وعليكم السلام ورحمه الله وبركاته
مرحبا اخوي بريق ..
في اعلان قبل فتره كان موجود في الشوارع .. مكتوب فيه ( لاتشتر فرحه اليوم بهم الغد ) .. هالمقولة لو تتامل فيها شوي .. اهي الحل لكل مشاكل الشباب .. من ضعف نفس تجاه المغريات من سيارات وسفرات ورفاهيات وكماليات ومظاهر واسراف وتبذير .. وجواب سؤالك / نعم تقدر اذا :
قدرت تضبط نفسك .. وتحدد اولوياتك .. وتعيد النظر بـ ( اسلوب وطريقة حياتك وصرفياتك ) .. وتختار الهدف الرئيسي اللي تبي توصل له .. وعن طريق هالهدف تتفرع منه اهداف صغيره زمنيه سواء شهريه او سنوية .. وتبدا تخطط لاستراتيجيه معينه وفق حجم ومده الوصول الى الهدف الرئيسي .. والاستراتيجيه بتكون مبنيه على نظام التوفير .. وبالاخير بتقدر توصل لأي هدف بدون الاستعانه بالبنك .
شخصيا ..والحمدلله الى الآن ما لجأت ابدا للبنك في اي مشروع من المشاريع اللي قمت فيها .. اضغط على نفسي واحدد اولوياتي وارسم الخطه والاستراتيجيه حتى ولو كانت على حساب رفاهيتي .. يقولك ( التعب يجلب الراحه والراحه تجلب التعب ).. واسأل الله ان لايحوجنا الى البنوك والديون .
سبحانك اللهم وبحمدك اشهد ان لا اله الا انت استغفرك واتوب اليك.
اذا الراتب فوق الـ 40 الف ريال بتقدر اتجمع على الاقل 20 الف ، ودام ماعليك مسؤوليات حاول اتجمع شهر 25 الف وشهر 30 الف
وعندك قروض الدوام اللي بدون فايده وتنتهي خلال 3 سنوات ولا 5 سنوات ويصير تاخذها مره ثانيه لاتفرط فيها ، وبدلات السفر والاثاث ووووو كلهم قطهم فالتوفير وبتشوف نفسك خلال سنتين ولا 3 جمعت مبلغ
انا اشوف الشباب المديونين قاموا يتاجرون بالارقام والسيارات الرخيصة ويبتكرون طرق اتعيشهم لين اخر الشهر ، الله يفك دينهم انشالله
انا صراحة من المتحفظين على قروض البنوك الاسلاميه ومع من يشكك بمشروعيتها اذكر مره بنك الدولي الاسلامي اخذ علي مايقارب 40 الف ريال فائدة في مبلغ 150 الف ولكن لنتكلم بالعقل فالحياة غاليه جداً فاذا اراد الشخص الزواج مبكر قبل ال 27 او 30 فلابد ان يلجأ الى القروض وهي ليست بمشكلة ما دام المقترض قادر على السداد الاشكالية الي يقترض ويواجه عجز في التسديد هنا نقول راجع حساباتك
الادخار شئ جيد ولكن الى متى وما هي قوته الشرائية بعد مايتجمع مثلا جمعت من اليوم والى 5 سنوات قدام مثلاً 400 او 500 الف ماهي قيمته في السوق في الواقع لاشئ
المشكله ان في جيل تخرج واشتغل على رواتب عاليه جداً جداً ف صارو مب عارفين قيمة الفلوس ف يدهم
ابهاتنا وامهاتنا عاشو على رواتب ماتتعدى 10,000 صح؟
وكانو يوفرون منها للمستقبل اللي هيئوه لنا وكانو عايشين احسن عيشه
مانبي نبالغ ونقول انهم مامرو بظروف صعبه بس عالاقل كان في وعي لقيمة الماده في يدهم
الحين الشباب نفسه نفس التفكير اول مايشتغل بيسحب سلفة بيطلع سياره وعقبها سلفة حق سفره وعقبها سلفه حق مادري شنو وهكذا
حد منهم فكر يفتح حساب توفير يحول له كل شهر مبلغ وقدره من راتبه ولا حتى يطلع بطاقة صراف الي عشان يستصعب السحب؟ هل في واحد بيحط فلوسه ف توفير وبينساها وبيهيىء نفسه ان يعيش على راتب 15,000 ف الشهر اذا مب اقل
حتى لو اضطر في يوم انه ياخذ قرض وهالشي ضروري ف معظم الاحيان لان في مبالغ بيدفعها في استثمارات في بداية حياته بتنفعه بعدين ف فالبدايه بياخذ سلفة حق ارض؟ بيت؟ وعقب سنين بيستفيد منه
جذي هو استثمر هالمبلغ الي خذه ف اكثر من شي على مر الزمن ومنه فايده
بيفكر بدل مايسحب سلفة حق سفره وياخذون عليه فوايد انه يوفر من راتبه كل شهر مبلغ عشان وقت بيسافر يكون عنده كاش؟
حتى حق سياره دامه مب مستعجل ليش يسحب سلفة بنص مليون عشان ياخذ سياره وهو يقدر بدل مايسحب نص مليون وتطلع فوايدها دبل ياخذ بميتين الف وتطلع الفوايد اقل خاصة وهو مب مستعجل عالسياره
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
كل شي له حل