هذا قانون اميري
يجب نحترم القانون الموضوع
وعدم التلاعب في اسعار الفواتير
البعض يتلاعب ف الفواتير
يشتري بضاعه ب 40 ألف مثلآ
ويحط سعر الفاتوره 15 ألف
..!
المثمن يثمن البضاعه بعض الاحيان اعلى من سعرها الأصلي
يتحسف التاجر بالتلاعب
مالي ومال ام المخلص ادفع له
ليش مايدفعون له راتب شهري ؟
واحد من الربع في الكويت ارسل لي اغراض ودفع كل الرسوم
وصلت واحجزوها في المطار وبهدلوني الجمارك صراحة
المفروض الجمارك بعد مايخلصون شغلهم يرسلون اغراضنا للبريد
مالي شغل اجي للمطار واقدم طلب واخذ مخلص وسالفة مالي اصلاً شغل فيها
ارتقوا فإن القاع مزدحم
من غير ما ادخل على صفحتهم
كانت مسيره ومسهله لنا إننا نسويها لكن الحمدلله مستحيل بإذن الله أسويها ..الله يحد بيننا وبين الحرام
لكن بالمقابل مو حرام إلي يصير خصوصا إذا كان الشي شخصي وأتمنى فعلا التسهيل عالناس في هذا المجال ما أحس من حقهم ياخذون فلوس عالناس وطلباتهم سوا بقطر أو بغيرها لأنها شخصية مو للتجاره والربح
يكفي إلي يصير هنا مو بضايع مضروبه وأسعار نااار مقابلها
جزاك الله خير
انزين الحين توني مستلم اغراض جديده من النت سعرها تقريبا 2000 ريال وماطلبو 10 ريال مع ان الشحنه اللي قبلها اللي وصلتني قبل يومين سعرها 780 ودافع 10 ريال !!!! ليش وعلى اي اساس ؟؟
يالغالي
شرايك تجي اليوم واعطيك شغله المخلص تطلع اغراضك
وتروح تدفع وتروح تطلع اغراضك من الشحن
وبعدين تقدر تستقبل اغراضك من شركات الشحن لو تبي تقعد فالبيت
مثل شركات الشحن فيديكس وارامكس ودي اتش ال
والبريد الممتاز تروح مبناهم او يرسلونها لك
اما لو وارد عادي انت تروح الشحن الجوي وتستلم اغراضك
والمخلص الجمركي مخول للتخليص
في كل جهه حكوميه فيها تخليص مب بس الجمارك
أخوي بو محمد شكلك ملم بالموضوع بنائا على ردودك
يمكن كجهة عمل و انت ادرى من الداخل
اتفق مع أخوي Ra7al بكل كلمة قالها و الكثير من الشباب و الشابات الي يشترون من برع قطر يتفقون معانا بهالنقطة
القانون واضح وضوح الشمس ولكن ألية التنفيذ و التدخل و عدم الشفافية اهي الي تخلينا نعاتب و خبرة بدول ثانية ايضا الي عليهم جمارك و تتحاشاها بالرشاوي للأسف.
مشكلة الأغلب و اعتراضهم على إلزام التعامل مع المخلصين بدون رسوم مقررة كل مخلص يعطي سعر. و لأول مرة اعرف انه 80 ريال
يبالفيت اتشاطر معاهم 150 ريال و مرات توصل إلى الــ1500 ريال و اشتكيت اكثر من مرة و رد الأخوان شوف غيره اذا مو عاجبك سعره
و لما طلبت اعرف منهم كأهل خبره كم المتوسط ردهم كان احنا ما نقدر انقولك الرانج حق اسعارهم
الميناء اسوء و أسوء بكثير من المطار. بحيث كل واحد يحاول ياخذ منك فلوس حتى بعد ما تتفق معاهم على سعر معين يطلبون دبل او ما تاخذ بضاعتك. نصب السيارة الي تطلع الأغراض و رسومها ليش ما ادخل بسيارتي و اطلعهم!!!!
وبما اني بروح اعطيه بطاقتي الشخصية و ارجع اروح اخذ الأغراض و المفتش يتصل فيني علشان الأغراض الشخصية الي موجودة و مرات اروح اشوفهم غير التأخير.
نقدر كمواطنين نقوم بهالعمل و راضين بالــ10 ريال رسوم بيان جمركي او اي ما يسمى بشرط انه تكون الية منظمة تجي تعطي بطاقتك تدفع الرسوم و عندك اغراضك فالمكان الفلاني تستلمها و بس و للعمال اكرامية منك مو مجبور عليها.
التعديل الأخير تم بواسطة ya3coub ; 12-11-2014 الساعة 01:48 PM