اقتباس:
هذا سؤال مكرر عن التجميع والتصريف وانا ماجاوبت علي السؤال الاول ولكن ما ادري الموضوع طويل جدا في التجميع والتصريف وعلي فكره انا اشعر ان هذا الباب اللي فتحته للرد علي الاساله سياخذ مني جهد غير عادي وكنت افتكر اني ساجيب علي بعض اساله فوجئت بالناس تطلب مواضيع كثيره وطويله وما اقدر اجيب اجابات مختصره لن ترضيني انا شخصياونسال الله العون علي الاستمرار
المهم بالنسبه للتجميع والتصريف
ابي اسولف اولا عن قصه لطيفه كمقدمه للتجميع والتصريف وتخفف من جفاء المواد العلميه المتكرره حتي لايمل الناس
لو افترضنا اني سأكون مضارب لاحد الاسهم (غير صحيح طبعا ولكن اتمني يحدث وساعتها باصير مضارب جيد والله هههههههههه)
فرضنا ان معي الان مبلغ 100 مليون ريال وهو مبلغ موجود طبعا مع الكثير وابي العب بهم في السوق وش باسوي
باختار سهم سعره الان 20 ريال ويكون عدد اسهمه قليل مثال شمس او ثمار او الباحه او غيرهم يكون عدد اسهمه الحره مثلا 14 مليون سهم اولا باشتري كميه مثلا 400 الف سهم علي 20 ريال علشان استخدمهم كضغط يعني اشتريت ب8 مليون ريال اسهم متوسط السعر 20 ريال تمام
الان ابدا اضغط علي السهم اعرض كميه مثلا 50 الف علي 19.5 واي احد يطلب ارشه من الكميه اللي معايا وكل اللي يطلب اعطيه وانا حاليا جالس اخسر الي ان وصل السهم الي 19 ساعتها اشتري حوالي 200 الف سهم علي 19 صار عندي الان جزء من الاسهم علي 20 وجزء علي 19 وخساره حوالي نصف مليون ريال من البيع بخساره تمام
بعد شويه ابدا الضغط من جديد السهم الان ب19 اعرض ب18.5 وكل اللي يطلب اعطيه من اسهمي واضغط وابيع ايضا بخساره كمان نصف مليون ريال وينزل السهم الي 18 نتيجه العرض الكبير وعندها ايضا اشيل بضع مئات الف سهم علي ال18 اكرر نفس اللعبه وارش عند ال18 اوصله لل17 واشتري كمان شويه كم الف سهم علي 17 تمام كده هنا الان ابي اسوي استراحه لي وللسهم وسوف تفيدني لما اجي اشد السهم امشي شويه افقي علي 17 كانها منطقه دعم ووضعي الان خسران حوالي 3 مليون ريال ومعايا مليون سهم شويه منهم علي 20 وشويه منهم علي 19 وشويه علي 18 وشويه علي 17 تمام الان ابي انزل السهم اكثر شويه اخبار سيئه علي السهم واخلي السهم يعمل نماذج سلبيه علشان المحللين يشوفوا النماذج سيئه فيحذروا من السهم وابدا المرحله الثانيه السهم الان ب17 ابي ادك السهم دك اي احد يطلب اعرض له ب16.5 وب16 وب15.5 والبي كل الطلبات من الاسهم اللي عندي ووصلت السهم الي 15 واشتريت مليون سهم علي 15 علي دفعات علشان ماحد ينتبه الان وخسران حوالي 5 مليون ريال وايضا بنفس الطريقه اوصله الي 13 ريال رش بلا رحمه اللي يطلب اعطيه وصل السهم الي 13 ريال وعندها اشتري 2 مليون سهم طبعا علي دفعات علشان ماحد ينتبه بعدها امشي بالسهم افقي شويه استراحه ودعم ومقاومه لي لما اجي اطلع بالسهم
اكرر نفس اللعبه بعد شويه وارش السهم بلا رحمه من كميات الاسهم اللي عندي كل اللي يطلب اعطيه واوصل السهم الي 9 ريال وعندها اشتري 3 مليون سهم علي دفعات طبعا وش صار عندي الان
3 مليون سهم علي 9 ريال ومليون سهم علي متوسط من 10 الي 13 ومليون سهم علي متوسط من 15 الي 17 ومليون سهم علي متوسط من 17 الي 20 يعني عندي الان مامجموعه 6 مليون سهم بمتوسط اجمالي 14 ريال وسعر السهم في السوق الان 9 ريال وخسارتي حوالي10 مليون ريال
ابدا الان اللعبه سعر السهم الان 9 ريال ابدا اشده ببطء من 9 الي 10 ثم الي 11 ببطء طبعا ارفعه من الاسهم اللي عندي بمحافظ مختلفه علشان الهيئه لاتشوف اني بابيع واشتري من نفسي شويه شويه اسحبه الي 12 وبدات الناس تنتبه الي السهم وطبعا يطلعوا المحللين ويقولك السهم كان عنده دعم علي 13 وصار الان مقاومه ( منطقه الاستراحه اللي انا عملتها وانا نازل) وطبعا يبدا الانتباه للسهم ثم اخترق انا المقاومه 13 والناس برضه تشيل معي شويه من الاسهم وانا ايضا اشتري معهم حتي اشجعهم ( لاتنسوا ان عندي 6 مليون سهم متوسطهم 14) وزودت عليهم الان مليون سهم اشتريته لشد السهم من 10 الي 14 وتشجيع الناس اذن صار عندي الان 7 مليون سهم علي 14 وطبعا اخترقت ال13 وطلعت بالسهم وشريت ايضا والناس شافت السهم علي بدايه ترند صاعد واخترق ال13 وعنده مقاومه علي ال17 ( منطقه الاستراحه الاولي ) برضه اشتري واشد معهم السهم واوصله الي 17 واخترق المقاومه واقفل فوقها علشان اشجع الناس
