>> الحوادث ودفع المتضرر لنسبة من قطع الغيار ! <<

[Riku3]

السلام عليكم ورحمة الله وبركاته ..

عندي استفسار وبحاول اطرحه بإختصار :] .. لان صارلي كم سنة ولله الحمد ما صارلي حادث فمعلوماتي ممكن ما تكون دقيقة ..

سيارة 2013 لو اندعمت وانا مب الغلطان وخذت ورقة تصليح ( الوجة يمين + رفرف يمين ) على تأمين الطرف الثاني ..

تأمين الغلطان شركة قطر الي قريب السوق المركزي جنب سوبرماركت ريجنسي ..

ابي اعرف عن النسبة الي يدفعونها للمواتر موديل 2013 واحنا الحين في يناير 2015 .. على قطع الغيار لان الصدام انشق والسطاب انكسر والرفرف انلعن شكله :] .. ومستحيل اقبل بخطوط تجارية يتغير لونها بعد فترة .. ابي كل شي اصلي .

ممكن تفيدوني لان قبل سنوات كنت دايماً اروح التأمين واتهاوش ساعة علشان اقلل النسبة وصراحه شايل هم الهواش ما لي خلق :/ .

[monatee]

شوف الموضوع هذا

http://www.qatarshares.com/vb/showth...C%DC%DC%DC%C9-!

[توشيبا]

ود السياره لهم يصورونها واطلب يكون التصليح في الوكاله وكل شي من الوكاله
اذا الموظف يلف ويدور او رفض اطلب تقابل المسوول عندهم

القطع غيار اكيد بتكون من الوكاله بس الكراج يمكن التامين يطلب منك تجيب لهم ثلاث فواتير عرض سعر من ثلاث كرجات عشان يشفون الارخص وتروح تصلح لهم اما القطع صاحب الكراج اهو يوفرها لك اصليه من الوكاله ويطلب فلوسه بنفسه من شركه التامين

[Riku3]

شوف الموضوع هذا

http://www.qatarshares.com/vb/showth...C%DC%DC%DC%C9-!

يا كثر القوانين الي على الورق بس في الواقع ما تتنفذ .. دام مافي تنفيذ يحكم هالشركات والامور مب واضحه صعب تحاججهم بها .

ود السياره لهم يصورونها واطلب يكون التصليح في الوكاله وكل شي من الوكاله
اذا الموظف يلف ويدور او رفض اطلب تقابل المسوول عندهم

القطع غيار اكيد بتكون من الوكاله بس الكراج يمكن التامين يطلب منك تجيب لهم ثلاث فواتير عرض سعر من ثلاث كرجات عشان يشفون الارخص وتروح تصلح لهم اما القطع صاحب الكراج اهو يوفرها لك اصليه من الوكاله ويطلب فلوسه بنفسه من شركه التامين

صح كلامك .. حتى سالفة الثلاث قاراجات تقدر تحاججهم بها لاني سويتها قبل ... اخر شي يوافقون روح القراج الي تبي ولا تعور راسنا ^^" ..

بس انا مشكلتي قبل كانت سياراتي قديمة فكانوا يدفعوني نسبة من قطع الغيار الاصلية .. اما هالمره السيارة 2013 واذكر في السابق كانت النسبة تتفاوت من 20% الى 50% بحسب قدم الموتر .. فما ادري شنو النسبة المعتمدة لموتر موديل 2013 حالياً .

او كيف اقدر اجبرهم على رفض دفع اي نسبة .