اللي ياكل حقــــــوق الناس
صور كثيرة تمر علينا .. نتعرض لها .. أو نسمع عنها
مقاول .. سحب فلوس من راعي البيت اللي يبني له .. و بسوي لك .. و ارقد و آمن .. و كل شي ماشي لا تحاتي .. و إن شاء الله كل شي بيخلص على الوقت
و تمر الأسابيع و الشهور و حتى السنين .. و النتيجة .. للحين مافي شي .. الفلوس راحت .. و البيت صار قديم .. و هو للحين ما انسكن
موظف .. في منصب حساس .. ياخذ و ياخذ و ياخذ .. من غير وجه حق .. يضبط حساباته .. و يجتهد في ذلك .. محد يقدر يمسك عليه شي
شخص .. أكل حق الورثة .. بالاستعانة بأوراق مزورة .. و شهود الزور .. و تركهم في معاناتهم .. و لا افتكر فيهــــــم
الأمثلة قدامنا كثيرة .. نعيشها يومياً على أرض الواقع
الظلم و أكل الحقوق بالباطل ..
أنا ضحكت عليك .. و خذت فلوسك .. و إذا لك حق .. قدامك المحاكم .. و دورني لين تاخذ حقك
يدبر و يخطط و يرســـــم .. و يفرح إن محد يقدر يمسك عليه ممســـــك .. و يعيش حياته بالطول و العرض
و يمكرون و يمكر الله .. و الله خير الماكرين
و يبقى السؤال :
شلون تقدر تحط راسك و تنام ؟؟
انت ضامن تقوم من نومتك ؟؟
استعديت للحساب ؟؟
أمورك الحين ماشية تمام .. و قدرت تخدع الناس
لكن تذكر :
كل شي مسجل عليك
و الظلم اللي ظلمته للناس .. بينقلب عليك ظلمات يوم القيامة
تذكر :
أن دعوة المظلوم .. ليس بينها و بين الله حجاب
و أن سهــــــام الليل .. لا تخطـــــــئ
لو فكرت بهالشي لحظة .. لحظة بس ..
ما اعتقد إنك بتقدر تحط راسك .. و تنــــــــــام