هل يحق للأخ ضرب اخته؟؟

[لبيبة]

جزاج الله خير ..وانا ما قلت الاصل الضرب و عدمه استثناء .. بالعكس أوافقج .. بس كان تعليقي مجرد توضيح انه لا يحصر في حاله واحده ..

وهذا لا يعني اننا نوسع دائرة صلاحيات الضرب .. بل نتقيد بما اباحه لنا الشرع ..

مع التحية ..

اتفق معك، التقييد أولى

وجزاك الله من الخير بمثله

[عثرة جواد]

انزين لو ضربها وهي غلطلنه غلط كبير وشتكت عليه

شنو الي بيصير؟؟؟؟؟

[Super Cool]

الأخ اللي يمد يده على اخته خصوصاً اللي أبوها عايش
أولاً مب رجال
ثانياً عاد اخته بهيمة "تمشي بالعصى و بس"
ثالثاً قليل حيلة ما عنده لسان

[حسن]

مايسير يضربها وبس

زمان اول مهب الحين

[فيصل99]

الي يمد يده ويعتدي بالضرب على المرأة سواءاً كانت اخت ولا زوجة ولا إبنة هذا مب رجال
ويستثى من ذلك ضرب التوبيخ والتأنيب الي يترك اثر نفسي فقط لتوضيح الغلط مثل ماكان النبي صلى الله عليه وسلم يضرب عائشة بالمسواك للتنبيه وإظهار الغضب
لو طبقنا هدي الرسول في علاج المشكلات كان إحنا بخير
وماضرب نبينا أحدا بيده قط إلا أن يجاهد في سبيل الله

[خوي الدرب]

يهبي ماهو برجّال
الأخ يضرب أخته !!!
أجل من عادها بتشد به الظهر ؟
ما يمد الرجل يده على أخته إلا ليقينه أنه أقل من الرجال وأخس وأدنى

[العلياا]

لا مو من حقه

[مشـــــاعر]

.


ماشاء الله تبارك الله . .
معقولة كلكم مثاليين محد يمدّ يدّهـ ؟؟
الجريء يعترف ويقول إنه ضرب إخته لسبب ........ !!

عن نفسي لو تقوم الدنيا أخوي مايمد يدهـ وأبوي موجود . .
وأبوي شيبة عمره 65 عمره مامد يدهـ على حد فالبيت . .

[يمامـة]

انزين لو ضربها وهي غلطلنه غلط كبير وشتكت عليه

شنو الي بيصير؟؟؟؟؟

ينسجن او يكتب تعهد بعدم الاقتراب منها..

لكن البيوت اللي تحسن التربية يكون ضرب الاخ للاخت مب مثل شرب الماي
يكون لامور جايدة مررررررة( انتبه لكلمة مرة) حزتها تستحي تروح تشتكي عليه..

[الجـــوديّ]

اعتقد انا تطورنا عن هالاساليب ...

خله يضرب ... وحلاتها عاد تفشله وتروح دور الإيواء اللي مشرعة بيبانها ويكتبونه تعهد ما يزخها مرة ثانية!




الاحتواء ثم الاحتواء ثم الاحتواء ... لابنت تنضرب على خطأ .. ولا ولي أمر يسوّد وجهه.