المتعوس متعوس .. و لو علقوا له على راسه فانوس

[ودي أكون]

الدهر يومان .. يومٌ لك، ويومٌ عليك

[بانغ بانغ]

قال تعالى جل شأنه ... " ولا يلقاها الا ذو حظ عظيم "


ما معنى الحظ ؟

الحظ هو عبارة عن موقف يتصادف مع ما كان يخطط له شخص ما ... فإن اصاب كان مقدر له وإن خاب كان ايضا مقدر له

فالحظ في القرآن هو المحظوظ بالاسلام

ففي فرق بين الحظ والفأل ...

خاصة اللي يؤمنون بقراءة الابراج والكف ومواقع النجوم ويقرر على نفسه بالتعاسة او الحظ

موضوع جميل سأتعمق فيه

[الحياة الخالدة]

قال تعالى : أنا عند حسن ظن عبدي بي ..

ولا عندي فال ولا تطير ولا تشائم الا من ثلاث

و نعم بالله أخوي
و من له الله ما ضاع

حياك الله يا ولد العرب

[الحياة الخالدة]

النوعيه هذي فيهم طاقة سلبية كبيرة

ان قعدتي معاهم شوي ضاق خلقج وكرهتي الدنيا

يحبون الدراما .. المأساوية عشان يبررون فشلهم

طبعاً احنا نؤمن بالقدر خيره و شره

وان مرينا بمصيبة او تعثرنا بعثرة .. تمسكنا بإيمانا و قلنا خيره

موضوع مميز كالعادة .. والله يبعد عنا وعنج المتاعيس

صحيح حبيبتي سويتي
ودج مثل هالناس تقللين قعدتج وياهم قد ما تقدرين
لكن أحياناً تنجبرين .. لأنهم منج و فيج .. وش حيلة المجبور

الله يجيرنا و إياكم من العثـــــــرات

تسلمين يا قلبي

[رهج السنابك]

والله انا شفت ناس لهم حظ يفلق الصخر
النصيب ترا رزق من الله
يعني الي ماتضرب معاه ضربات حظ هذا جذي نصيبه والي تصيب معاه كل مره ومن غير جهد ماله اسم غير حظ

[حسن]

يقول المثل

التم المتعوس مع خايب الرجاء

وهذا ينطبق على الشخص التعبان ولما يلتم مع شخص اتعب منه

فحذار من هذا المثل

[برشلوني قطر]

موجوده شلة المناحيس والمقاريد..((مابدها تضبط يازلمه)).الواحد ماله الا يحمد الله ويعلم ان ذي الشي خير له

اثنين من الربع معاي...واحد يقولي انت شمسوي ف دنياك كل يوم طالع لك شي رد عليه الثاني بالعكس

الله يحبه ويبتليه...وفعلا صرت اتقبل الامور وانا مبسوط واحتسب الاجر..

قوااج الله الحياة

[مـراحـب]

موضوع مميز ، ، ، نحتاج لهالمواضيع

عشان نغيير تفكيرنا ، ، ، في بعض الأمور

كثروا من هالمواضيع الهادفة ، ، عل وعسى

من ناحيتي أبتعدت شخصياً عن الناس السلبيين ، ، ، واتناقش معاهم بعدة مواضيع
لإبعاد التشاؤم والنظرة السوداوية

صرت أصاحب الناس الإيجابين ، ، للنظرة الجميلة وبث في أنفسنا النجاح وحب الحياة والتفاؤل

وكل الشكر ، ، ونستفيد من ردود البقية


طرح مميز ، ، من الأخت الحياة الخالدة