مزاد قطر وعقلية بعض الاشخاص !!
السلام عليكم
طبعا الاغلبيه ايعرف موقع مزاد قطر او منزل البرنامج , طريقه سهله للبيع والشراء ومجانيه , لكن استغرب من تصرف بعض الاشخاص المسجلين في البرنامج ! مثلا تعرض شي على 100 ايجيك شخص اول ايسوم بــ 105 وايجيك الشخص الثاني يفرق السومه وايسوم بــ 110 للحين الوضع طبيعي ! لكن الي مب فاهمه ايجيك شخص ثالث ايسوم بــ 85 ! هل هالشخص يعني ايحط سعر وخلاص , والا يبي بس ايخرب البيعه , والا بس متملل قال اكتب اي سعر ! شي غريب بصراحه , اذا حد فاهم اشلون هالنوعيه من الناس اتفكر ايفهمني لاني مش فاهم .
اخوكم بوعبداللــــــه
عادي وين المشكله العرب تعودو على الرقابه اي برنامج مافيه رقابه كل واحد يطلع الي في جعبته من عبط قله ادب فسق وفجور مثل تويتر فيس بوك يوتوب وهذا البرنامج سالف الذكر
هناك أسباب عديدة لذلك، ولكن لا أقل التنويه إلى ان جماعتنا والعرب والمراقبة ووووو....
لو هذا التطبيق موجود في أي دولة ثانية، تلقى نفس التصرفات.
المشكلة الأساسية في التطبيق نفسه، كيف برمجوه أن يكون مزاد، لكن يقبل إدخال أرقام أقل من أعلى عرض؟
إذا فعلا مهتم بالمشكلة، إتصل بصاحب التطبيق، وإحتج له
وهذا إيميلهم
support@mzadqatar.com
جزاك الله خير qt.1,كلامك صحيح، ولكن هناك مافيا في مثل هذي المواقع، بعض اصحاب السلعة المعروضة يتفقون مع بعض أصحابهم بالمزايدة على سلعته وهو على يقين انها ما تجيب هذا السعر (مثل معرض بدل)،أقول الواحد يبتعد عن مثل هذي المواقع افضل
انا اخالفك الراءي
اولا السوق عرض وطلب
ثانيا مزاد قطر موقع علغŒ النت اي شخص يحط سعره محد يقدر يلزمه او دافع عربون يعني المشارك ما تقدر تمسكه
ثالثا نفس الشخص الي حاط اعلان يقدر يلعب بالسعر ويسوم بزود من تلفونات ثانيه واخر شي بطيح براس الفقير وبيدفع زياده حسباله الناس في مزاد صجي
اخيرا انا عن نفسي اشتريت اكثر من 5 مرات بنفس الطريقه احط سعرشراء
انا مقتنع فيه ويتصل فيني ونتواعد تقدر تقولي ليش لانه محد جاد من الي يحط الاسعار
نصيحتي للجميع لا يعتمد علغŒ الي يشوفه من مزايدات ويحكم عقله وكل شيء قسمه ونصيب
وسلامتكم
اقدارنا مكتوبه ,,,,, فلنعش بهدوء ..
فعلا انا شفت بعض السومات تكون بعيده جدا عن السعر وعلى طول تشوفها انها
استعباط واستهبال
وانا اعرف راعي الموقع شخصيا والتقي معه ومره خبرته عن هذا الوضع
فقالي في تقدر تبلغ عن المشاركه واحنا على طول نقوم بالاجراء
وهناك مراقبين موجودين فيه
وبعدين شي طبيعي ان تلقى هناك في بعض التجاوزات وخصوصا بالاقنعه
ومن خلف الشاشه
نصيحه لك ولغيرك من مستخدمي الموقع اي اسائه على طول بلغ وبيتخذون الاجراء
عرضت موتر وصلي ف ربع ساعه 130
والناس شغاله
ويجي واحد بالنص يكتب 85 نخلص اللحين ههههههههههههههههههههههههههههه.
فعلا في عقليات اعوذ بالله
هذا ليش مسميه مزاد؟ اذا عرض وطلب يسموه سوق.
المزاد مثل أي بي وغيره ما يسمح لك تحط عرض أقل من أعلى عرض
الأسم غلط, لذلك تلقى التوقعات شي والواقع شي ثان
ياعزيزي مزاد قطر في ناس يحطون ارقام خياليه علي ارقام سلطه مايسوى حتى 200 يعرضه علي 5000 الاف تلاقي ناس ترد عليهم طقطق عليهم من باب الاستهزاء بسعر الخيالي
لو راعي رقم جاد في بيعته مايحط سعر خيالي بالبيع حتى ناس بتلاقيه يردون ويزيدون بالمعقول هذا مشكله مزاد قطر مافيه مشرفيه او رقابه يلزمون بالعضو بعدم المبالغة بسعر
مزاد قطر البرنامج للاسف ناس تحط اسعار خياليه علي ارقام ماتسوى لعب في لعب لكن ناس اذكيه ماظن فيهم نقص بالعقل يشترون اشياء مب من سعرها
ضوابط المشاركة
رد مع اقتباس
