ابي اشتري تريله او شاحنه

[قطري طموح]

الاخ ولد الدفنه ارجو اضافتي

theworld89@hotmail.com

[ولد الدفنه]

ضفتك اخوي

[ناسدك]

اخوي انا بعطيك خلفيه بسيطه ولكن بعد انت حاول تستفسر اكثر

اذا تبي تشتري وانت ماعندك خبره في هذا المجال افظل انك تشتري جديده
وخاصه سيارة man لانها المانيه وضمان عليها لمدة سنتين السنه الاولى
ضمان كامل والسنه الثانيه على المكينه والجير والدفرنش

انا افضل الجديد على المستعمل لان لو اختربت المستعمله راح يتوقف
عندك الدخل اليومي لان ايجارها راح يكون على حسب التريبات كم في اليوم

والمستعمل هنا الكثير الذين يغشون فيه ومدام ماعندك خبره ولا عندك سياره ثانيه
تشيل الاولى لو تعطلت راح تكون عندك مشكله

بنسبه للتاجير انا افظل لك شركة الجارح وهي شركه قطريه مقفله ويعتنون بالمواطن
بالدرجه الاولى اتصل فيهم وهم راح يعطونك جميع التفاصيل

بنسبه للاعطال الشركه لديها كراج خاص وانت لك الاختيار تصلح عندهم او عند كراج اخر
وشي اكيد التصليح وجميع الاعطال راح تكون عليه
وحتى الديزل و راتب السائق اذا كان من عندك او من عندهم راح ينخصم عليك
من الجرد الشهري

هذي معلومات بسيطه اذا حاب انا ممكن اشوف لك رقم تلفونهم واطرشه لك

اتمنى اني فدتك حتى لو بالقليل

اخوي ليش شاحنه man ,,,,وليش اتكون جديده يعني اربح وكيل الشركه ,ياخوي اذا الشركه عليها الخراب يعني احسن اشتري سكند هاند.واكثر العالم يستخدموووون اكتروس المرسيدس وقطع غياااارها متوفر حتى في التشليح والمان دورني تلقى لها شي في الكرجاااات سلامااااااااااااات

[ابـو مــحــــمـــــد]

اخوي ليش شاحنه man ,,,,وليش اتكون جديده يعني اربح وكيل الشركه ,ياخوي اذا الشركه عليها الخراب يعني احسن اشتري سكند هاند.واكثر العالم يستخدموووون اكتروس المرسيدس وقطع غياااارها متوفر حتى في التشليح والمان دورني تلقى لها شي في الكرجاااات سلامااااااااااااات

اخوي انا قصدي ان السياره عليها ضمان سنتين ضمان شركه
بعدين سوال الخراب على الشركه هذا كلامك نعم هناك كثير من
الوسطاء يقول لك هذا الكلام ولكن يتفق معاك على مبلغ معين شهري
وبدل ما يكون شغل السياره 12 ساعه في اليوم هو يشغلها 24 ساعه
بعدين لكل واحد رغبه ممن يشتري اكتروس او سكند هاند او التاتا بعد مافيه فرق
ولكن الفرق هو الوسيط وطريقة عمله وقناعة صاحب السياره في طريقة عمل سيارته

[الهلالي999]

راس تريله من الكويت مايقارب من موديل 98 الى 2001
بسعر 100000 ريال واذا فيه تعديل يزيد شوي
والصندوق موديل 2006
بسعر 93000 الف ريال
ولك الاختيار

[الصمت]

انا رحت للكويت قبل شهرين وماحصلت فيها شي.

ورحت للأردن وحصلت فيها سيارات اسعارها مناسبه ونظيفه واخذت منها اكثر من وحده.

تحياتي

[Orbit]

شسالفة الاقبال على شراء التريلات هلايام

[الوحيد]

توني جاي من الدمام عند شركة القاضي للسيارات المتخصص في السيارات الكبيرة ونصنحي صاحب الشركة الله يعطيه العافية باستعمال تريلا نوع Lb الكير عادي
واسعارهم في السعودية موديل 97 الراس بس 145000

[ورقــة أمــل]

انزين ابي اخذ تريلا من الدوحة

مستعمله من موديل 99 وطالع

من وين اشتري وين تنصحوني

مع العلم ان سعرها لا يزيد عن 250 الف

[الطرف الأغر]

انا عن نفسي سألت واستفسرت وايد بخصوص التريلات اذا بتاخذهم من اهني اذا بتكون جديده فعلا مابيكون فيها خراب لكن بعد سعرها وايد غالي انا انصح بالمرسيدس من 2002 وطالع للمستعمل، تقريبا يكون سعرهم يتراوح من 150 الى 170 وضيف عليهم الصندوق بقيمه 40 او 50 الف وبعض التضبيطات الخاصه بالتريلا حول 10 الالف تطلع لك حوالي 230 الف , أما بالنسبه للامارات يكون سعرهم بنفس الموديل الي ذكرته في حدود 130 الى 140 الف، واذا تبي الافضل حسب علمي عندك الأردن يجيبون لك السياره جديده بأرخص سعر تاخذها انت بروحك من هناك وما تدفع الا بالحواله عن طريق البنك بعد ما تتأكد من انها سليمه يعني شغل ممتاز ... هذا رايي

وبالنسبه للايجار على حسب اذا بتكون شغاله لحسابك الخاص انت تتكفل بالسايق وكل شي يصير بالتريلا ولازم يكون عندك سياره ثانيه بيك اب او اي شي في حاله تغير التاير او العطل يعني سالفه كبيره اذا بتاجرها على شركه بترتاح من عوار الراس

والاقبال على شراء التريلات لأن البلد في وقت نهضة الله يزيد ويبارك وعمران والشغل فالنقليات يربح ان شاء الله خلال هالفتره