السلام عليكم ورحمة الله وبركاته
اخواني الاعزاء حبيت انبهكم من هذه المحطة ( محطة بترول الجامعة )
حاسبوا من العمال اللي يصبون بترول لانهم دوم يبدون من 10 ريال وطالع
انا اكثر من مرة اصيدهم واسامحهم واخوفهم بالله لكن شفت مافي فايدة
اخر مرة صدت العامل ما بدى من الصفر حاطه من 10 ريال ونزلت وكلمت مسؤولهم
وعطانا رقم مديرهم جنسيته اردني ووعدنا انه بيسفره وثاني يوم ماشفناه
لكن ياجماعة سواء في اي محطة لازم تشوفون العداد شرط يكون بادي من الصفر
حصلت معي شخصيا...
ليش ماهاوشتهم
افتخر اني قطريه ولا عزاء للحاقدين
الله يرحمج ويغفرلج ياصديقتي الغاليه <<< اضغط اهني
لا إله إلا أنت سبحانك إني كنت من الظالمين
بالنسبة لي سمعته كلام يليق فيه...وشهدت عليه زملائه انه لو عادها بشتكي عليه...لكن المشكلة لو كانوا زملاءه من نفس الطينة..المشاركة الأصلية كتبت بواسطة المحاميه
غريبه أشلون يبتدي من عشرة ؟؟؟
تصير بدول عربية غير خليجية و ياما صارت معاي و بالهبل لين ما تعلمت الدرس اي مكان برع قطر انزل اصب بنفسي بس بقطر تصير الي اعرفه أغلب محطاتنا تستخدم التعبئة دجتال و شاشة
تصير متى،،،اذا شخص قبلك صب بترول ب 10 او 15 ريال وتيجي انت بعده عامل المحطة مايعيد العداد للصفر تقول له صب لي مثلا ب 50 ريال هو فعليا صب لك ب 40 واخذ منك 50 الفرق بين السعرين يروح في جيبه
اخوي الكريم
من المستحيل ان يبدأ العداد من 10 ريال وتأكد ان في البدايه العامل يسرع او يدوس بكل قوته
واذا جاه زبون ثاني يخلي الجهاز على الاوتو وفي هالحاله يكون العداد بطيء
انا اكثر من مره مثلا اقول له صب 40 يصب 30 ويقول صبيت لك 30 اقول لا عبي 40 يعتذر بس يقول ادفع اول 30 ريال وازيدك 10
يمكن انت ما شفت العداد من البدايه فلا تظلم اخوك المسلم الي معاشه البسيط يكفي عايله من 10 اشخاص غير التبرعات
استغفر الله الذي لا اله الا هو الحي القيوم وأتوب اليه
لازم أنتبه
مشكووور عالنصيحه يالغالي وفي ميزان حسناتك
أذا صارت لي مارح أعديها على خير بما أني يوميا أصب من هالمحطه
الا هاوشتهم وقبلها سفرنا واحد منهم بعد بس مافي فايدة
مافي شي مستحيل الله يسلمك وغير هو معترف بنفسة يقول لا تقول حق المدير
واذا ودك تعرف انها حقيقة روح الله لا يهينك وصب في نفس المحطة اللي اقولك عنها
ضوابط المشاركة
رد مع اقتباس