أرويدو ـــ أرحموا عملائكم ـــ قصة ولا في الخيال

[Abu Mahmoud]

السلام عليكم ورحمة الله وبركاته ..

انا من عملاء أرويدو

عندي خط بفاتورة

واخترت باقة 150 ريال ـــ فيها 800 دقيقة ـــ 1 قيقا انترنت

من يومين بشيك على حساب الفاتورة

حصلتها 653 ريال استغربت لان فاتورة الباقة 150 مع الخط الدولي 100 يكون المجموع 250

اتصلت سالت الموظفة قالت لي عندك زيادة استخدام في الانترنت

قالت انت لك 1 قيقا وانت استخدمت 1 قيقا وكم ميجا بايت زيادة ..

قلت لها ال 1 قيقا الزيادة كم سعره ......

تتخيلوا كم سعر الواحد قيقا .. مهما كانت المبالغة لن يصل العقل للسعر

1 قيقا الزيادة سعره ـــــــــــ 500 ريال

يعني سعر الباقة لشهرين .

هل فيه كدا في أي شركة اتصال في العالم يحصل كدا

1 قيقا بـــــ 500 ريال يعني اكثر من 140 دولار

والمشكلة لما تختار الباقة لا يتم التنبيه عليك بان الزيادة في الباقة

سواء في الاتصال او الانترنت سعره كذا ... لاااا

حتى لما يكون عندك علم يكون انت ما خدعت ..

لما سالت عن باقة النت ال 6 قيقا بــ 100 ريال

على الاقل يخلوها بسعر الباقة او ضعفه ..

لو انتم مكاني .. اترك لك التعليق ...

بالاخير .. وين الشفافية .. مع العملاء يا سادة

[w.qatar]

معروفين ولا حد وقفهم عند حدهم
حتى البرودباند ندفع كل شهر 400 على نت بطئ و دايم فيه خلل ما يشتغل

[كلام ساخر]

الله يهديك بس
شلون تقول ولا في الخيال
هذي قصة متكررة يوميا
توقعتك تقول عطوني خصم 50%
او هدية 1 قيقا
هذا هو الخيال مع اوريدو
وبالنسبة لمشكلتك مالك حل غير تراجعهم في اي فرع

[QATAR 11]

اووف وايد والله استغلال واضح

[Abu Mahmoud]

اشكر لك مشاركتك w.qatar

كلام ساخر

ما فيه فايدة

مو اول مرة وومهما تجادل فيهم لا يمكن انهم يعترفوا بالغلط او الخطا

قبل كدا تخيل لما يجي يقولك انت استخدمت انترنت في فاتورة من شهور

يوم 17 في الشهر الفلاني انترنت ب 170 ريال في يوم واحد

واليوم الثاني 280 ريال ..

شي ما استوعبه واحنا الانترنت اكثر من وتساب او تصفح لا غير ..

شي غريب كتير مرات ما فيه مرة رجع لي حق من عندهم

غير كل مشكلة هما الصح ...

[حمد بن سعد]

اخوي راجعهم في غلط اهم يبيعون كرت خاص للنت قيمته 100 ريال يعطيك 6 قيقا لمدة شهرين

250 ميغابايت20 ر.ق
.1 غيغابايت60 ر.ق
3 غيغابايت80 ر.ق
.6 غيغابايت100 ر.ق
. 15 غيغابايت جديد 200 ر.ق.


هذي الاسعار وتقدر ادش على موقعهم وتاكد ينفسك شلون حسبو لك ال 1 قيقا ب 500 ريال


لاتخليهم حسبي الله عليهم

[Abu Mahmoud]

اخوي حمد اشكرك

انا كما قلت مشترك بباقة اتصال 150 مع الخط الدولي 100 والباقة فيها 1 قيقا نت

انا كلمت الموظفة

انا لي في الباقة الخاصة بي 1 قيقا نت

لما قالت لي عندك زيادة 1 قيقا انترنت

فكرته يكون 50 ريال او 100 ريال

لكن المفاجاة لما تقولك 500 ريال

جادلت معها تقولي هي دي الاسعار

يعني دافع دافع ما حد راح ينزلك أي ريال

يعني ما فيه مسؤول يتفهم الوضع

والشي الغريب ليه أي زيادة في أي باقة تكون الزيادة بسعر خيالي

يعني كما تفضلت اكبر باقة للنت 15 قيقا 200

هل معقول لما استعمل 1 قيقا انترنت زيادة يكون سعره 500

حسبي الله ونعم الوكيل .. وين الحرام والحلال ..

[همر]

انا ماشوف شي خيالي

معروف ان الميجا الواحد بخمسين ريال

خارج الدوله يوم تسافر يطرشون لك مسج

وداخل الدوله حاسبينه لك بنص ريال

لو تقارنه بالمكالمات تلاقي سعر الداتا

معقول جداً ..



الشي الثاني انا كمستهلك لما يجيني

واحد ويعطيني عرض 1 جيجا بمية ريال

من البديهي ان سؤالي التالي يكون

وماذا بعد الواحد جيجا ؟!!

هذا الشي لازم انا اكون حويط فيه

لانه اكيد ماراح يكون الميجا مجاني

بعد استخدامي للباقه !



الشي الثالث اذا انت عارف ان استخدامك

يفوق الواحد جيجا تاخذ واحد جيجا ليش ؟!!

والمشكله انهم ينبهونك بمسج اذا استخدمت

كامل رصيدك وقبل ماتستخدمه كله بعد ينبهونك..

واذا ماتعرف كم استخدامك .. او ما اهتميت ..

فالمصيبة اعظمُ..




انا مش مع اوريدو ... ولاني ضدك ..

لكن في اشياء صراحه نفتعلها احنا

ونلقي باللوم على غيرنا ..


تقبل رأيي بصدر رحب ..

[للصبر اخر]

اخوي سؤال
انت 1 جيجا استخدمته داخل قطر والا خارج قطر
انت تقول دولي ؟؟

[Abu Mahmoud]

اخوي همر انت فاهم غلط

انا ال 1 قيقا النت مع الباقة اللي انا مختارها باقة الاتصال

وبعدين انا اقولك ال 1 قيقا الزيادة تم حسابه عليا بـــ 500 ريال وليس 50 ريال


للصبر اخر

انا كل استخدامي للنت داخل قطر وليس خارجها