هل صحيح بأن أغلب الرجال يفضلون بأن زوجاتهم يسوقون للسبب؟!!

[حمد 2002]

السلام عليكم

هل صحيح بأن أغلب الرجال يفضلون بأن زوجاتهم يسوقون لكي يتكلون عليهم ويهربون من المسؤليات وغضاء الحوائج الحياتية ؟!

لن أطيل بالكلام .. تفضلوا قلمي وكتبوا مايجول به خاطركم وفقا لقوانين المنتدى والآداب العامه .. وبدون الخروج عن صلب الموضوع وبعيدا عن السوالف الجانبية ..

[بصمة قطرية]

أصابع إيدك مب سوا ..
و إذا في من اللي ذكرتهم فأتوقع نسبة بسيطة ..
السبب اللي يخلي الزوج يفضل إن زوجته تسوق
لأنها محتاجة تسوق ..

[بومحمد المطاوعه]

وعليكم السلام

ياهلا بالغالي

فديت ويهك هههههه


المهم يالغالي اسمع من اخوك الصغير

انا مب ضد المرأه فالسواقه ولاضد الي يقول مالها معنى المرأه تسوق

ولكن ضد اي شخص مقصر مع اهله في قضاه حاجاتهم
البنت او الزوجه او الأم لماذا يسوقون ؟؟

البعض منهم مقصر من ناحيه مواصلات الأهل
ويضطرون ان يسوقون*اويوفرون
لهم سائق

وهذا الذي حاصل في اكثر البيوت

وجود الأدريول فقط للصباح ومن بعد الظهر الأدريول قاعد ع الفاضي

سبحان الله لا أحد يدري عن هذي المرأه التي تخرج لتقضي حاجاتها

و الذي ينتقد اي امرأه محتشمه وتسوق سياره لقضاء حاجاتها فقط

اقول لهذا الشخص اتق الله في نفسك وحاسب ان تقع في ظن السوء لهؤلاء الناس المساكين المحتاجين

وأما النساء الذين يتمشون وفي وضع تبرج في سياراتهم
اسأل الله ان يهديهم ويستر عليهم


واتمنى من كل ذكر مقصر ان يصير رجل في امور اهله ولايقصر معهم
حتى لايضطرون ان يضعون لهم سائق وان يسوقون

الا للضروره القصوى

تحياتي لك يالغالي

[بريق الحق]

كل واحد ادرى في هله وجماعته
وفي فرق بين الرجال والذكر

[ودي أكون]

نعم بعض الرجال اصحاب العنن والمجالس والعديد والسفرات والربع.. هذيلا .. وحده من الثلاث :

يا يعطونها الليسن وهي اتخلص امور البيت عشان ياخذون راحتهم فالطلعات ..!

او يحطون لهم دريول يخلص لهم واجب الزوج .!

او يعتمدون ع اهل الزوجه يخلصون لها مشاويرها واحتياجاتها هي واعيالها..!


اما الرجال العاديين المحتاجين والمضطرين، .. يحط لهم دريول بس لاحتياجات الدوام وبعد الدوام هو يقوم بدوره ك زوج وهذيلا قله قليله والله اعلى واعلم

والله المستعان

[الجـــوديّ]

هو البداية تكون علشان تشي عمرها وتساعد زوجها ي الاعتماد على لنفس

منها الاستفادة من المبلغ اللي بينحط للسايق وتوفيره وتوفير كل مايتعلق فيه منها المكان .

وعقب المراة تبتدي تعتمد على نفسها بشكل جيد .. فتاخذ دورها ودور زوجها لان مافيها صبر

وتبي كل شي يتم على ماهي تبي وماتعطيه فرصة يقوم هو بمهامه

أو انه استحلى خفة المسؤولية وفيه مراة بتحنه وبتقوم بدورها كامل .... فيميل كل الميل وهي المسكينة لها الله


ما اعمم ولا اشمل كل الرجال او السيدات

لكن هذا اللي شفته من واقع زميلاتي .. للحين في العايلة ماعندنا حريم تسوق

والسموحة

[alsoq]

تسوق هي بنفسها وهو يوافق تخليها تسوق اشرف له من ان يسوق بها هندي بدون محرم

[ابوعلي]

على حسب اخوي حمد

البعض من البداية يبي زوجته تاخذ الليس ويرتاح هو

والبعض في البداية يسمح لها بشاوير محددة وعقب يعشق الراحة ويقط عليها كل شي

والبعض يسمح لها بمشاوير محددة وبس وباقي المشاوير عليه

وبالنسبة لي كنت اتمنى انهم يتعلمون السواقه للامور الضرورية ولكن مالهم خاطر بالسواقة بالرغم اني ارفض ان الرجل يقط مسئولياته على زوجته

[راجي الْعفو]

هلا هلا بوشهب الكويس ..

ابصراحة .. السؤال اللي المفروض ينطرح :

لماذا أصبحت المرأة في حاجة لقيادة السيارة ؟

ومالحلول لهذه الظاهرة ؟

شكرًا حمد 2002

[رهج السنابك]

جملتك اسمح لي خاطئة
وين اغلب الرجال يسمحون لحريمهم يسوقون!

مابعد وصلنا لمرحلة الكويت كل بيت فيه مره تسوق تونا في البدايات لين الحين الاغلبيه رافضين رفض قاطع سواقة المرأه. والبلد مليانه دريوليه في كل بيت سائق

حط لنا موضوع كيف تقنعين اهلك بأن يسمحوا لك بالقياده خطط وتدابير جهنمية