للتوضيح لبعض الاخوه اللي ينقلون عني كلام ما قلته او ممكن ماقصدته
انا ما قلت خروج وانهيار قادم او او او او
انا قلت الايام الماضيه السوق محير لا هو اللي اخترق ولا هو اللي كسر وان السوق ماقرر اتجاهه لحد الان
يعني مثلا المقاومه والايجابيه اختراق س
والسلبيه كسر ص
نحن الان في ج
يعني لا فوق ولا تحت وثابتين عندها فتره
لذلك كانت نصيحتي للمضارب اللي قراراته لا تكون سريعه او ربما عندما يرى كسر يقول لا بصبر وينزل سهمه من غير ما يوقف خسارته ويجي في نهايات الهبوط يلبس النظاره السودا ويبيع على خساره موجعه ظنا منه ان السوق ذاهب بعيييد في هبوطاته
ويرتد السوق حينها
هذا انا اقوله اخرج وانتظر اتضاح الصوره
وكلامي دايما موجه للمضارب ما اجيب طاري المستثمر نهائيا لاني بصراحه لا اعرف ان اكون مستثمر
ف كيف انصح مستثمر يبيع
هذا يبيلها محلل اساسي محترف وفني محترف جدا + قناعات الشخص نفسه
وانا لا هذا ولا ذاك
اذن كلامي موجه لمضاربين معينين
اما من يرى نفسه يستطيع اخذ قرارات سريعه اثناء التداول ف هذا رايه في يده هو يقرر
نقطه اخيره
البعض اجده في المنتدى يقول انا مضارب !!!!!!
بس تجده مب مركز فالشاشه اساسا يا مشغول او من النوع اللي يتابع كل نص ساعه
ويجيك عقب ما طارت الطيور بارزاقها اما يشتري وينزل سهمه
او يبيع باقل من سعر شرائه
المضارب هو اللي لما يكون عنده اسهم عيونه فالشاشهجذي
عقب يجيك يحط اللوم او يغمز ويلمز لفلان او علان اللي نصح بالدخول في سهم معين سعره 300 وان الهدف للمضارب اليومي مثلا 310 يجي الاخ يشتري على 310 !!!!!!
هذا وضعه يبيله اعادة ضبط
دايما عندما يرسل احد لي عالخاص يقول انا مضارب واخسر اقوله استثمر ب 90% وتعلم المضاربه ب 10% لمدة سنتين وستتعلم
ولكن البعض يحب الراحه ويبي يمشي ورى فلان قال وعلان يقول يمشي على عماها وان صابت شكر وان خابت نكر !!!!!!
وبس
|
رد مع اقتباس
المشاركة الأصلية كتبت بواسطة Abu Reem
