هل يستطيع الشخص ان ...

[بريق الحق]

السلام عليكم ورحمة الله وبركاته


الحمدلله عايشين في نعمه اللهم لك الحمد والشكر

بس سوالي هل نستطيع ان نتزوج او نفتح مشروع او نشتري سياره او ابني بيت بدون مااسحب سلفيه اى قسط من البنك ؟

هل مستحيل فالوقت الحالي الواحد يعتمد على نفسه بدون مايعتمد على ( اكيد الاعتماد على الله فالاول والاخر )

يعني قعدة مع الشباب وتميت اسوالف معاهم فالموضوع بس الاغلب اجوفه يقول لين متى بتقعد اتجمع اسحب ياريال من البنك ولا تعور راسك


بالنسبة لي انا اشوف الواحد يقدر لكن لازم يضبط نفسه ويعلم نفسه شلون يحط فلوسه فالمكان المناسب لانه اغلب من يضرب سلفيات من الشباب على اشياء تافهه للاسف الصراحه


اتمنى تفيدونا واتمنى ماندخل في مواضيع المراة جزاكم الله خير

[ANONYMOUS]

طبعا الامور اللي ذكرتها سهله ( ماعدى البيت او اذا كان المشروع يحتاج راس مال كبير)

مالها حاجه السلفيات لو وجد التنظيم

[بريق الحق]

طبعا الامور اللي ذكرتها سهله ( ماعدى البيت او اذا كان المشروع يحتاج راس مال كبير)

مالها حاجه السلفيات لو وجد التنظيم

البعض مايعرف يتصرف في فلوسه بذات الي توه متوظف يسحب سلفيات ويخرب على نفسه

[عثرة جواد]

السلام عليكم

اخوي موضوع الصرف والادخار مسولية الاباء تجاه ابناهم

يربا الطفل من صغرسنه ع قيمة المال وحترامه وكيف اصرفه وفي ماء اصرفه

يكبرالشاب وهو متعود ع ذالك

احنا للاسف ماعندنا هاي الثقافه ع شان جي الكل طايح ف ديون

مع انه احنا شعب ولله الحمد مترف بس ينقصنا الوعي والثقافه

انا اشوف انه سهل جدا الادخار وعمل مشاريع وزواج بدون ديون

موضوعك رائع

[بريق الحق]

السلام عليكم

اخوي موضوع الصرف والادخار مسولية الاباء تجاه ابناهم

يربا الطفل من صغرسنه ع قيمة المال وحترامه وكيف اصرفه وفي ماء اصرفه

يكبرالشاب وهو متعود ع ذالك

احنا للاسف ماعندنا هاي الثقافه ع شان جي الكل طايح ف ديون

مع انه احنا شعب ولله الحمد مترف بس ينقصنا الوعي والثقافه

انا اشوف انه سهل جدا الادخار وعمل مشاريع وزواج بدون ديون

موضوعك رائع

صحيح دور الاهل مهم لكن هم مب اطفال الي يتوظفون ولازم عنده نظره ناضجه مب طفوليه

[ودي أكون]

عطني لـ فلوس اخوي بريق انا بمسكهم لك

نعم الواحد يقدر يقوم ف بعض الامور من غير سحب سلفيات .. ولكن فالاول والاخير يعتمد على كم الراتب،؟!
وعلى نوعية الالتزامات..؟!

[بومحمد المطاوعه]

جزاك الله خير

انا بختصر الموضوع

اذا راتبك 25 ألف

بتجمع كل شهر كم ؟.؟
10 اللاف

فالسنه 120 ألف حلو

متى بتبني بعد عشر سنوات .؟
علشان تحصل مليون و200

هاي اذا تقدر تجمع 10 كل شهر


بدال ان تنتظر عشر سنوات وماتدري بعد العشر سنوات بكم البنيان

اسحب سلفيه وسدد لمده عشر سنوات

وكان الله غفور رحيم

[بو الجوري]

الصراحه الواحد يعتمد على نفسه إعتماد كلي هذا صعب ، بدون سلفيات !!

خل نقول خلص ثانويه ودخل جامعه ويتم إستخدام سيارة البيت .. وتوظف عقبهـا ..

براتب 40 ألف كمثال ..

قولي شلون بيشتري سياره ؟ نقول بيجمع 20 ألف كل شهر لمدة سنه = 240 ألف عشان يطلع سيارته الخاصه

وإذا قلنا مايبي سياره .. بال240 ألف لازم يدور عدل ، عشان يقدر يتزوج فيهم

زين هذا الكلام عقب سنه ..

ويبدأ يجمع من جديد ، عشان الـ 1.2 مليون ماتكفي لبنيان بيت العمر ..

يعني السلفيات بتكون ضروريه ، إذا هو إنسان مايبي العمر يضيع وهو يجمع ..

وأنا ماقول يآخذ سلفيه 500 ألف وإلا مليون عشان سياره وإلا سفرات ..

ممكـن يآخذ السياره أقساط ، وبس والباقي يعتمد على مبدأ الإدخار ..


عاد تعال حصل شباب هالوقت ممكـن يفكر يجمع وينطر سنه ورا سنه عشان ياخذ اللي يبيه

[بومحمد المطاوعه]

نادر تحصل ناس ماعندها ألتزامات

في فرق بين الأنسان الي وارث وعنده خير
وفرق بين انسان ماعندى سوى الراتب فقط

[الجـــوديّ]

بتقدر ... لكن بالبطيء

قد جات فرص وراحت وانت توك اتجمع واللي عندك ما يسد لاقتناص هالفرص !

وقد وأنت تجمع بالامكان مع المديونيات المقننة يكون لك مصدر دخل واحد أو أكثر

وبديت تكون ثروة في عمر اصغر وبطاقة وبصحة أحسن !

الايام محسوبة من عمر الانسان

وخير الاعمال بواكيرها