الاستهتار وعدم المبالاة

[مروج قطر]

نرجوا من الجميع المشاركة بطرح مجموعة من المواقف التي تحدث يوميا على سبيل المثال:
- موظف عدم مبالي بتعطيل مصالح الناس .
- سائق مستهتر بروحه وأرواح الآخرين .
يرجى الطرح......ليتم التعليق على المواضيع المطروحة وشكرا.
اسمحوا لي بان إبداء بالموضوع....
كنت ذاهب لدفع فواتير الهاتف عن طريق جهاز الدفع الخاص باوريدو والمخصص للسيارات عند أحد المجمعات الغذائيه واذا بأحد السائقين المستهترين قد أوقف سيارته امام الجهاز بمكان غير مخصص للوقف اصلا وذهب للتبضع فل ننظر من خلال استهتارة منع كم شخص من دفع فواتيره نرجوا مناقشه الموضوع وطرح مواقف مشابهه للتعليق عليها ودمتم طيبين....

[Rider]

والله موضوعك مميز بس ياخوي يرفع الضغط وحنا مب ناقصين من هؤلاء الاشخاص الي شايف انه مالك الكون ومن حقه يسوي اي شي يبغيه
عندي موقف بسيط وحد للاسف الفجر وحنا طالعين من المسجد دائما يوقف سيارته في الشارع وشارع واحد رايح جاي وداخل يصلي وكل يوم على هالحاله وللعلم المواقف فاضيه عند المسجد وللاسف عسكري ورتبه رتفع ضغطي

[نوفا91]

والله موضوعك مميز بس ياخوي يرفع الضغط وحنا مب ناقصين من هؤلاء الاشخاص الي شايف انه مالك الكون ومن حقه يسوي اي شي يبغيه
عندي موقف بسيط وحد للاسف الفجر وحنا طالعين من المسجد دائما يوقف سيارته في الشارع وشارع واحد رايح جاي وداخل يصلي وكل يوم على هالحاله وللعلم المواقف فاضيه عند المسجد وللاسف عسكري ورتبه ترفع ضغطي

شدعوه عاد كل يوم مللل ،، انزين كلموه لان مب حاله يسكر ع الكل

[Rider]

شدعوه عاد كل يوم مللل ،، انزين كلموه لان مب حاله يسكر ع الكل

والله ياختي مب ياهل علشان نكلمه عسكري ورتبه المفروض يعرف الي يسويه غلط

[نوفا91]

والله ياختي مب ياهل علشان نكلمه عسكري ورتبه المفروض يعرف الي يسويه غلط

اخوي ياليت بس اليهال اللي يغلطون ، فلا تحكم على عمره او منصبه !
يعني لو حد كلمه باسلوب ، ماعتقد بيعاند وبيسكر على الكل خصوصا مب واحد اللي متضرر من حركته

[Rider]

اخوي ياليت بس اليهال اللي يغلطون ، فلا تحكم على عمره او منصبه !
يعني لو حد كلمه باسلوب ، ماعتقد بيعاند وبيسكر على الكل خصوصا مب واحد اللي متضرر من حركته

بحاول اكلمه ولا بشوف حد من كبار السن في المسجد يكلمه
على العموم كتبي موقف يرفع الضغطج

[حسن]

والله انا صادني موقف من شوي في البيئه قلت لهم ابي تصريح قالولي الكمبيوتر سكر


يعني المنطقه فول
قلت يااخي انا راعي المنطقه كل مخيم عن الثاني 10 كليلو من السعه وين صارت فول
قالي مالك الى البرج


قلت على العموم انا حطيت مخيمي وبعدين بامورهم اخذ التصريح
بسعه تو الناس باقي 6 شهور
والركاده زينه

[أين الحل ؟]

انا كنت بالسيارة وهرنت على راعي سوبر ماركت تأخر وخذ له حوالي نص ساعه لين جاني
فعلا قمة اللامبالاة في العمل .

[المحقق كونان]

انا رحت الصيدلية اخر الليل وكل المحلات مسكره الا الصيدلية والمواقف كلها فاضيه وطلعت من الصيدلية الأ احصل واحد شامي صاف ورأي ركبت سيارتي ودقيت له رهن وطلع وقال انتظر ... قلت له مانتظرك والدولة ماقصرت وفرت مواقف وايد والحين المواقف فاضيه ليش ماتوقف فالموقف ماتعرف توقف .. قال انت ليش معصب وقطعت كلامه وقلت يلا اطلع ولا تكثر كلام و طلع

[ya3coub]

أخوي الموقف الي عشته ولا ازال مقهور و فيني غصه

الي ما انساه و ليلحين احاول اعدل فيه

موظفين بقسم معادلة الشهادات الله يهديهم و يفك الناس من شرهم او شر امثالهم

علشان يرتاحون من الأسئلة الدقيقه او طلبات الخطابات الرسمية يقولونلك روح ادرس و تعال بنعادلك اياها و ترا الجامعه معروفه و موجودة عاللسته قوة و حالها حال المدينة التعليمية فرع للأم !!

يعطونك الوعود الكاذبه للدراسة و اخر شي لما ترجع بعد عناء و غربه سنة لتكتشف انه شهادتك تعادل لغير القطري الي درس معاك خلال عشر دقايق و شهادتك تاخذ 3 شهور و ترجع بالرفض بحكم انك ما درست بالجامعه الأم و ما عندك كتاب رسمي بهالشي !!!!

و السبب موظف مو فاضي يتأكد من القانون, او يبين انه القانون اصلن فيه تناقض, و بعدها المسؤولية تروح لشخص ثاني