وش الوضع الان الوضع عندي7 مليون سهم علي 14 ومليون سهم متوسطهم من 14 الي 17 اي اجمالي اللي عندي 8 مليون سهم علي 15.5 وخسارتي 12 مليون ريال من جيبي وسعر السهم الان 17 تمام
كله انتبه للسهم وبدات المنتديات تعمل شارتات والسهم اخترق المقاومه وهدفه الي ال30 وشويه شويه اسحب السهم الي ال20 اللي هي مقاومته وبعدها اخترقها
يزيد التطبيل للسهم انه رايح لل30 واخترق العشرين عندها الناس تدخل وانا معي طبعا 8 مليون سهم متوسطهم 15.5 باوصل السهم الي 23 وابيع اول مليون سهم من عندي علي ال23 طبعا علي دفعات علشان ماحد ينتبه والان انا صرفت اول مليون علي 23 ومتوسطه علي ب15.5 وبعت مليون سهم يعني ربح 8 مليون ريال ولاتنسي ان خسارتي الكليه في حدود14 مليون ريال الان تقلصت الخساره الي 6 مليون ريال وباقي عندي 7 مليون سهم بمتوسط 15.5 والسعر الان 23 وابي اكمل بامشي شويه افقي وبعدها اكرر نفس اللعبه واشد السهم الي ال27 ( طبعا وانا باشده باشتري شويه من المعروض حتي ارفع السهم) وصلته الي 27 وعندها ابيع كمان مليون علي 27 ربح 11.5 ريال لانه علي ب15.5 ريال والان انا تخلصت من الخساره الباقيه اللي كانت 6 مليون ريال وصار عندي ربح 5.5 مليون ريال وسعر السهم علي 27 ومعاي 6 مليون سهم علي 15.5
الان انا قريب من الهدف اللي هو 30 وطبعا ابدا التطبيل ان السهم رائع ورايح لل40 والتطبيل في المنتديات وغيره ورسم الاشكال الفنيه واسحب السهم من 27 الي ال30 وعندها امشي شويه افقي وابيع 2 مليون سهم علي 30 علي دفعات ومتوسطه علي 15.5 وربحي الان من هذا التصريف هو 29 مليون ريال من ناتج بيع ال2 مليون سهم فقط علي ال30 وهذا الربح يضاف الي ال5.5 مليون ريال الاولي صار ربحي الان هو 34.5 مليون ريال ومعي 4 مليون سهم علي 15.5 بارفع السهم مره اخري الي 34 واصرف 2 مليون سهم علي 34 وماحولها علي دفعات طبعا وطبعا هنا ربحي هو 18.5 ريال في كل سهم وانا صرفت 2 مليون سهم علي 34 اذن ربحي الان هو 37 مليون ريال يضاف الي الارباح الاولي 34.5 مليون اصبحوا 71.5 مليون ريال وباقي معي 2 مليون سهم علي 15.5 وسعر السهم الان 34 ريال وامشي بيها افقي شويه ثم اشدها الي 37 واصرف نصف مليون سهم ( كميه قليله علشان السهم صار خطر والناس تخاف تدخله لانه اعطي كثير) صرفت بعدها نصف مليون سهم علي 37 ومتوسطه علي هو 15.5 ربحي هو10.25 مليون ريال يضاف للاربح السابقه يكون 82.75 مليون ريال هنا صرفت علي ال37 والهدف كما قيل 40 وباقي معاي مليون ونصف سهم علي 15.5 كمان اشد السهم الي 39 وابيع كمان نصف مليون سهم علي 39 وهي نهايه طموحي ولا اصل للهدف طبعا وربحي من النصف مليون سهم هو 11.75 مليون ريال وصار مجموع ربحي الان 94.5 مليون ريال ومعاي مليون سهم علي 15.5 وهنا ابدا تنفيذ الجزء الاخير من اللعبه وهو الرش بلا رحمه السهم الان علي ال39 اي احد يطلب ارشه اي احد يطلب ارشه وصلت السهم من 39 الي 34 وبعت نصف مليون سهم خلالها من المليون المتبقي وصل السهم الي 34 اسوي استراحه والتقاط انفاس وباقي عندي نصف مليون وابدا ارش بلا رحمه وانسب بالسهم لاسفل ابي اتخلص من النصف مليون اللي عندي باي سعر ( متوسطه علي 15.5) رشيته بلا رحمه وصلته 26 وصرفت النصف مليون الاخيره وصار ربحي من رش المليون الاخير حوالي 5 مليون ريال لاني رشيت جزء علي ال33 وجزء علي ال32 وجزء علي ال29 وجزء علي ال28 وجزء علي ال26 شوفوا الاثاره هنا السهم قاعد ينسب تحت بالاحمر وانا جالس ابيع بربح ومبسوط وارش بلا رحمه وانا كسبان طبعا
الان انتهت اللعبه وشلت يدي من السهم ومعاي ربح حوالي 100 مليون ريال بالاضافه الي راس مالي الاصلي اللي كان100 مليون ريال يعني دبلته في خلال 3 شهور وتركت الناس يعيشوا حياتهم مع السهم
المشاركة الأصلية كتبت بواسطة <اضرب واشرد>
ضوابط المشاركة
رد مع اقتباس