طلع لي قرض من الاسكان ولكن ؟ ورطة

[وهم السنين]

السلام عليكم
انا طلع لي قرض من بنك التنميه مليون وميتين الف وبشتري بيت بقيمة ثلاثة ملايين ولمن كلمت مصرف الريان اسالهم عن قرض عقاري قالو مايصير لانه البيت بيكون مرهون للمصرف وشلون بنك التمنيه بيوافق؟
بعدين قلت لمصرف الريان باخذ قرض شخصي قالو لي مايصير تاخذين اكثر من مليون طبعا والسبب انه بنك التنميه بياخذون مني قسط شهري بقيمة 3000 وبسبب انه الراتب العلاوة الاجتماعيه خمسه وعشرين الف طيب والحل ؟؟؟؟؟ شلون بقدر اخذ البيت ؟؟؟؟ وانا عندي اربعمية الف تقريبا
واللي خذو من بنك التنميه وقرض عقاري من بنك اخر يفدني شسوى بالضبط

انتظر حلولكم واقتراحاتكم
ةة

[منابر خالده]

الله يرزقج ويوفقج

[khalid525]

الله يعينك دور بيت بسعر اقل

[وحيد-الشوق]

كثير من القطريين متورطين هذي الورطه

نتمنى يتغير هالقانون لأنه المليون 200 حدها استديو في قطر حتى ارض ماعاد في بهذا السعر شلون اشتري بيت بمليون و 200

[بوحارب]

وعليكم السلام

عندي لج حلين

الاول صعب
والثاني صعب جداً



الاول ادورين على فيلا بسعر اقل ومساحة اصغر

مثلا فيلا في ام قرن او الصخامة او ام العمد

مساحتها 450 سعرها بيكون من 2,1 الى 2,5 مليون

عندج القرض 1,2 مليون والكاش 400 يعني يبيلج قرض بحدود ال 800 فقط

والبنك راح يوافق بالراحة

والحل الثاني

تاخذين لج ارض مساحتها 500m في المناطق الشمالية مثلا

سعرها في حدود مليون ونص +-

وتدخليها رهن لبنك التنمية

وتبنين الارض بالقرض حق بنك التنمية

وممكن تاخذين جزء من ال 1,2 مليون مب شرط المبلغ كامل

اتمنى أني أفدتك وبالتوفيق

[منتهى الذوق]

السلام عليكم
انا طلع لي قرض من بنك التنميه مليون وميتين الف وبشتري بيت بقيمة ثلاثة ملايين ولمن كلمت مصرف الريان اسالهم عن قرض عقاري قالو مايصير لانه البيت بيكون مرهون للمصرف وشلون بنك التمنيه بيوافق؟
بعدين قلت لمصرف الريان باخذ قرض شخصي قالو لي مايصير تاخذين اكثر من مليون طبعا والسبب انه بنك التنميه بياخذون مني قسط شهري بقيمة 3000 وبسبب انه الراتب العلاوة الاجتماعيه خمسه وعشرين الف طيب والحل ؟؟؟؟؟ شلون بقدر اخذ البيت ؟؟؟؟ وانا عندي اربعمية الف تقريبا
واللي خذو من بنك التنميه وقرض عقاري من بنك اخر يفدني شسوى بالضبط

انتظر حلولكم واقتراحاتكم
ةة

الله يفك عوقج حبيبتي

احنا اخذنا قرض بنك التنمية + قرض شخصي + سلفية من صديق مقرب لزوجي عشان بس نشتري البيت قبل 5 سنوات

و اجرناه عشان يدخل مدخول يساعد بتسديد السلفيات و كل ما جانا مبلغ شغلناه بمضاربات اسهم او تجاره خفيفه عشان نحطه بتعديل البيت بعد ما يطلع المؤجر

شرينا البيت اول ما نزل القرض قبل ما ترتفع الاسعار و نتوهق اكثر و قلنا معليه بنطول بالنا و نصبر كم سنه

و ان شالله يارب تكون ظروفج احسن من ظروفنا

و تتيسر على جميع الي طلع لهم قرض من غير ارض

[منتهى الذوق]

وعليكم السلام

عندي لج حلين

الاول صعب
والثاني صعب جداً



الاول ادورين على فيلا بسعر اقل ومساحة اصغر

مثلا فيلا في ام قرن او الصخامة او ام العمد

مساحتها 450 سعرها بيكون من 2,1 الى 2,5 مليون

عندج القرض 1,2 مليون والكاش 400 يعني يبيلج قرض بحدود ال 800 فقط

والبنك راح يوافق بالراحة

والحل الثاني

تاخذين لج ارض مساحتها 500m في المناطق الشمالية مثلا

سعرها في حدود مليون ونص +-

وتدخليها رهن لبنك التنمية

وتبنين الارض بالقرض حق بنك التنمية

وممكن تاخذين جزء من ال 1,2 مليون مب شرط المبلغ كامل

اتمنى أني أفدتك وبالتوفيق

بعد راي اخوي بو حارب صح وناجح

فيه بعضهم شروا بيوت و اراضي خارج مناطق الدوحه وكملوا من القروض الشخصيه او مدخراتهم

بنك التنميه يوافق ينزل القرض لبيت تام البناء بشرط انتي تدفعين تكملة المبلغ .. او ينزل القرض لارض تشترينها اول و ترهنينها عنده عشان تقدرين تبنينها بالقرض

[alsndbad-q8]

موشرط تسكنين اختي بالدوحة.
خارج الدوحة (بالمناطق الشمالية مثلا) في فلل اقل من ثلاث ملايين بتلاقين ب مليونين ونص وطالع وتقدرين تكيفين نفسج على هالاساس.
شوفي شي بمليونين ونص او بمليونين و200 الف تكون مناسبة لوضعج.
او راي الاخ بوحارب الثاني بخصوص شراء ارض وبنائها .
بالتوفيق والله يحقق مرادج.

[محمد سعيد]

حل بوحارب الثاني هو الافضل

[R 7 A L]

الحين المناطق الي خارج الدوحة بتنحل مشاكل بعدها اذا افتتحوا كل الشوارع الهاي وي وفي اقل من نص ساعة بتكونين في الدوحة
جربي الشحانية او الوكرة يمكن فيها رخيص