ليش انت عنصري؟

[المحاميه]

السلام عليكم ورحمة الله وبركاته


ليش اذا جاك فلان بدون لاتعرف اسمه في خدمه او معامله او غيرها سواء بطريقه قانونيه او غير قانونيه ما تعيره اهتمام ولا انتباه ويمكن ما تخدمه ولا تخلص موضوعه ؟!!

وحتى اذا مجرد كلام او سوالف يمكن ماتعطيه ويه او اهميه !!

بس الموضوع يتغير اذا عرفت اسمه .. يعني اذا عرفت ان هالشخص ولد فلان او يرجع للقبيله الفلانيه تبادره بالاهتمام وتكلمه بطريقه ثانيه وتحاول تخلص موضوعه وماتعطله ( ليس لشخصه وإنما لكونه ينتمي للقبيله الفلانيه )

هل هالنعصريه موجوده عندك؟
هل تعامل خلق الله اللي حولك بالمثل ولا تفرق؟
هل تبدي فلان على فلان؟

رجاء قبل لاتجاوب فكر وتذكر المواقف والناس اللي مرت عليك وعقب احكم وجاوب

هل احنا مجتمعنا مجتمع قبلي؟ هل ما زالت تطاردنا أفكار الجاهليه؟ ولا الناس بالفعل عندنا سواسيه ونطبق ما جاء في صلب الدستور؟

هل معارفك مقصوره على عيال فلان؟

كيف نتغلب على هالمشكله اذا كانت بالفعل موجوده خصوصاً إن دينا ما يشجع على هالتفرقه والعنصريه؟


اتمنى موضوعي يكون قابل للنقاش وما يكون مخالف لضوابط وأنظمة المنتدى

[ودي أكون]

خدماتي للكل متساويه .. يمكن بعض المرات يكون في تركيز على شخص معين .. ولكن لا علاقه للاسم ب هالشيء

يعني مثلاً هالانسانه تقرب لـ ناس اعرفهم .. او محترمه فتعاملها .. او كبيره فالسن .. الخ

اما الاسم والمال والشهاده .. مالها اهتمام او تركيز عندي

والله اعلى واعلم والله المستعان

[بومحمد المطاوعه]

هاي طال عمرج

الجهل ومايسوي

والعنصريات الخايسه في المجتمع والي نعاني منها

لو كل واحد يشتغل بذمه وضمير
بتشوفين الكل يمشي صح

اما فلان تعال انا عندي واسطه روح حق هالفلان وقوله من طرف فلان وبتمشي
حتى لو موضوعه قانونيآ واقف

يمشي بس لان فلان الفلاني مطرشه

انا ضد هالأشياء ولكن في بعض الاشياء نحتاجها ان نكلم فلان
وعلان

تدرين ليش لان انا ادري ان الموضوع يمشي ولكن نحاسه فلان او بالاصح هالفلان مايقعد ف مكتبه
علشان الواحد يواجهه ويكلمه

يا ضرب شيشه فالشيشه او طالع ورايح مطعم بيروت

الله المستعان

[OREO]

ليش انت عنصري؟

شخصياً اكره الصفات اللي ذكرتيها وفعلاً عندنا ناس للأسف تلعب على القبلية او اللون او العرق او او او .. فهذول زوالهم قريب ان شاءالله لانهم مخالفين للاسلام..

[راجي الْعفو]

وعليك و رحمة الله ..

الميل للقريب قبيلة و جنسية وغير ذلك امر طبيعي ..

بس انها توصل لهضم الحقوق و الظلم و ... الخ ، فهذا مرفوض..

بل كلن ياخذ حقه اللي يستاهله وفق القوانين الموجودة و من غير تفرقة ..

مع التحية ..

[حمد 2002]

المحاميه ابسالج لو جات اختج وتبي تخلص معامله بتعاملينها بطريقه قانونيه وبتخلينها اتصف طابور حالها حال الناس ؟!

طبعا لا واتحداج ..


هاذي حال الدنيا طال عمرج ..

[أين الحل ؟]

العنصرية هي فطرة من فطرة الانسان .
انت الان من القبيلة الفلانية وجاك شخص ما تعرفة ولكن من نفس القبيلة
هل راح تعامله رسمي ؟ وتذكر مقولة ( الى ما فيه خير في هله ما فيه خير في الناس ) .

[يمامـة]

كيفي

اعتقد مثل ما قالت جنون الكيف هو اللي يكون حاضر مب العنصرية..

العنصرية ان يتم تعطيل معاملة شخص مستحق لانه مب القبيلة الفلانية
اما تسيير امور فلان بن علان هذا يندرج تحت مسمى الكيف اللي يحب يميز مب يتعنصر..

[يمامـة]

المحاميه ابسالج لو جات اختج وتبي تخلص معامله بتعاملينها بطريقه قانونيه وبتخلينها اتصف طابور حالها حال الناس ؟!

طبعا لا واتحداج ..


هاذي حال الدنيا طال عمرج ..

حمد اختي كانت تخلينا نصف في الطوابير لكن صديقاتها هم اللي كانوا يمشوننا

فلا تقول مستحيل لان كل اخواني صاروا يتصلون على الموظفات اللي معاها بدل ما يتصلون لها
فاهم يتجاوبون معانا اكثر من اختنا اللي من لحمنا وشحمنا...

[snood]

صحيح هي فطرة بس قضى عليها الاسلام كما ربنا وتعالى= وجعلناكم شعوباوقبائل لتعارفوا = ما قال لتعصبوا وتتكبروا