اخي هل انا افتري ؟؟
اخي هل انا اكذب
اخي الوزير مسوول والمنتدى مثل الراديو صوت وصدى
وانا تكلمت بكل ما يحدث بالمركز
وياما خاطبنا وزراء وياما مشكالنا حلت بكل بساطه من عبر المنتدى والراديو
يعني من اخاطب بذمتك قلي ؟؟
ومن بتضمن لي يسمع كلامي ؟
ومن بياخذ لي موعد عشان اقابل المسوول
ياخي رح مستشفى حمد مكتب للشكاوي فيه شكاوينا لين يوم الدين ما حد نظر فيها لانها تظل حبيسه الادرج ماتوصل للوزير ولا المسوول
الصغار يخشونها حتى ما ينكشف سوء تدبيرهم
اخي خلك واقعي
الله يرضى عليك
هلا اخوي
المركز مكس مواطنين ومقيمين وخدم وكله على بعضه
مايكسر الخاطر كبار السن
واللي ينرفز فعلا من الميسوول اذا المريض ارجع حتى اليوم الثاني بحاله ان حالته ماكانت ظاهريا تبدي انه تعب فعلا ولكن حالته تطورت فيما بعد ومن يضمن حقه اصلا وفي حاله تعرضه للخطر؟؟؟
اشكرك ولك كل التقدير
ريم الشمال
كفيتي ووفيتي واكيد الاخ راجي العفو بيرد
هو له طريقته بالرد لكن حنا لنا ايضا طيرقتنا المشكله لو شخصيه كان لها ابوابها لكن هي عامه والاخ راجي العفو الظاهر شايفني اتكلم عن نفسي مش عن مشكله عامه وملموسه
راجي العوف الله يرضى عليك ويبارك فيك ماقصرت والله
ريم الشمال لك كل التقدير والاحترام
بارك الله فيج اختي .. وهل اتهمتك بشئ ؟ ..
أنا والله مراعٍ للظروف التي تمرين بها مع المستشفى و التضايق الحاصل منك اتجاههم
ولكن ، نحن لا تكفينا الأمور الواقعية في حلول امور حياتنا ولو ترتبت عليها نتائج إيجابيه بوركت ..
وإلا لجاز خلع الوزير من منصبه بأيدينا .. لأن هذا واقع حاصل ! ولكن هل الطريقه صحيحه ؟!
انا وانتي و الجميع متعبدون بطرق شرعية في مجريات حياتنا ..
جاء التوضيح بها في النصوص الشرعية ، أن الشخص يطالب بحقه و يرفع صوته للجهة المسؤولة فإن قبلوا منه فالحمد لله و إن حصل الظلم و عدم تأدية الحقوق لأهلها فعلينا بالصبر إلى أن يفرج الله الأمر .. لم يرشدنا الشارع الحكيم لخيار ثالث و هو التشهير بالوزير في منبر عام و توجيه الشكوى له بخطاب لا يناسب المقام ، بل هذا مخالف للطريقة الشرعية ..
وأتمنى منك التكرم بالتمعن فيما كتبته للأخ الطيب إيميشن ، والنظر إلى الكلام بتجرد ..
ولست أرى المسألة شخصية .. بل هي عامة تشملني و تشملك و تشمل كل احد ..
والموضوع ليس هو اخذ و رد ، بقدر ما هو تصحيح للتصورات و الأحكام المبنية عليها ..
ولا يفهم من كلامي السكوت و عدم الشكوى ..
لك التحية .. وأسأل الله أن يفك أزمتكم ..
التعديل الأخير تم بواسطة راجي الْعفو ; 18-10-2014 الساعة 10:53 AM
لا يزال .. لسانك .. رطباً .. من ذكر الله ..
اذكر الله !
هلا بك
اروح خاص يبعد عن بيدي ثلاث ساعات ساعه ونص بالروحه ساعه ونص بالرده
والانتظار هناك كم ؟
والعلاج تجاري رخيص تابع لمركزهم يعني بيجيبون لنا دواء غالي ودواء من برى حدنا جلفار او الاردن او مصر حتى صاروا يجيبون من اندنونيسا بعد
نبي مراكزنا قرب بيوتنا اطباء كفاءه والعلاج ذو جوده عاليه ليه اترك المركز للمقيم يتمتع وانا ما مااتمتع بخير بلادي واروح اجعل صحتي متاجره بمراكز تجاريه ياخذون علينا التامين الصحي بمراكزنا ولله الحمد
اشكرك على المرور وابداء الراي والمشاركه
لك كل التقدير
حتي مركز الصحي اللي في المطار كم مرة كنت اراجعهم يشوفون الضغط والحرارة ويقولون مافيني شي وكل ماكنت أقول عندي الم ع الجنب اليسار كانوا يقولون لي هاي نقص فيتامين دال خذي الحبوب استمري بتصيرين اوك لين طيحني الالم ورحت طوارئ طلع حصي في الكلي وسويت عملية مايسوون شي اصلا و بطلعة الروح يعطون تحويله حق الوكرة او حمد اذا ماتبون تشوفون المرضي ع الأقل عدونا تحويله بدون ماتعورون راسنا كله يقولون لازم نشيك احنا كل شي شنو يسوون اصلا الأشعة العادية ماتبين شي اصلا عقب يقولون مافيج شي عندي أعراض الم في الصدر سووا أشعة قالوا مافي سي ولين الحين عندي الالم يروح ويرد مايندري شنو نسوي معاهم وكل هاي في صوب معاملة اللي قاعدين في الاستقبال هاي شي ثاني نص الموظفين ع الطاوله اللي في النص قاعدين دق سوالف او ياكلون وحاطين ثنتين من اليداد عند الاستقبال والمراجعين واقفين عددهم فوق25 و التلفون نفس الشي مايردون شلون استفسر عيل اذا بسأل عن تواجد الدكتورة اللي ابيها ورحت استقبال سالت عن الدكتورة قالوا لي دوامها عصر اضطريت أوافق اروح حق وحده غير ويوم رحت لها قلت اخر كره شافتني دكتوره وكتبت كل شي في ملفي بس احتاج تحاليل قالت لا لازم تروحون لها اهيه انزين خلصيني انتي الحين بس عطيني مال التحاليل عصبت لا وتكلمني بأسلوب مب عدله جني اطر من عندها وآخر شي قالت اصلا دكتوره الي شافتج اخر مره موجوده قلت لها الاستقبال قالوا لي دوامها عصر حتي مايعرفون الدكتوره موجوده او شنو دوامها وانا أتحمل هالبهدله...
التعديل الأخير تم بواسطة الخيالة ; 18-10-2014 الساعة 10:51 AM
الوزير يجب ان يقوم بزيارات تفقديه الى المراكز الصحيه والمستشقيات وليس الجلوس وتوقيع المعاملات