أرتحل صمتاً في عينيك عل ملامحك تطرقني ..

[بشائر]

السموحة منكم اخواني وخواتي ع التأخر في الرد ..

تقليل نسبة مرضى السكري و الضغط توفير كبير في ميزانية الصحة

صدقت اخوي معروف إن زيادة الوزن تسبب أمراض كثيرة لا حصر لها وصدق حبيبنا رسول الله صلى الله عليه وسلم لما قال ( المعدة بيت الدااااء )
واحنا ماغير ناكل الخضر واليابس والله يعين بس ..

[بشائر]

بصراحة ماقد مر علي كل اللي سووا القص اشكالهم عادية اللهم الاالوزن ناقص، يمكن لانه وزنهم ماكان بذاك الارتفاع فما شفت فرق

اما يا بشاير تبينهم يعلقون صورهم القديمة بروحهم ماصدقوا يتخلصون من شكلهم القديم تبين تذكرينهم دايما ظلمتيهم بالطلب هذا

عموما تغير الشكل يغير النفسية والمود ، انا اذا انزل كيلوين احس الدنيا طايرة فيني فما بالج بعشرات الكيلوات شنهو الفرق اللي بتحدثه بحياه الشخص ؟

امتعينا بالجميل والممتع عزيزتي

ياهلا ومرحبا بالغالية ضوى .. تو مانور الموضوع ..

اللي يتغير شكلها هي اللي كان وزنها زايد بشكل كبير ولو تشوفين كيف يصيرون بعد الضعف شي خياااال !
وغير لما تقص شعرها وتغير ستايلها من فرحتها بالوزن الجديد تحسين إنها وحدة ثانية سبحان الله ..

والقصد عزيزتي ماهو المعنى الحرفي بأنهم يعلقون صورهم القديمة ولكن انتي تدرين أنج متغيرة عن قبل كثير
على الأقل الناس اللي ماتلتقينهم دوم عرفي بنفسج وابعدي عنهم الحرج ..
والله يهنيهم بأوزانهم الجديدة ..

الله يوفقك ..

[بشائر]

نعم انا واجهت موقف شبيه و لكن الشخص نفسه قالي ترا انا "فلان" لأنه يدري و تعود ان الناس مايعرفونه بعد النيو لوك .

للأسف انه في ناس اوزانهم ماتعدت ال 80 كيلو و قصوا المعده و الآن اشكالهم اصبحت كأنها مومياء .

حياك الله اخوي بوخليفة ..
هذا الإنسان فاهم وذكي ووفر عليك الكثير من الحرج .. وهذا المطلوب من اللي مسوين هالعملية ..
شفت كيف الموضوع سهل ومايبي له شي ..
لكن حسب علمي اخوي إن اللي أوزانهم ماتعدت الـ 80 مايقدرون يسوون قص معدة لأن المستشفى نفسه يرفض ..
مادري إن كانت المعلومة صحيحة والا لا ..
وبعضهم مثل ماتفضلت ضعفوا بشكل زايد عن الحد لكن أشوفهم بعدها بفترة يزيدون شوي ويتحسن حالهم ..

وفقك الله ..

[بشائر]

مرت علي وحدة من الأهل اقدر اقول اني شفتها بعد فقدانها فوق الـ 100 كيلو.

ولكن هل ما عرفتها؟
عرفتها بسهولة جدا اوي خالص لأنها من الاهل..

لكن لوووو صار ومرت علي وحدة معرفة عادية او وحدة انقطعت اخبارها عني
احتمال ما اقدر اميزها بعد عملية التكميم خاصة لو فقدت وزن كبييير..
المشكلة مب في الشكل الجديد اللي يظهرون عليه.. المشكلة في اللي يقصون
وتختفي اوزانهم وعقب يقولون لك احنا نسوي دايت!!

او اللي يحرصون انهم يسوون عملية التكميم بسرية تامة وما يبون الناس تعرف!!
ويعتبرون العملية سر من اسرار الجمال اللي مب لازم حد يعرفها!!

الحمدلله على نعمة الصحة و التخلص من الامراض والالم مع السمنة..

ولكن بعد شكر رب العالمين على هذه النعمة ما يكون بالكذب على الناس
وادعاء نزول الوزن مرض مفاجئ او رياضة في ساعة غفلة او دايت والدايت ما يدري عنهم!!

وشكرا لكم..

حياك الله عزيزتي يمامة ..

كلام جميل جدا .. واللي بالأحمر إهداء لابوحارب

اتفق معك عزيزتي فيما ذهبت إليه ..

