السلام عليكم ورحمة الله وبركاته،،

بنات في موضوع يآلمني بصراحه كل ماشفته جدام عيني .. كل مره ابي اتكلم اقول فخاطري لا .. والمشكله كل ماشوف الشيء اتآلم ..
فالسكوت عن هالشيء صار غلط .. لان بالفعل الشيء مؤلم ..


بنات ماشاءالله عليهم محتشمات .. منقبات او متغشيات او حتى كاشفات بدون مكياج .. عبيهم وسيعه وزينه .. لين اهني كل شيء الحمدلله تمام

بس يوم تقعد .. او تبي تاخذ شيء .. او تتكلم بالجوال .. او تشل الياهل .. او حتى فالدوام اذا بتبصم .. او فالمستشفى تبي اتعدل شيلتها .. او او او ..

ايدها لين كوعها تقريباً تطلع .. وعادي الوضع سهالات ..!


اختي يدج من المعصم ورايح حرام تبين حرام تطلع جدام احد .. والله ان قلبي يعورني ويآلمني يوم اشوف البنت محافظه ع سترها وحشمتها بس من ناحية ان يدها تظهر .. معصمها وفوق شوي يطلع يكون عاادي ..!

لا اختي لا ..

حتى لو فالسياره مع اخوج او زوجج او ابوج وتطلع يدج بعد مايجوز .. ماتدرين من بيشوفج وهو فسيارته..! ( طبعاً اذا بدون مخفي او كانت يالسه البنت جدام )..

خواتي الوضع والله لو اني ماشفته وايد كان ماتكلمت ..


وجب علي النصح والارشاد والتنبيه لوجه الله .. حاسبي يالغاليه

العبي احين صوب اليد واسعه .. ياتلبسين قميص طويل .. او ماتخلين اليد واسعه .. او تمسكين طرف يد العبايه .. تمسكينه بيدج اذا بتشلين حد او تتكلمين بالجوال او تقعدين مسنده راسج ع يدج .. او حتى اذا بتبصمين ..


اخواني الاعضاء .. الموضوع مو موضوع البنات والبنات والبنات .. فارجو احترام الموضوع ..
الموضوع لتنبيه الغافلات ..


الله يستر علي وعليكم وعلى جميع المسلمين والمسلمات يارب .. اللهم امين