تنقلب الصوره ويخلص البترول وهم يمتلكون شي ثاني بيخلي حياتهم تمشي بشكل طبيعي شلون بنشتري منهم واحنا ماعندنا مصادر دخل قويه غير البترول والغاز؟

المفروض مليارات تنصرف على مثل هالامور ويكون عليها تركيز مب " شلون بنتصرف لين العمال راحو " خخخخ

[يمامـة]

ليش معهد
حصه بالاسبوع او حصتيين تكفي
يعني مثل الاقتصاد المنزلي
كان اسبوع طبخ واسبوع خياطه
نفس الفكره تطبق للشباب
تغير جو من المناهج ويتعلم شي يستفيد منه

مع هذا الرأي ..

وبقوة بعد.............> ادري ان ممنوع استخدام القوة ولكن مرغمة يمامة لا بطلة