هل يوجد عندنا قضاء ومحاكم او وهم

[meshwar]

منذ فترة تم
انهاء خدمات رئيس قلم
لانه قام بتزوير حكم محكمة
وتم التكتم على الامر
لماذا يافطين ؟؟؟

[حسن]

اسمح لي يا بو علي..
اقول لزوجة القاضي..
ما انتبهت ان اللي طالعين من باب "المدح"..
وراهم مخرج اسمه "عمرو أديب"!
*
*
،،
صل على النبي يا بو علي..
و لا تقعد تقول عن الليل نهار و النهار ليل..

ثرى الموضوع ما فيه مجال للجدال و الرأي و الرأي الاخر..
ما هو بموضوع تعدد و امثاله..

الناس..و القضاة أنفسهم
يشهدون على سوء الاحوال في المحاكم عندنا..

فكرما..
لا تغث الناس المبتلين بكلام يسفه من كلامهم..
و يحرق اعصابهم
فوق ما هي محروقه..

و ادعوا الله ان يعافيك مما ابتلوا به

عليه افضل الصلوات والسلام


صبحك الله بالخير يابوراشد

مادري وين المغثه اللي ذكرتها انا في موضوعي رغم اني قلت ان المحاكم في جميع دول العالم بطيئه
وهذا شي معروف
وعلى حسب كل قضيه هناك منها سهله وهناك منها شائكه
هل تضمنلي ان جميع القضايا نفس القضيه والحكم ؟؟
وهل تضمنلي ان كلها تختص محمه واحده ؟؟
وهل عندنا فقط محكمه وحده ولا عده محاكم وعلى حسب الااختصاص ؟؟

انت مشرف سابق ولك خبره مايجوز الطعن في قضاء دوله بالوهم
تقول غثيتنا ومااغتثيت من العنوان !!
وهل تتقول ان الطرفين الخصوم كلهم بيمدحون العداله !!
خذها قاعده اللي يحكم عليه في القضيه بيشكك في نزاه القاضي والمحكمه
هذه معروفه وشفتها انا بعيني الكثير

وبعدين انا ماادافع عن القضاه ولا المحاكم عندنا عندها هيئه دفاع اكبر مني ومنك صدقني

وانا في ردودي ذكرت لي زياره لها في امور ماا منها قضيه ايجارات كلها خلصت وخذت حقي
وذكرت في رددودي حدد نوع المحاكم ونوع القضايا مهب كلم من هب ودب يلطش
وماشي مع اللي يحب النبي يظرب



لو انا عندي مشكله صحيحه معاهم نعم باكتبها بالتفصيل الممل علشان اوصل قضيتي صح
قال المثل لا تبوق ولا تخاف



وللعلم انا ذكرت ان الاجرائات بطيئه شوي ويبيلها تسريع وللعم اذكر اني نزلت موضوع هنا على مااعتقد
مقاله للكاتب لحدان عن المحاكم

ورترا لعلم بعض الناس في المحاكم مسوين فوضى على الطل صدقني تبي باطرش لك نوعيات
كل يوم مشتكي ابي حقي ويحكمون ماله حق وكل يوم مشتكي
مره قلت للقاضي ليش مااتخذون اجرات مع هل الناس
قال مانقدر هو من حقه يرفع دعوى واحنا كاقضاه اللي نصدر الحكم مهب على كيفه
يعني هناك امور الكثير يجهلها وهذا راي ولا امشي مع شله الخيل ياشقرا والي يحب النبي يضرب
ولازلت اقول اذكرو نوع القضايا ونوع المحاكم وشنهو الاسباب علشان توصل رسالتك صح


وصباح الخير يابوراشد

وابتسم للحياه

[رجل مثالي]

السلام عليكم ورحمة الله وبركاتة

اي شخص يتوجة للقضاء يعرف بالضبط ماذا اعني انا من الناس الي لي حق ولم اخذة من القضاء بسبب دهاليز القوانين والابوب المغلقة والقضاية النائمة
توجهة للقضاء كي اخذ حقي في قضيتي لكن كل يوم بعد يوم افقد الامل في استرجاع حقي وحتى اليوم لم استرجع اي حق لي وقد يكون هذا الشي طريقة القضاء عندنا كي يجعلك تفقد الثقة ولا تاتي مرة اخرى لهم وتزعجهم في سباتهم
فقد الامل اكثر عندما سمعت بقضية لشخص بسيطة والحق معة وتخلص في اسبوع او اقل لنة مافيها حلقات مفقودة فقط يصدرة نطق بالحكم ويخلص الموضوع صار لها 7 سنوات !!!!
وصديق اخر ايضا حتى اليوم لم ياخذ حقة وفقد الامل ودفع مبلغ من جيبة كي يحل مشكلتة
بصراحة القضاء والمحاكم عندنا جدا جدا بطيئة بحل قضاية الناس اتمنى من المسوؤلين ان ينظروا الي اين هو الخلل موجود كي لا تزيد اضرار الناس وسمعة القضاء في بلدنا...

