اكيد يعتمد على كم الراتبالمشاركة الأصلية كتبت بواسطة ودي أكون
عطني لـ فلوس اخوي بريق انا بمسكهم لك
نعم الواحد يقدر يقوم ف بعض الامور من غير سحب سلفيات .. ولكن فالاول والاخير يعتمد على كم الراتب،؟!
وعلى نوعية الالتزامات..؟!
وصل الحال فالبعض اتكالي بشكل كبير مايبي يعور راسه على كلامه فيسحب سلفيه
موضوع البيت صج انه شوي صعب بس يقدر الواحد بعد مافي شي مستحيل
ربعنا قاطين فلوسهم في اشياء مالها داعي تبي الصج
لازم الواحد يصبر نفسه مب كل شي سهل فالحياة ولا شرايكالصراحه الواحد يعتمد على نفسه إعتماد كلي هذا صعب ، بدون سلفيات !!
خل نقول خلص ثانويه ودخل جامعه ويتم إستخدام سيارة البيت .. وتوظف عقبهـا ..
براتب 40 ألف كمثال ..
قولي شلون بيشتري سياره ؟ نقول بيجمع 20 ألف كل شهر لمدة سنه = 240 ألف عشان يطلع سيارته الخاصه
وإذا قلنا مايبي سياره .. بال240 ألف لازم يدور عدل ، عشان يقدر يتزوج فيهم
زين هذا الكلام عقب سنه ..
ويبدأ يجمع من جديد ، عشان الـ 1.2 مليون ماتكفي لبنيان بيت العمر ..
يعني السلفيات بتكون ضروريه ، إذا هو إنسان مايبي العمر يضيع وهو يجمع ..
وأنا ماقول يآخذ سلفيه 500 ألف وإلا مليون عشان سياره وإلا سفرات ..
ممكـن يآخذ السياره أقساط ، وبس والباقي يعتمد على مبدأ الإدخار ..
عاد تعال حصل شباب هالوقت ممكـن يفكر يجمع وينطر سنه ورا سنه عشان ياخذ اللي يبيه
تبي الصج انا حاط هذي الخطه وبدت فيها الحمدلله وانا طالب ادرس والله يسهل علينا (:
نعم يقدر
لي صديقة زوجها ما سحب ولا ريال للعرس ماشاءالله تبارك الرحمن
كان اعتقد من النوع اللي اذا سافروا معسكر ماعرف سيسمونه يطلع له مبلغ
كان يخشه لي ما قدر يسوي عرسه بدون اقساط وماشاءالله العرس كان على مستوى
نعم نقدر نسوي اللي نبيه لو قدرنا نفكر قبل ما نصرف
طبعا موضوع البيت هذا لازم تسحب لك مبلغ بسيط بجانب المبلغ المدخر
والله يوفق الجميع
إياك أن تدل الناس إلى الله ثم تفقد أنت الطريق . .
وأستعذ بالله دائماً أن تكون جسراً يعبر به إلى الجنة ثم يُلقى به في النار . .
بتقدر ... لكن بالبطيء
قد جات فرص وراحت وانت توك اتجمع واللي عندك ما يسد لاقتناص هالفرص !
وقد وأنت تجمع بالامكان مع المديونيات المقننة يكون لك مصدر دخل واحد أو أكثر
وبديت تكون ثروة في عمر اصغر وبطاقة وبصحة أحسن !
الايام محسوبة من عمر الانسان
وخير الاعمال بواكيرها
جان الفرص وراحت والناس ضيعت الفرص والسبب عشان تستانس الله كريم
كان لي صديق الله يغفر له مش مقتنع بمشروعيه القرض من البنوك الاسلاميه ،، يقول مهما تغيرت المسميات فهو ربا
اقول له ياخي مشايخ كبار حللو قروض البنوك الاسلاميه و ناس متخصص دينيا و علميا في هذا المجال .
المشكله انه ماتنصرف له ارض حكومه ،، يعني قرض بدون ارض و الاراضي بملايين و فرص كثيره اتيحت له فيها مكاسب ماديه كبيره و رفضها .
طيب فهمني شلون و كيف راح تجمع مثلا مليومين تشتري ارض ؟ كم سنه بتحتاج ؟
السياره و العرس امرهم يهون ،، لكن شي يحتاج مبلغ كبير كيف تتصرف معاه !
سياسه التوفقر سياسه حكيمه ولكن موضوع اني ما اخذ قرض هذي صعبه بصراحه
ولا انا ياعزيز مقتنع في اخذ القروض من البنوك واتحفظ على الاجابه
سياسه التوفير سياسه لا يتقنها الا قله قليله
وتذكرت كلام النفيسي يقول انه فالخليج لا يملك الكاش الا من هم دون 70 سنه
هي ادارة اموال اخوي
حتى لو اضطريت للاقتراض .. كلنا اضطرينا للاقتراض في بداية حياتنا الزوجيه لأن الاسعار مبالغ فيها و حنا آنذاك مارضينا بالقليل و بنت الناس لازم نعزها مثل ماعزها ابوها .
لكن بالنهايه انت تختار قسطك الشهري و مصاريفك و التزاماتك و تعيش من الباقي و تتكيف مع هذا الوضع و تقدر تجتهد و تجمع و تسدد تسديد مبكر و تشتغل بالتجاره شوي يكون لك مدخول آخر و تضارب بالاسهم .
حنا كل شي سويناه من ناحية اسهم من ناحية عقارات او من ناحية اي تجاره انت تحس انك تبدع فيها و سبحان الله اذا سعيت و اجتهدت الله يرزقك و يعطيك على قد نيتك ولا بتحس انك مقترض بالمقابل .
اللي احب اقوله ان القرض شر لا بد منه الا اذا كنت وارث ملايين من شيبتنا ذاك الوقت يختلف الوضع و تختلف الظروف .
تحياتي من البلكونه
الله يبارك له يارب
الواحد يعلم نفسه ويربي نفسه على فهم الحياة
الحياة مب لعب وناسه ومصخره ( هذا تفكير البعض الله يصلح حالهم )
طيب وش ناوي تسوي ... انت صح و انت خارج من الشك بنسه 100% اتفق معاك في هالشي .
احسب حساباتك و خططك المستقبليه بشكل صحيح و مدروس بواقعيه من الان الى ان شاءالله تكون في بيتك الملك و اولادك صغار يلعبون حولك .
ضوابط المشاركة
رد مع اقتباس
