وين القى نفس هذي اللعبه للاطفال (توجد صورة)

[Aaziz]

السلام عليكم

ادور نفس هذي العربه للاطفال ،، يركب فيها طفال او طفلين و حد يسحبهم

بشرط تكون توايرها كبيره شوي (تمشي في الرمل) و تتحمل الكرف






الي يعرف يقولي وين المحل بس يكون شايفها او متاكد انها موجوده

وشاكر لكم مقدما

[بصمة قطرية]

ما أذكر إني شفتها هني ..
جرب المحلات الكبيرة
أخبر في محل ألعاب في معيذر
الشارع التجاري اللي قبل الفروسية
اللي مقابل حديقة سباير
مش متذكرة الإسم بس دخلته كم مرة عنده شغلات غريبة ..

[Aaziz]

مشكوره بصمه ،، اتوقع هاللعبه موجوده بس وين القى شي عدل

[al saad]

نفس الشي في الدوحة ما شفت موجوده في السوق الصيني في دبي بس لونها اخضر ولتحميل الأغراض
ترى شغله بسيطة نجار ويسوي نفس الصندوق وفي الصناعية عند التيسير والي جمبه تواير ركبهم تحت اثنين ثابتين و اثنين متحركين ^____^

[al saad]

http://www.amazon.com/Childrens-Fold...dren+pull+cart


http://www.amazon.com/Radio-Flyer-Cl...dren+pull+cart

اطلب من امزون وريح نفسك

[Aaziz]

نفس الشي في الدوحة ما شفت موجوده في السوق الصيني في دبي بس لونها اخضر ولتحميل الأغراض
ترى شغله بسيطة نجار ويسوي نفس الصندوق وفي الصناعية عند التيسير والي جمبه تواير ركبهم تحت اثنين ثابتين و اثنين متحركين ^____^

ايه هي اساسا لتحميل الاغراض ،، بس عيالنا ماشاءالله عليهم يقلبونها فورويل
تصنيعها سالفه و بتصير ثقيله و مكلفه

http://www.amazon.com/Childrens-Fold...dren+pull+cart


http://www.amazon.com/Radio-Flyer-Cl...dren+pull+cart

اطلب من امزون وريح نفسك

بتطلع غاليه بسبه تكلفه الشحن

[Dana’1]

وعليكم السلام

يالله هالعربه كلاسيك قدييمه كرفناها كرف أنا وأخوي واحنا صغار مشاءلله تتحمل

أنا كنت مثلك ادورها من فتره مالقيت نفسها بالضبط .. لكن نفس الفكره وبغير ماركه موجوده في كيدزي لونها ازرق

وتوز أر أص يبيع العاب من هالماركه .. بس وقت ماسألتهم عن هالعربه قالوا كان عندنا وانقطع من فتره وممكن نجيب عاد ما اعرف جابوا او لا

شرينها من أمريكا من توز أر أص بس حتى هناك الحجم الكبير مايوفرها بالمحل لازم طلب وهو يشحنها للبيت

اذا انت معزم على هالنوع دون غيره وتعرف أحد بأمريكا اطلبها من النت لعنوانه وخل يشحنها بالخطوط السعوديه أسعارهم مناسبه

على فكره هي كذا نوع وكذا مواد تصنيع فيه حديد وفيه بلاستك قوي حتى الكفرات فيه تواير بالهواء وفيه بلاستك قوي
وحتى الأحجام ممكن تشوف الصوره كبيره لكن هي تكون لعبه مصغره للعربه الكبيره محد يقدر يطلع عليها

فإذا بتطلبها انتبه لهذي الأمور
وهذي عربتنا المصون
حديد وتواير هواء واسمها مكتوب عليها

[Aaziz]

مشكوريه يا ديور ،، حتى لو بلاستك يمشي الحال ،، مايهم انها تكون جووده من قلب ،، حق اطفال بو 4 و 5 سنوات

هذا المحل وين مكانه ولاتهونين ( موجوده في كيدزي لونها ازرق)

[Dana’1]

العفو عزيز
كيدي زون الحياة بلازا وشفتها من فتره 7 شهور تقريبا الله أعلم اذا متوفره للآن

[aloosh]

شوف الطفل السعيد
نفس المحل اللي قالته اختي بصمه