السجل التجاري أبي حل وسط ؟!!

[أم وضاحي]

السلام عليكم
الحمد لله انا بصدد أني أسوي لي مشروع تجاري
و كنت محتاجة سجل تجاري لمؤسسة لأن النشاط التجاري بيتبعه أكثر من محل
زوجي عنده سجل تجاري لمؤسسة
لكن ما جدده من أكثر من 8 سنوات لظروف كثيرة
المهم ان رسوم التجديد تعدت ال 28 ألف ريال
و أنا أبي السجل عشان الأسم متوفر و ما أبي أقعد أدور أسم و يقعدون يقولون لي لازم أسم عربي
و لما أختار اسم يقعدون يقولون لي الأسم محجوز و غيره
لأنهم جننوني لما جيت أطلع السجل التجاري لمشروع سابق و سبته الأسم
تميت ثلاث شهور بس على الأسم لين لقيت واحد مناسب و مش محجوز

ابي حل
و 28 ألف ريال حاليا مش متوفرة عندي لوجود التزامات ثانيه رغم أن المبلغ بسيط في نظر البعض

هل في حل ثاني ولا لازم أدفع المبلغ أو أسوي لي سجل جديد ؟؟

[عيون الدوحة]

أفظل شي تتأكدين من النشاط الي بتضيفينه لاتضيفين نشاطات مالها داعي وبس تدفعين رسوم عليها

تفتحين جديد بإسمك عشان التجديد وأنهاء المعاملات كلها تكون عن طريق مطراش والحكومة اللكترونية وماتدفعين لمكتب تخليص المعاملات

[شموخ دائم]

,

,


مرحبا


ممكن لو سويتوا كتاب يشيلون ( نص ) الغرامه

يحتاج حد يدخل على المدير وهم مايقصرون

تبقى 14 الف امرها بسيط ان شاء الله


,

,

اخوك

شموخ دائم

[الفني]

مرحبا اختي ام وضاحي بالنسبة للموضوعج لازم تدفعين المبلغ كامل او انج تسوين سجل ثاني مؤسسة باسمج مع الاسم الي بتختارينه اذا بخيتي اي مساعده في هالموضوع اتصلي وفالج طيب احنا تخصصنا السجلات التجاريه والرخص والدفاع المدني وكل ما هو من تخليص المعاملات والدعايه والإعلان .

اسم الشركة : رحال للأعمال

[بومحمد86]

وعليكم السلام ...

أول شي المبلغ الي على السجل مب غرامات هذي مبالغ تجديد السنوات الي تراكمت على سجلكم وماتقدرون اطيحون منها ولا ريال ياتدفعون ويتجدد السجل او تقدرون تكنسلون السجل ببلاش .
ثاني شي نوع النشاط الي تبين تمارسينه نفس النشاط الي في سجلكم اذا غير ممكن تاخذين نفس الاسم وتركبين عليه النشاط الي تبينه مثال ( الدوحه للتجاره ) ممكن تاخذين ( الدوحه للمقاولات , الدوحه للعبايات , الخ....) بشرط مايكون النشاط الي تبينه موجود فالسجل الثاني يعني لو اخترتي ( الدوحه للمقاولات ) ونشاط مقاولات عامه موجود كا نشاط تحت ( الدوحه للتجاره ) ماتقدرين تاخذينه لنه فالمستقبل ممكن يغير اسمه على الانشطه الي عنده واتمنى اني وصلت لج المعلومه بشكل صحيح .