ابي آمي وأبوي يعتذرون .، صح او غلط !؟

[لبيبة]

ليش ما يعتذرون !!!

بالعكس الاعتذار وقت الخطاء يطيب الخاطر ويزيد الثقه بنفوسهم ويعلمهم ان الخطآء وارد ومحد معصوم إلا الانبياء

وفي المقابل الاب والام بيكون درس لهم علشان ما يظلمون او يتسرعون بالحكم

إذا كان من خاطرهم يعتذرون، ما فيها شي،

لكن تقولين درس لهم! مستحيل افكر بهالطريقة واقول احسن خل ابوي وامي يتعلمون درس ويتوبون ما يغلطون علي مرة ثانية!!! استغفر الله العظيم

والله حتى لو هم غلطوا وانا ظنيت انهم غلطوا، انا اللي اعتذر منهم وانا الغلطانة مب هم، الله يغفر لهم

[بصمة قطرية]

إذا وعدت عيالي بشي و ما سويته لأي سبب كان
أعتذر لهم ..
ما فيها شي الإعتذار ثقافة راقية ..

[قوت القلوب]

المصيبة لما انت اتسوي مصيبة وتجبر والدينك يعتذرون حق الغير بسبب طيشك

[العقل المدمر]

فكرت فيها واحترت
حلو الام والابو يعتذرون حق عيالهم وهم صغار
عشان يزرعون فيهم قيمة الاعتذار عند الخطأ
بس بعد فيه احتمال ان عيالهم يكبر راسهم
ويصيرون عقب يطالبون باعتذار اهلهم
طبعا الاعتذار مب شرط يجون يقولون والله احنا اسفين
في طرق ثانية غير مباشرة مثل طلعة او هدية او كلمة حلوة
في النهاية ترى للصغار على الكبار حق
وصح محد يحاسب والدينه لكن اكيد الوالدين محاسبين لو غلطوا عند الله

[يمامـة]

ليش ما يعتذرون !!!

بالعكس الاعتذار وقت الخطاء يطيب الخاطر ويزيد الثقه بنفوسهم ويعلمهم ان الخطآء وارد ومحد معصوم إلا الانبياء

وفي المقابل الاب والام بيكون درس لهم علشان ما يظلمون او يتسرعون بالحكم

تدرين ان من برج بوالدينج انج تنظرين لهم نظرة شفقة ورحمة
فتخيلي شنهي التسمية المناسبة لو فكرتي ان يحتاجون ياخذون درس من عيالهم؟

[يمامـة]

إذا كان من خاطرهم يعتذرون، ما فيها شي،

لكن تقولين درس لهم! مستحيل افكر بهالطريقة واقول احسن خل ابوي وامي يتعلمون درس ويتوبون ما يغلطون علي مرة ثانية!!! استغفر الله العظيم

والله حتى لو هم غلطوا وانا ظنيت انهم غلطوا، انا اللي اعتذر منهم وانا الغلطانة مب هم، الله يغفر لهم

كلامج صحيح يا صديقتي فتاة البراري.. من الخطأ بحق انفسنا قبل والديننا ان نعمل على فكرة
تعليمهم الدروس....

[بنت مريخ]

اذا غلطت اعتذر
احس من كمال الاخلاق والتربيه الصح
امي الله يعطيها الصحه والعافيه ويرجعها بسلامه
نفسها طيبه اذا غلطت علي تقولي سامحيني يا بنتي
ولدي اعلمه الاعتذار في الغلط

[الجـــوديّ]

أمي وأبوي يعتذرون لي !

المفروض اقدر كل شي يسوونه .. وأموت ولا أسمع كلمة اعتذار اللي في حقيقتها انكسار لهم .. هذا في الوضع الطبيعي.



أما جيل الحين ... الاعتذار بيكون في أمور تستوجب المسامحة في أمور كبيرة جدا الله يحاسب عليها مثل الوفاء بالعهد والوعد
وأكيد أن الأم والأب كل تصرفاتهم تصب في صالح الابناء وهم مش مطلوب منهم يبررون افعالهم اللي ما تعجب عيالهم.

الاعتذار خلق رفيع جداً .. لكن لازم ينحسب حسابه في التعامل مع الابناء.

[توشيبا]

لو ابوي وامي اغلطو في حقي ويعتذرون والله ماتقبلها الا انزل ابوس رجولهم واقول انا الغلطان مب انتم واعتذر لهم

[أخت الكل]

إذا كان من خاطرهم يعتذرون، ما فيها شي،

لكن تقولين درس لهم! مستحيل افكر بهالطريقة واقول احسن خل ابوي وامي يتعلمون درس ويتوبون ما يغلطون علي مرة ثانية!!! استغفر الله العظيم

والله حتى لو هم غلطوا وانا ظنيت انهم غلطوا، انا اللي اعتذر منهم وانا الغلطانة مب هم، الله يغفر لهم

حبيت عاطفية ردك وانا كنت اتكلم بشكل عام اخاطب فيه الام والاب

الانسان طول عمره يتعلم حتي لو من خلال تجربة مع من هم اصغر منه

وانا عن نفسي احب اعتذر وبشكل مباشر واحب اناقش الموقف اللي اوجب اعتذاري وما احب الاعتذار بطرق غير مباشرة

لان مثل هالمواقف اللي توجب اعتذار البالغين هي اللي تربي الاطفال وتزيد من وعيهم وتعزز الثقة في نفوسهم وبعدين هذا حق من حقوقهم سواء كان الاعتذار بسبب وعد اخلفته او موقف فهمته خطاء او تسرعي بحكم او غيرة من الاخطاء اللي توجب اعتذاري وكل هالامور لازم تتم بجلسه حواريه بيني وبينهم

وبنفس الوقت اعتذاري منهم راح يكون درس لي يخليني مستقبلا اقلل من من اخطائي لكن بالنسبه لهم وكيف هم راح يتعاملون مع اعتذاري هذا الجانب انا ما تطرقت له في ردي السابق