إرساء عقود بـ 48 مليار ريال لتنفيذ مترو الدوحة

[حسن]

ولا راح تخف الزحمه قيد أنمله

تعرف الأنمله ولا ماتعرفها ؟

الأنمله هي المسافه بين السيارات في

شارع 6 اكتوبر تعرفه ولا ماتعرفه ؟


واذا خفت الزحمه اوعدك اكون اول واحد

يروح الدوام بسيكل !


واذا زادت الزحمه ابيك تركب تواير حق

الطراد وتروح فيه الدوام !

هاهاهاها

الله يقطع ابليسك ياهمر خليتني متخيل منظري وانا متلثم عن الهواء ومار على العالم بالطراد في الشارع

ليش لا نسوي مشروع الاتوبيس البحر ونسوي محطات مثل العبارات في دبي
الصراحه فكره مربحه

اسكت اليوم طلعت العصر الصراحه تصرقعت وش ساير
الشوارع شبك دوار المطافي مع دوار المخابرات واشارات الكورنيش
ووالشوارع الموازي

بل

لا يبا من بكره شال عليه البحر الى يوم السبت الله يجزيهم خير البيئه اللي اسمحولنا بالمخيمات
واقترح لو يخلونا دائمين احسن منها ماانسافر ومنها نظافه ومنها مراقبه امنيه ومنها بتخف العصبيه في الشوارع ودوام كامل للموظفين وانتاجيه في العمل
وش يبون بعد
ضربو عشره عصافير بحجر واحد

[بوحارب]

ننتظر المشروع بفارغ الصبر

[حسن]

ننتظر المشروع بفارغ الصبر

الله تخيل بوحارب انتواعد انا وانت في محطه البانهوف للمرخيه

شي جميل

تصدق عندي لين الحين جدول رحلات القطارات في العالم ال دي بي
مافي الا بوحارب مار علي في الار في وانا في الريقونل

فله وانت جايب دله كرك نتقهوا في القطار

[الدوحه1]

تكلفة بيتي خمسه مليون ريال وتكلفة بيتك عشره مليون ريال وكلهم بيوت

تكلفة فندق الرتزكالرتون 100مليون ريال وتكلفة فندق الانتركونتننتل 150مليون ريال وكلهم فنادق

تكلفة شارع الوعب 200مليون وتكلفة شارع 22فبراير700مليون.وكلهم شوارع

التكلفه تختلف من مشروع لمشروع حسب المساحه والحجم وغيرها من الامور السالفه مب كيلو طماط ولا كيس خبز عشان تقارن بين مشروعين في بلدين مختلفين بمساحات مختلفه واحد فوق الارض وواحد تحت الارض

افتتحت الصين مؤخرا اطول جسر بحري في العالم حيث يمتد الجسر بطول 36.48 كيلومتر ليربط الساحل الشرقي للصين بمقاطعة هوانغداو ,بمعنى ربط طرفي خليج جياوجو .

كلف بناء الجسر حوالي 2.3 مليار دولار(8.4 مليار ريال) و استغرق العمل فيه 4 سنوات.

تعليق:
يابلاش !! جسر بحري بطول 36 كم ب 8.4 مليار ريال بس!!!!

[همر]

افتتحت الصين مؤخرا اطول جسر بحري في العالم حيث يمتد الجسر بطول 36.48 كيلومتر ليربط الساحل الشرقي للصين بمقاطعة هوانغداو ,بمعنى ربط طرفي خليج جياوجو .

كلف بناء الجسر حوالي 2.3 مليار دولار(8.4 مليار ريال) و استغرق العمل فيه 4 سنوات.

تعليق:
يابلاش !! جسر بحري بطول 36 كم ب 8.4 مليار ريال بس!!!!

Made in china

[ya3coub]

بالتوفيق لهم يا رب

و ان شاء الله يكون في تعاون بينهم و بين الشركات المنفذه

و بين الناس و المجتمع و الأعمال الي تصير و عدم استباق الأمور او التقليل من اهمية او صعوبتها

و ان شاء الله لما يخلص يكون جزء لا يتجزأ من معالم قطر نفس قطارات لندن و المترو عندهم

اتوقع و ان ما خاب ظني احنا اول دولة بالخليج عندنا المترو.

و للي يقل عنه فوق الأرض على جسوب بإذن الله بيكون فوق الأرض و على مستوى الأرض و نسبى كبيرة منه تحت الأرض

عمل الجسور و السكك على مستوى الأرض يأثر على حركة السير و الحمد الله مثل ما تم بالإعلان فقط 5 محطات من اصل 36 الي بيكون فيهم تحويلات مرورية.

و مترو دبي على سهولته بس بعد مانت فيه مشاكل و مافي مشروع جديد بالمنطة ما يخلو من المشاكل. و ان شاء الله الريل بيتابعون كل الشركات المنفذه و يشاركون المشاكل تفاديا لتكرارها في حال حصولها.

[aloosh]

بناء على كلام اخوي اللي يقول الصين بنت جسر بطول 36 اوكي العماله عندهم بالهبل 2 مليار نسمه
احنا هل عندنا عماله محليه لو عندنا طلع المشروع اقل من التكلفه المعلنه

[حمد 2002]

عمار ياقطر ..