الله يسلمك أنا أطالب عملي بثلاثة درجات وقدمت تظلم وقدمت قضية عن طريق محامي يعني عن طريق المحكمة للحصول على الدرجات والحين صار سنتين ولا حصلت على الدرجات وكله من القضاة وعدم أنصافهم للمظلوم
حسبي الله ونعم الوكيل

[القبطان اكس]

اليوم في الجرايد تاجر مخدرات ومتعاطي بس سجن 3 سنوات

في الصين اعدام على طول

[معماري قطري]

صار لي حادث قبل ورفعت قضية وجاني المدعي عليه وتسامح مني وعوضني وجاب وسيط كبير من أَقربائي ووافقت على التنازل .. كنت وقتها 17 أَو 18 ورحت اتنازل عند قاضي مصري اسمه للحين أَذكره ( صبري ) .. وكنت اشوف الناس كيف يكلمون القاضي باحترام وهو يعصب أَحياناً والكل يحترمه والشرطة موجودين فتوقعت الحصانة القوية للقاضي .. ومشكلتي بسيطة بس متنازل ووصلني حقي .. لكن القاضي رد علي رد قوي وقال هناك الحق العام وما لك حق تتنازل وأَنهاها بكلمة طيبة وقطرية 100% صعب يقولها قاضي مصري .. كلمة انجلع يالله .. وانجلعت آكسر الخاطر وأَفكر في أُسلوب القضاة الهمجي .. لكن بعد الجلسة فرحت لأَنهم عوضوني قيمة سيارتي كاملة ولي 5000 أَضرار جسدية ولخوي نص دية أَضرار جسدية لأَن اصابته في الراس كانت وفي قطر قالوا الأَطباء ما فيه شيء وفي لندن سووا له عملية صعبة مدتها 8 ساعات فتح جمجمة وشفط للدم في المخ وكان وضعه صعب.

على فكرة الوضع قبل على بساطته أَسلم من الوضع ألحين خصوصاً على القطري العادي .. فيه طبعاً سوبر قطري وفيه أَجنبي عادي وسوبر أَجنبي .. وقصدي مب بس القضاء الا الطريق للقضاء اللي يبدأَ من الشرطة .. وذكرت سالفة دخول عمال لفوق سطح ملحق بيتي وشغلهم فوق الساعة 12 الليل وهم يشتغلون لروضة جنبي وبلغت الشرطة وجاو التحقيق الجنائي وصوروا الواقعة .. وبعد الحاح مني وتهديد اني بادخل على العمال أَرسلوا سيارة وشلوهم وثاني يوم هم طالعين وراكبين فوق السطح وبدون إِذن يشيلون أَغراضهم .. قدمت شكوى ثانية ولا شيء صار نهائياً.

غير تمشكلت مع قطري سكران دخل بيتي وانضرب وجاو الشرطة شلوه وسجنوه وكسر خاطري المسكين قلت بروح بعد كم ساعة أَنصحه وأَتسامح منه على الضرب وأَطالب بخروجه .. قالوا لي لا ما لك حق وهو انتقل لسجن غير ولا لك حق تتنازل .. وكلموني الادعاء العام ورحت لهم قلت خلاص ما ابي منه شيء واستغرب المحامي السوداني ولو أَجنبي كان طالبني بمسامحته .. المهم قال تنازلك بيخفف الحكم عليه وهو بينسجن أَقلها 8 شهور بسبب إِنه في الشرطة وله سوابق.

[معماري قطري]

منذ فترة تم
انهاء خدمات رئيس قلم
لانه قام بتزوير حكم محكمة
وتم التكتم على الامر
لماذا يافطين ؟؟؟

وخلوه يرعى في البلاد هو وعياله

[بنت شرق]

احب الانتقاد وخاصه بموضوع الإسكان ،،،لكن مايصير التشكيك بالقضاء لانه صمام امان بالمجتمع ،،،اعتقد المشكله انه بعض دور القضاء المحاكم ،،ضيقه ولاتصلح لتحمل توافد اعداد كبيرة عليها كالمحامين والشهود والمدعين ،،،كما انه التنظيم الإداري شبه جيد لدينا ،،،لكن القضاة لدينا جيدين ،،،وممتازين ،،،وياريت ايصير تقطير بالوظايف ،،،،

[qatara]

كل أحد يؤخذ من قوله ويترك إلا رسول الله -صلى الله عليه وسلم-