المشاركة الأصلية كتبت بواسطة غريب الدّار
قلتها قبل واكررها يااخوان ولحد يزعل من الصراحة :
الصانع هذا شبح أي حد يغلط في التحليل قام وحذف على الصانع بلاويه
يعني وبكل وضوح :
اللي يقول الصانع الغبي
واللي يقول لي لو رجال من ظهر رجال
هاذي بورصة ولا مدرسة اعدادية؟
سووها هوشة الربع وقعدوا
لا وياليتهم صح
غلط في غلط
1+1 = 2
مهب عيب اذا قال المحلل انه غلطان
بس لايقعد يقول الصانع عاندني والصانع مادري شفيه والصانع غبي
السوق محافظ وافراد
اما اللي يظن ان في شخص واحد ماشاء الله عنده تريليونات وكل يوم يومين ضاخ ملايين في السوق بس علشان يرفع الأسهم لعيونكم او يسكرها على دعومكم ومقاوماتكم فهذا انا اشوفه تصور طفولي بصراحة
اللي يقول كان في عروض بالملايين من كل يوم وقابلتها طلبات
طيب ياخي محافظ باعت ومحافظ اشترت
وين المشكلة؟
يعني الحين تبي تقول لي ان الصانع بو قلب حنون شاف السوق بينزل راح وشرا كل شي؟
أي تفكير هذا ؟؟؟؟؟؟
لازلت أقول :
الصانع مجرد شماعة يعلق عليها بعض المحللين اخطاءهم
وبعطيكم مثال :
شوفوا اخونا السامر الأسود مثلا
توقع الخروج ونبه له
شلون عرف؟؟؟؟ تحليل فني
وطبعا السامر وغيره اكيد يغلطون ويصيبون بس شدعوة كل ماخاب التحليل قالوا الصانع
اللي يقول الصانع مايعرف
واللي يترجى الصانع !!!
واللي يتحداه
خخخخخخخخخخخخخ
تتحداه على وشو اذا انت نفسك تفترض ان عنده مليارات المليارات ؟
لحد يعلق على الصانع
قولها بكل صراحة :
انا غلطان
وانتهينا
والله وبالله اني المحلل اللي يغلط ويعترف بغلطته انا اثق فيه اكثر من المحلل اللي يعاند ويضحك على غيره
ودام اني ذكرت السامر الأسود راح اذكر بعد شخصية بصراحة تحليل هادئ وواضح وبدون لف ودوران وفلسفة :
الأخت شذى الورد
يعني ماشاء الله عليها تحليل متزن بكل هدوء وضبط نفس ولا عمري قريت انها قالت صانع
(على فكرة ترى في واحد اسمه معن الصانع من ضمن قائمة اثرى اثرياء العرب)
ياجماعة السوق عرض وطلب
ناس تبيع
وناس تشتري
وناس تحلل
وناس تصيب
وناس تخطئ
وخلوا بودرياه في حاله
هذا رايي ويعذرني أي حد تضايق منه