السلام عليكم ورحمة الله وبركاته
ابي مشورتكم ياجماعة
شاركت هندي في السجل و وقعت السجل
و صار هو و اخوه شركاء في السجل طبعا
انا 51% و هم الباقي
السوال اللي يهم هو //
مدى خطورة وجواد اجنبي شريك او شركاء في السجل ؟
و السوال الثاني بخصوص قيد المنشاء
هل وجودهم فيه مشكلة بقيد المنشأ ؟
كيف ممكن احمي نفسي ؟
وجزاكم الله خير
-( اضغط هنا اثناء تصفحك للمنتدى )-
,
,
مرحبا
موفق ان شاء الله
اذا هم ( تجار ) تطمن مافي مشكله اهم شي انهم يبون يشتغلون صح وبما يرضي الله
ما راح تنجح بدون ما تشارك اجنبي هذا امر ( واقع ) في الخليج
المطلوب منك ( المتابعه ) وجودك ضروري في الشركه
مر عليهم كل يوم ساعه وقع الاوراق والشيكات واسئل عن كل شي
وعلمهم مافي شي يستوي الا بعلمك
الزين في الهنود انهم يسمعون الكلام واذا علمتهم على ( طريقتك ) من البدايه يتبعونها ويلتزمون فيها
هذي فرصه لك تمارس التجاره بالطريقه الصحيحه
توكل على الله مافي مشكله من الشراكه ومافي مشكله من اساميهم في السجل وفي قيد المنشاءه
خل توقيع ( البنك ) عندك بروحك وداوم ساعه بالمكتب
حط ( محاسب ) عن طريقك ومن اختيارك حتى تعرف كل شي يدور بالشركه
هم ياخذون حقهم وربحهم وانت تاخذ حقك وربحك ان شاء الله
وامورك طيبه ان شاء الله
والله يوفقكم جميعا
,
,
اخوك
شموخ دائم
اشكر جدا و الله يجزاك خير
-( اضغط هنا اثناء تصفحك للمنتدى )-
مرحبا أخوي الفاضل
ما أحب ازيد على كلام اخوي شموخ دائم
هناك عادة طريقتين للعمل
اولا الشراكة الفعلية في التجارة وهي اللي تكون فيها نسبة المشاركة
حسب النسبة الرسمية بالسجل التجاري وهي نسبة 51% فما فوق للشريك المحلي
ويكون لكم وعليكم نفس الحقوق والالتزامات
وهاذي تتطلب المتابعة والتواجد المستمر من قبل الشركاء وتكون لكم ميزانية سنوية تبين فيها
حساب الارباح والخسائر وعادة يعدها مكتب تدقيق محاسبي مرخص من الدولة .
ثانيا الشراكة الاسمية وهذا المطبق عندنا في الخليج بنسبة 90 %
يكون هناك مستثمر أجنبي هو عنده راس المال كامل ويحتاج شريك محلي مواطن
فقط بالاسم لتحقيق نسبة المواطن بالسجل التجاري وهي نسبة الـ 51% .
وفي هاذي الحالة الشريك المحلي ياخذ مبلغ شهري ثابت مقابل خدماته اللي يقدمها
للشريك الأجنبي مثل توقيع الاوراق الرسمية وطلب التأشيرات واصدار الخروجيات الخ .
في كلا الحالتين تحتاج المتابعة من جانبك لأمور مثل عدد العمالة اللي على كفالة الشركة التاكد من
تسديد الرواتب للعمال والموظفين , تسديد الايجارات والالتزامات الأخرى .
بعض الشركاء االأجانب ما يرضى اذا كنت شريك بالاسم انك تكون مخول للحساب البنكي او تطلع على
ارصدة وحركة الحساب البنكي لأنه يعتبره شي خاص فيه وهو صاحب راس المال بالكامل .
وفي الأخير تختار واحد ثقة صار له فترة مقيم بالدولة ومستقر وله من الخبرة المناسبة وعرف بيئة العمل
وعارف الانظمة والقوانين والاجراءات المتبعة .
بالتوفيق ان شاء الله
يُخَاطِبني السَّفيهُ بِكُلِّ قُبْحٍ ******* فأكرهُ أن أكونَ له مجيبا
يزيدُ سفاهة ً فأزيدُ حلماً ******* كعودٍ زادهُ الإحراقُ طيبا
جزاكم الله خيرا
و بخصوص اذا علي مسؤلية انه يكون صاحب التوقيع في الشيكات
هل أتحمل مسؤلية ان مايكون فية رصيد و الى ذلك من المسؤليات ام يتحملها الذي قام بالتوقيع
جزاكم الله خير
-( اضغط هنا اثناء تصفحك للمنتدى )-
,
,
مرحبا
شكرا اخوي كبتن على المعلومات القيمه الي تقدمها
اخوي سايق الخير
بخصوص سؤالك طبعا عليك مسئوليه انت والشريك وما يهم منو وقع لانه بالاخير هو اسم الشركه عليه التزام
فاصحاب الشركه عليهم المسئوليه اتجاه البنك واتجاه الغير واتجاه من كتب لهم هذه الشيكات
انتوا شركاء في الربح
وايضا شركاء في الخساره والديون كل شخص حسب نسبه تملكه في الشركه
تقدر تتحكم في الشيكات ان يكون توقيعكم الاثنين على كل شيك
حتى كل واحد يكون على علم بكل شيك ينكتب لانه موقع عليه الاثنين
وممكن تكون التوقيعات منفرده توقيع واحد يكفي
هذا راجع لكم وحسب الثقه الي بينكم
الخيار لك
في الاخير المسئوليه عليكم الاثنين
وكل شركات قطر بهذي الطريقه
,
,
,
,
اخوك
شموخ دائم
ضوابط المشاركة
رد مع اقتباس