نريد حلا مع شرطي المرور

[العنيده]

حط تنوين الله يهداك !

عبالي تبي حلا الترك تغني مع الشرطه يااااااااليل مطولك

ههههههههههههههههههه
ان مع ان نبي حل مع المرور حق التجاوز من اليمين لان كثر وصار ينرفز
بس الموضوع الثاني نحتاج شرح اكثر

[حسن]

سوف يستمر التجاوز الى مالا نهايه دام كان التخطيط للشوارع سئ وعدم معرفه التخطيط بخطط الدوله رايحه وين
وكم عدد السكان في المستقبل وماهي المشاريع

عدد السكان بيوصل الى 5الى 6 مليون في 2030 هذا المتوقع

اعتدقت طور طرق المواصلات ومنها الريل بيكون علاج للكثير من مشكلات الطرق والزحمه
القطار هو الحل القادم

[jassas]

والله انك صادق يسوون زحمه ويسكرون الشوارع بدل مايخفون الزحمه

كم مره اصف طابور فوق نص ساعه اوصل المخرج مسكر وانا اقول ليش سبب الزحمه

طيب والحل ؟ مثال اذا المخرج على خط 22 فبراير مسكر بتكمل من فوق سيده لين اشارات الوعب تتفاجا بعد الطريق مسكر

يعني شسوي انا من وين اروح ؟ اطلع من البيت الساعه 6 اوصل الدوام الساعه 8 .. اذا مافيه طرق بديلة ليش تسكرون المخارج وتسوون ضغط على جميع الطرق

[حسن]

من زار بعض المدن العربية الكبيرة والمزدحمة مثل دمشق والقاهرة والرياض يعرف قيمة اقتراحك هذا

بالفعل تلاحظ عندهم تفاهم عجيب رغم الزحمة اللي تفوق زحمتنا بكثير!

صحيح ناس عقلاء يتصرفون وصودورهم وسيعه وكلن يفتح للثاني وماشي الطريق
احنا يطالعك بطرف عين وتشوف راسكه كانه ثور هايج مال الرسوم المتحركه

التسامح مش موجود عندنا زيرو

بالنسبه لي افتح للكثير واقوله روح يبا والله سندرونا التجاوز والتجاوز
مجتمعنا قبل غير والحين نفسي نفسي معاد تشوف التسامح زادت العصبيه
ومعاها الحالات النفسيه

[عطر فرنسي]

انا اشوف اكثر مكان فيه تجاوز لليمين اشارات الكورنيش الى توديك على مسرح قطر الوطني تجاوز غير طبيعي

[للصبر اخر]

حط تنوين الله يهداك !

عبالي تبي حلا الترك تغني مع الشرطه يااااااااليل مطولك

بخصوووصك همرر

[khaldoon]

مداخل ولا مخارج قصدك ؟

مداخل و مخارج يا الغالي...مرات تلاقي الشرطي يمنعك تدخل طريق الخدمات او السيرفيس الموازي للطريق الرئيسي و مرات كثيره تلاقيه مسكر المدخل او المخرج بنفسه او عن طريق حواجز اسمنتيه...على سبيل المثال عند اللولو

[khaldoon]

انا اشوف ان رجل المرور مع احترامي له ،، يرفع يده من الموضوع و يتركنا سائقين نتفاهم مع بعض افضل بكثير ،، تكون عندنا حريه في الارتجال و الابتكار و خلق حلول ماكانت في الحسبان .

والله يا الغالي بتصير فوضى و البقاء للاقوى و مين يقدر يحاشر و يناحس وما يخاف مع الدبابه اللي معاه و بروحوا فيها الصغار بين الرجلين ...لا نقدر نلغي الدور الكبير اللي يسويه شرطي المرور و الله يعطيه الصحه و العافيه خاصة مع جو الدوحه القاتل اغلب اوقات السنه.... احنا نبي الرحمة و التعاون من طرفه و عدم وضع الملتزمين و غير الملتزمين في كفة واحده و عدم دفعنا بطريقة غير مباشرة انه نخالف القانون و نصير نتجاوز لانه بصراحه الخسران الوحيد بس هو اللي التزم بالدور و وقف طول الوقت و بالاخسر لقي الطابور ملغي بعكس اللي ما ضيع الوقت في الطابور و شاف النتيحه من بدري

[khaldoon]

حط تنوين الله يهداك !

عبالي تبي حلا الترك تغني مع الشرطه يااااااااليل مطولك

يااااااااه فعلا معاك حق.... حتى و انا اقرأ الموضوع بعد ما كتبته بنفسي فكرت اني ابي حلا ترك ...معلش اعذرني يا الغالي كنت اكتب من الايباد...

لابد من انه يكون في حل جذري و حازم و نهائي وما نظل نقول ياليل ما اطولك و نستسلم للامر الواقع ,,,,اشكرك على مرورك الجميل

[khaldoon]

تفكيرك راح بعيد ليش؟


والصراحه قريت الموضوع بس مافهمت السالفه للأسف

ايش اللي ما فهمتيه بالزبط قوليلي و انا اوضح اكثر