تدرين ليش يدعون أنهم خسروا الوزن بالدايت وخلافه ولا يعلمون حد إنها عملية ؟
يدارون مايظنونه ضعف أو فشل في السيطرة على نهمهم ..
عني شخصيا أعذرهم ترا نزول الوزن يحتاج لعزيمة ونشاط وحنا شعب نعشق الراحة
وغير إن الأمر مكشوووف وكذبتهم بيضا .. صادفت وحدة مثل هالنوع لكني بكل بساطة
شجعتها وأثنيت على قوتها وعزيمتها .. بعض أنواع الكذب من البعض أحب إني أصدقه

أسعدتني مشاركتك وفقك الله ..

[بشائر]

السلام عليكم

وحده من ربعي سوت العمليه وطلعت ووااوو رووعه مشاء الله

صج العملية تغير الوك بس تبقى الملامح ماتغير

الله يديمها عليهم وينعموون بصحه والسعاده

وعليكم السلام ورحمة الله وبركاته
ياهلا ومرحبا فيك عزيزتي ..

ماشاء الله ربي يديم عليها فضله ..
الضعف ومن خلال ملاحظاتي يغير كثير في الوجه ( الطلة) خاصة للي كانوا يعانون من البدااانة
وكأن تقاسيم الوجه كانت غارقة في محيط من الشحوم أخفت خريطته وجات نتيجة العملية وكأنها أشبه بعالم آثار
أزاح ترسبات السنين المتراكمة وأبرز جمال الوجه وحدوده الحقيقية الطبيعية .. بالله تبينا نعرفهم بعد كل هذا ؟!
إن كنتي تعرفينا قبل السمنة المفرطة فأكيد بعد ماترجع لرشاقتها بتحسين إنك لقيتي شخص عزيز كان غايب منذو مبطي
طبعا إن أسعفتك الذاكرة

أسعدتني مشاركتك ..

[بشائر]

جميل موضوعك ايتها الراقية بشاير ..

على الرغم من اختلافي معك في الاقتراح ..

الا انني لا استطيع اخفاء اعجابي عن ماكنتي تخفينه عنا ربما حياء وربما من غير قصد من اسلوب ادبي جميل وانتقاء مميز للالفاظ ..

والاجمل اختيار راق جدا للعنوان ..

شكلي بقلب الموضوع عليج بشاير وبطالبج بازاحة الستار ولو قليلا

عن مكنونات ونفائس نتمنى ان تشاركينا بها ..

ياهلا ومرحبا بالغالية نور الحور .. نورتي الموضوع بحروفك المميزة ..
شاكرة وممتنة لكلامك الحلو .. وماعليك زووود أيتها الرائعة
وسياستي هي أن الموضوع للعامة والعنوان للخاصة
وجودك ووجود أمثالك في المنتدى من الأقلام المثقفة الراقية يحتم علي حسن انتقاء كلماتي..
ولا أخفي عنكم شيئا ولكن ربما لقلة مشاركاتي ..

نرجع للموضوع ..

انا اشوف ان اللي تغير شكله بعد قص المعدة يطرب لما يسمع تعليقات الناس ..

وبعضهم يفرح انه ماانعرف !

طبعا هناك مواقف قد تكون محرجة .. لكن ادارة الموقف

من الممكن ان ترفع معنويات الطرف الاخر ..
لو ما عرفتي صاحبتج المرة الجاية قوليلها اسمحي لي ماعرفتج

محلوووووة وواااايد ..وشوفي ابتسامتها بتوصل لوين

بتكونين طلعتي من الحرج ورفعتي معنوياتها وربحتي اجر بعد

شرايج بالحل الشغفي ؟ههههههه

ههههه حل عجيب وبالفعل قلت خلاص بعتمد هذا الحل وأمدح فيهم بشغف
تدرين ؟المشكلة هي عند الصدمة الأولى - أقصد النظرة الأولى
صعب تقدرين تخفين مشاعرك أو عدم معرفتك لها ...إذا أنا أصلا كثير ما أنسى الاسماء لكن أعرف الوجوه
بينما هم يعرفون اسمي وينادوني به - طبعا اقصد من الزميلات واللي التقيهم مرات قليلة - تلاقيني أسولف معها وارحب بها
وماغير أقول أخبارك حبيبتي ؟ وينكم حبيبتي ؟ متى حبيبتي ..
بس علشان أغطي نسياني لإسمها
خليها بعد تقص معدتها وتغير هيئتها... ماظن لها حل

سرتني مشاركتك الجميلة عزيزتي ..