السلام عليكم ورحمة الله وبركاته
السادة الكرام اعضاء المنتدى
حبيت انقل لكم اللي صار معاي على الخطوط القطرية في رحلة العودة من احد البلدان
ركبت الطائرة وكان المفروض انه وقت صلاة الظهر ورحلتي حوالي 7 ساعات يعني لازم اصلي الظهر والعصر
واللي حصل لما طارت الطائرة وكانت مستقرة في الجو
طلبت من المضيفة اني اصلي في اخر الممر او بالاصح في غرفة الاستراحة اللي خاصة للبزنس وهي واسعة
الا تقول لي لا غير مسموح وقوانين الشركة تمنع هذا الشي ،قلت لها انا باصلي 5 دقايق شالمشكلة قالت اسفة غير مسموح
فعشان انا اتأكد اكثر رحت للمضيف اللي الظاهر ان مسؤول المضيفين فقلت له نفس الشي قال نفس الكلام غير مسموح وحنا اسفين واذا تبي صلي في مكانك قلت مايسير مادام في مكان واقدر اصلي بشكل صحيح ليش المنع.
وطبعا غرفة الاستراحة اللي قلت لكم عليها فيها بار بعد ماتطير الطيارة يحطون الله يكرمكم الخمور وهاتك ياضحك وسوالف من اللي يشربون واقفين على طاولة البار وناس قاعدين
يعني بالله عليكم هذا مسموح الشرب والسكر وانا لما ابي اصلي بس 5 دقايق يقولون لي ممنوع
اعتقد بأن الموازين انقلبت وصار الصح غلط والغلط صح
ولما رجعت الدوحة كتبت ايميل للشركة ورد علي واحد قال احنا اسفين وهذي اجراءات ومادري شنو
ولما كلمتهم بالتلفون كلمتني وحدة وقالت لحظة بكلم المسؤول وبارد ليك وشوي الاتقول لي من قال لك ممنوع اصلا مسموح
(واذا حد من المضيفين قال لك هذا الكلام انه غير مسموح خذ اسمه وسجله عندك وقول له انك بتكلم الشركة وبتشتكي)
هذا اللي صار وحسبنا الله هو نعم الوكيل
|
المشاركة الأصلية كتبت بواسطة R 7 A L
